Ano ang Ethereum?
Ang pundasyon para sa ating digital na hinaharap
Isang kumpletong gabay para sa baguhan, kung paano gumagana ang Ethereum, ang mga benepisyong dulot nito at kung paano ito ginagamit ng milyun-milyong tao sa buong mundo.
Buod
Ang Ethereum ay isang network ng mga computer sa buong mundo na sumusunod sa isang hanay ng mga panuntunan na tinatawag na Ethereum protocol. Ang network ng Ethereum ang nagsisilbing pundasyon para sa mga komunidad, application, organisasyon, at digital asset na maaaring gawin at gamitin ng sinuman.
Puwede kang gumawa ng Ethereum account kahit saan at kahit kailan, at mag-explore ng maraming app o gumawa ng sarili mong app. Ang pangunahing inobasyon dito ay puwede mong gawin ang lahat ng ito nang hindi umaasa sa sentral na awtoridad na maaaring baguhin ang mga panuntunan o limitahan ang iyong access.
- Free and global Ethereum accounts
- Pseudo-private, no personal information needed
- Without restrictions anyone can participate
- No company owns Ethereum or decides its future
Ano ang magagawa ng Ethereum?
Banking para sa lahat
Hindi lahat ay may access sa mga serbisyo ng pinansyal. Isang koneksyon sa internet lang ang kailangan mo para ma-access ang Ethereum at ang mga produkto ng pagpapautang, paghiram at pag-iimpok na binuo dito.
Isang open na internet
Magagawa ng kahit sino na mag-interact sa Ethereum network o bumuo ng mga application dito. Sa tulong nito, nakokontrol mo ang mga sarili mong asset at pagkakakilanlan, at hindi ng ilang malaking kumpanya.
Isang kaibigan sa kaibigan na network
Sa pamamagitan ng Ethereum, maaari kang makipag-ugnayan, makipagkasundo, o mag-transfer ng mga digital asset nang direkta sa ibang tao. Hindi mo na kailangang umasa sa mga intermediary.
Lumalaban sa censorship
Hindi kinokontrol ng anumang pamahalaan o kumpanya ang Ethereum. Dahil sa desentralisasyon, halos imposible para sa sinuman na pigilan kang tumanggap ng mga bayad o gumamit ng mga serbisyo sa Ethereum.
Mga garantiya sa komersyo
Ang mga mamimili ay may secure at built-in na garantiya na ang pondo ay maipapapalit lang kung ibibigay ninyo kung ano ang napag-usapan. Gayundin, ang mga developer ay maaaring magkaroon ng katiyakan na hindi mababago ng mga patakaran ang mga iyon.
Mga composable na produkto
Ginawa ang lahat ng app sa iisang blockchain na may iisang global state. Ibig sabihin nito, maaari nilang gamiting basehan ang isa't isa (katulad ng mga Lego brick). Sa tulong nito, nagiging mas maganda ang mga produkto at karanasan at sinisigurado nitong walang makakapag-alis ng anumang tool na kailangan ng mga app.
Ang blockchain ay database ng mga transaksyon na ina-update at ginagamit sa maraming computer sa isang network. Sa tuwing may idinadagdag na bagong hanay ng mga transaksyon, tinatawag itong “block” - kung kaya't "blockchain" ang tawag dito. Ang mga pampublikong blockchain tulad ng Ethereum ay nagbibigay-daan sa kahit sino na magdagdag, pero hindi mag-alis, ng datos. Kung may isang taong gustong baguhin ang alinman sa impormasyon o dayain ang sistema, kailangan niya itong gawin sa malaking bahagi ng mga computer sa network. Napakarami no'n! Ito ang dahilan kung bakit napaka-secure ng mga decentralized blockchain tulad ng Ethereum.
Bakit ko gagamitin ang Ethereum?
Kung interesado ka sa mas matibay, bukas, at mapagkakatiwalaang paraan para makipagtulungan sa buong mundo, bumuo ng mga organisasyon, gumawa ng mga app, at magbahagi ng halaga, para sa iyo ang Ethereum. Ang Ethereum ay isang kwento na isinusulat nating lahat, kaya halina at tuklasin natin kung ano ang mga kahanga-hangang mundo na magagawa natin dito nang sama-sama.
Napakahalaga rin ng Ethereum para sa mga taong napilitang harapin ang kawalan ng katiyakan hinggil sa seguridad, katatagan, o mobility ng kanilang mga asset dahil sa mga pangyayaring hindi nila makokontrol.
Mga numero ng Ethereum
Sino ang nagpapatakbo ng Ethereum?
Ang Ethereum ay hindi kontrolado ng anumang partikular na entidad. Umiiral ito sa tuwing may mga konektadong computer na nagpapatakbo ng software na sumusunod sa Ethereum protocol at nagdaragdag sa Ethereum . Ang bawat isa sa mga computer na ito ay kilala bilang node. Maaaring patakbuhin ng sinuman ang mga node, bagaman upang makilahok sa pag-secure ng network, kailangan mong mag- ng ETH (ang native token ng Ethereum). Sinumang may 32 ETH ay maaaring gawin ito nang hindi kinakailangan ang pahintulot.
Kahit ang Ethereum source code ay hindi gawa ng isang entidad lang. Magagawa ng kahit sino na magmungkahi ng mga pagbabago sa protocol at pag-usapan ang mga upgrade. May ilang uri ng implementasyon ng Ethereum protocol na gawa ng mga independent na organisasyon sa ilang programming language, at karaniwang ginagawa ang mga ito nang hindi itinatago at hinihikayat dito ang mga kontribusyon ng komunidad.
Ano ang mga smart contract?
Ang mga smart contract ay mga computer program na nakapaloob sa Ethereum blockchain. Nae-execute ang mga ito kapag na-trigger ng transaksyon mula sa user. Sa tulong ng mga ito, napaka-flexible ng Ethereum pagdating sa mga kaya nitong gawin. Ang mga programang ito ay nagsisilbing mga building block para sa mga decentralized na app at organisasyon.
Nakagamit na ba kayo ng isang produkto na nagbago sa mga tuntunin ng serbisyo nito? O inalis ang isang feature na naging kapaki-pakinabang para sa inyo? Kapag ang isang smart contract ay nai-publish sa Ethereum, ito ay magiging online at gumagana hangga't umiiral ang Ethereum. Hindi ito maaaring alisin kahit ng may-akda. Dahil automated ang mga smart contract, hindi sila nagtatangi sa sinumang user at palaging handang gamitin ang mga ito.
Ang karaniwang mga halimbawa ng mga smart contract ay mga lending app, mga palitan ng decentralized trading, insurance, quadratic na pagpopondo, mga social network, - halos anumang bagay na maiisip mo.
Kilalanin ang ether, ang cryptocurrency ng Ethereum
Sa maraming pagkilos sa Ethereum network, may ilang gawaing kailangang gawin sa naka-embed na computer ng Ethereum (kilala bilang Ethereum Virtual Machine). Hindi libre ang pag-compute na ito; binabayaran ito gamit ang native cryptocurrency ng Ethereum na tinatawag na ether (ETH). Ibig sabihin nito, kailangan mong magkaroon ng kahit kaunting ether para magamit ang network.
Ganap na digital ang ether at maaari mo itong ipadala kaagad sa kahit sino, kahit saan sa mundo. Hindi kontrolado ng anumang gobyerno o kumpanya ang supply ng ether - decentralized at ganap na transparent ito. Maingat na ibinibigay ang ether nang naaayon sa protocol, at sa mga staker lang na nagse-secure sa network.
Taunang Pagkonsumo ng Kuryente sa TWh/yr
Paano ang pagkonsumo ng enerhiya ng Ethereum?
Noong Setyembre 15, 2022, naganap ang The Merge upgrade na naglipat sa Ethereum mula sa patungo sa .
Ang Merge ay isa sa pinakamalaking upgrade ng Ethereum at binawasan nito ang pagkonsumo ng kuryente na kailangan para ma-secure ang Ethereum nang 99.95% na gumagawa ng mas secure na network nang mas maliit ang carbon cost. Ang Ethereum ay isa na ngayong low-carbon blockchain habang pinapalakas ang seguridad at scalability nito.
Narinig ko ang crypto ay ginagamit bilang isang tool para sa kriminal na aktibidad. Totoo ba ito?
Tulad ng anumang teknolohiya, maaari itong gamitin sa maling paraan. Gayunpaman, dahil nangyayari ang lahat ng transaksyon sa Ethereum sa open blockchain, madalas na mas madali para sa mga awtoridad na subaybayan ang mga ilegal na gawain kaysa sa tradisyonal na sistema ng pananalapi. Kung kaya, hindi masyadong pinipili ang Ethereum ng mga taong mas gugustuhing hindi matiktikan.
Ang Crypto ay ginagamit nang mas mababa kaysa sa mga fiat na pera para sa mga layuning kriminal ayon sa mga pangunahing natuklasan ng isang kamakailang ulat ng Europol, ang European Union Agency para sa Law Enforcement Cooperation:
"Ang paggamit ng mga cryptocurrency para sa mga ipinagbabawal na aktibidad ay tila binubuo lang ng isang maliit na bahagi ng pangkalahatang ekonomiya ng cryptocurrency, at lumilitaw na ito ay medyo mas maliit kaysa sa halaga ng mga ipinagbabawal na pondo na kasangkot sa tradisyonal na pananalapi."
Ano ang pagkakaiba ng Ethereum at Bitcoin?
Inilunsad noong 2015, ang Ethereum ay binuo sa Bitcoin inobasyon, na may ilang malalaking pagkakaiba.
Parehong kayong hinahayaan ng mga ito na gumamit ng digital money nang walang mga payment provider o mga bangko. Ngunit ang Ethereum ay programmable, kaya maaari din kayong bumuo at mag-deploy ng mga decentralized application sa network nito.
Sa tulong ng Bitcoin, nakakapagpadala tayo ng mga basic na mensahe sa isa't isa tungkol sa mga bagay na mahalaga para sa atin. Kamangha-mangha na ang pagtatakda ng halaga nang walang awtoridad. Pinapalawig pa ito ng Ethereum: sa halip na mga mensahe lang, maaari kayong magsulat ng anumang pangkalahatang programa o kontrata. Walang limitasyon sa uri ng mga kontratang maaaring gawin at pagkasunduan, kung kaya't nagaganap ang napakagandang inobasyon sa Ethereum network.
Ang Ethereum ay parang marketplace ng mga serbisyong pinansiyal, laro, social network, at iba pang mga app, samantalang network para sa pagbabayad lang ang Bitcoin.
Karagdagang pagbabasa
Linggong ito sa Balita sa Ethereum - Isang lingguhang newsletter na sumasaklaw sa mahahalagang pag-unlad sa buong ecosystem.
Mga Atom, Institusyon, Blockchain - Bakit mahalaga ang mga blockchain?
Kernel Pangarap ng Ethereum