Gas fee
Netwok fee
Netwok fees on Ethereum na im dem dey koll gas.
Gas na di fuel wey dey make Ethereum wok.
Summary
- Every transacshon on Ethereum nid one smoll type of payment to process am
- Na dis fees dem dey koll 'gas' fee
- Gas fees no dey fix, dem dey shanj base on hau di netwok dey busy
Wetin bi gas fees?
Make yu tink of Ethereum as one big komputa netwok wia pipol fit dey do tins like send mesaj abi dey run programs. Just like for real world, dis dem wok nid enagi to do dem.
For Ethereum, ish komputashon akshon get "gas" price. Yor gas fees na di total kost of di akshons wey dey yor transakshon. Wen yu send one transakshon abi run one , yu go pay gas fees to process am.
How I go pay smoll gas?
As pesin nor fit afoid higher fees for Ethereum sometaims, e get some ways yu fit yus ridus di cost:
Make yu taim yor transakshons
Just like pesin wey dey travel off-peak nor get plenti pipol and nor too cost, Ethereum dey generally cheap to wella wen pipol for North America dey sleep.
Make yu wait for gas to go down
Gas price dey go upandan for every twelve seconds base on e dey busy rish for Ethereum. Wen gas prices dey high, to dey wait just for few minute bifor makin transakshon fit make yu si big drop in wetin yu pay.
Make yu yus Layer 2
Dem build Ethereum ontop Layer-2 chains, e dey give very smoll fees and dey handol more transakshons. Dem be gud shoise to save on fees for transakshons wey nor nid to hapun on di main Ethereum netwok.
Wetin dey kause high gas fees?
Weneva di kalkulashon (gas) for Ethereum dey pass one kain level, gas fees go start to dey rise. Di more di gas go pass dis level, de faster gas fees dey inkrease.
Tins laik popular abi NFTs fit make fees go up, piriodikaly inkrease trading on , abi wen plenti pipol dey yus am at peak taims.
Pipol wey divelop Ethereum supose take kia to make dia smart contracts wok wella bifor dem bring am komot. If plenti pipol de yus smart contract wey dem nor write wella, im go chop more gas and im fit kause netwok palava kwik-kwik.
Shey yu want enta wella? Make yu shek di divelopa dokument.
Atak of di Cryptokitties
For november 2017, dem launch di pupola CryptoKitties project. Di kain pipol wey like am make am get plenti netwok palava and make am get high gas fees. Di shalenj wey CryptoKitties kause speed am up to dey find solushon to make Ethereum grow wella.
Why wi nid gas?
Gas na one ogbonge element to dey yus kip Ethereum and dey process transakshons. Gas dey helep for many ways:
Gas dey make Ethereum as im dey blok bad pipol to fraud di netwok wit fake aktivitis.
Bikos kalkulashon dey make gas cost plenti, and dey make Ethereum get transakshons wey dey too high, weda by asident abi by wayo, e nor dey enkoraj finanshialy.
One hard-limit for di amount to dey kalkulate dat fit hapun at any taim dey prevent pipol to dey ova yus Ethereum, as im dey helep to make sure sey pipol fit yus di netwok always.
How dem dey kalkulate gas?
Di total gas fee yu dey pay is made up of few pats:
- Base fee: one fee set by di netwok wey pipol fit yus pay for transakshon
- Priority fee: one opshon tip to dey incentiviz node operators to add yor transakshon
- Units of gas dem don yus*: shey yu rimemba wi tok sey gas reprisent komputashon? Plenti akshons wey hard, like to dey meet wit one smart contract, dey yus more gas pass simpol ones, like to dey send one transakshon.
- * Make yu si Figor 1 to si how much gas difrent types of transakshon dey yus
Di formula wen kalkulatin one gas fee na units for gas yuse * (base fee + priority fee). All wallets go kalkulate gas yus and show am for inside diret way.
| Transakshon type | Units of gas yus |
|---|---|
| To dey send ETH | 21,000 |
| To dey send ERC-20 tokens | 65,000 |
| To dey transfa one NFT | 84,904 |
| To dey swap on Uniswap | 184,523 |