Cad é Ethereum?

Is cineál nua criptea-airgeadra é Stablecoins a bhraitheann ar shócmhainn níos cobhsaí mar bhunús dá luach. Tá an chuid is mó acu nasctha le dollar na Stát Aontaithe agus mar sin coinníonn siad luach an airgeadra sin. Leo sin ligtear do chóras íocaíochta domhanda atá an‑saor agus cobhsaí. Tógtar go leor Stablecoins ar líonra Ethereum.

Trí Ethereum agus stablecoins simplítear an próiseas chun airgead a sheoladh thar lear. Is minic nach dtógann sé ach cúpla nóiméad cistí a aistriú ar fud na cruinne, i gcomparáid le laethanta gnó nó fiú seachtainí a d'fhéadfadh bheith i gceist i gcás gnáthbhainc, agus ar chostas i bhfad níos ísle. Ina theannta sin, níl aon táille bhreise ann chun idirbheart ardluacha a dhéanamh, agus níl aon srianta ar an áit nó ar an bhfáth a bhfuil do chuid airgid á sheoladh agat.

Má tá an t-ádh leat go bhfuil il-roghanna baincéireachta agat trí institiúidí iontaofa san áit a bhfuil cónaí ort, féadfaidh tú talamh slán a dhéanamh den tsaoirse airgeadais, den tslándáil agus den chobhsaíocht a chuireann siad ar fáil. Ach is iomaí duine ar fud an domhain a thugann aghaidh ar chos ar bolg polaitiúil nó ar chruatan eacnamaíoch, tá seans ann nach soláthraítear an chosaint nó na seirbhísí is gá dóibh trí institiúidí airgeadais.

Nuair a bhuail cogadh, tubaistí eacnamaíocha nó cniogbheartaíocht ar shaoirsí sibhialta muintir Veiniséala(opens in a new tab), Cúba(opens in a new tab), na hAfganastáine(opens in a new tab), na Nigéire(opens in a new tab), na Bealarúise(opens in a new tab), agus na hÚcráine(opens in a new tab), ba iad na criptea-airgeadraí an rogha is tapúla agus ba mhinic gurb iad an t-aon rogha amháin le neamhspleáchas airgeadais a choinneáil.^{1(opens in a new tab)} Mar a fheictear sna samplaí sin, is féidir le criptea-airgeadraí cosúil le hEthereum rochtain gan bhac a sholáthar ar an ngeilleagar domhanda nuair a scoitear daoine ón domhan lasmuigh. Ina theannta sin, cuireann Stablecoins stór luacha ar fáil nuair a bhíonn airgeadraí áitiúla ag titim as a chéile mar gheall ar hipearbhoilsciú.

In 2021 amháin, d’úsáid ealaíontóirí, ceoltóirí, scríbhneoirí agus cruthaitheoirí eile Ethereum chun thart ar $3.5 billiún a thuilleamh le chéile. Leis sin tá Ethereum ar cheann de na hardáin domhanda is mó do chruthaitheoirí, taobh le Spotify, YouTube agus Etsy. Foghlaim tuilleadh(opens in a new tab).

Tá rud ar a dtugtar 'cluichí a imirt chun tuillimh' (ina dtugtar luach saothair iarbhír d'imreoirí as na cluichí a imirt) tar éis teacht chun cinn le déanaí agus tá siad ag athrú an tionscail cluichíochta. Le fada, toirmisctear sócmhainní ion‑chluiche a thrádáil nó a aistriú chuig imreoirí eile le haghaidh airgead fíor. Dá bhrí sin cuirtear iallach ar imreoirí láithreáin ghréasáin ar an margadh dubh a úsáid ar minic a mbíonn riosca slándála ag baint leo. Le cluichíocht blocshlabhra cuirtear fáilte roimh an ngeilleagar ion‑chluiche agus cuirtear iompar den sórt sin chun cinn ar bhealach iontaofa.

Ina theannta sin, spreagtar imreoirí trí bheith in ann comharthaí ion-chluiche a thrádáil ar airgead fíor agus dá bhrí sin fíorluach saothair a fháil as a gcuid ama imeartha.