Bí o ṣe lè lo wọ́lẹ́ẹ́tì kan

Kọ ẹkọ bi o ṣe le ṣiṣẹ gbogbo awọn iṣẹ ipilẹ ti woleeti kan. Bí o kò bá tí ní ìkan tẹ́lẹ̀, yẹ ìkànnì wa lóri Bí o ṣe lè ṣẹ̀dá àkántì Ethereum kan wò.

Ṣí wọ́lẹ́ẹ́tì rẹ

O yẹ kó o rí dáṣíbọ́ọ̀dù kan tó ṣe àfihàn iye owó rẹ, tó sì ní àwọn bọ́tìnì láti ṣe ìfiránṣẹ́ àti láti gba owó.

Gba owó cryptocurrency

Ṣé o fẹ́ gba owó crypto sínú wọ́lẹ́ẹ́tì rẹ?

Àkántì Ethereum kọ̀ọ̀kan ní àdírẹ́sì tirẹ̀ tí ó jẹ́ àwọn nọ́ńbà àti lẹ́tà tí ó tò ni tẹ̀lé ǹ tẹ̀lé. Àdírẹ́sì náà dà bí nọ́ńbà àkáǹtì ilé ìfowópamọ́. Àwọn àdírẹ́sì Ethereum yóò máa bẹ̀rẹ̀ pẹ̀lú “0x” ní gbogbo ìgbà. O le pín àdírẹ́sì yìí pẹ̀lú ẹnikẹ́ni: kò so sí ewu láti ṣe bẹ́ẹ̀.

Bíi ti àdírẹ́sì ilé rẹ ni àdírẹ́sì Ẹ̀tẹ́ríọ̀mù rẹ ṣe rí: o ní láti sọ ó fún àwọn èèyàn kí wọ́n lè rí ọ. O lè ṣe èyí láìséwu, nítorí pé o ṣì lè fi kọ́kọ́rọ́ mìíràn tí ìwọ nìkan lè lò láti ti ilẹ̀kùn rẹ kí ẹnikẹ́ni má bàa wọlé, kódà bí wọ́n bá tiẹ̀ mọ ibi tó o ń gbé.

O ní láti fún ẹnikẹ́ni tó bá fẹ́ fi owó ránṣẹ́ sí ọ ní àdírẹ́sì rẹ. Ọ̀pọ̀lọpọ̀ àwọn ohun èlò wọ́lẹ́ẹ́tì ló jẹ́ kí o ṣe àdàkọ adirẹsi rẹ tàbí kí o fi kóòdì QR hàn fún lílò tó rọrùn. Yẹra fún títẹ èyíkèyí adirẹsi Ethereum rẹ pẹ̀lú ọwọ́. Èyí lè mú àṣìṣe wá nígbà tí o bá ń kọ ọ́ sílẹ̀, kí o sì pàdánù owó.

Àwọn ohun èlò orísirísi le yàtọ̀ síra tàbí lo èdè tí ó yàtọ̀, sùgbọ́n wọ́n yẹ kí wọ́n mú ọ gba ìlànà tí ó jọra tí o bá ń gbìyànjú láti fi owó ránṣẹ́.

1. Sí ohùn èlò wọ́lẹ́ẹ́tì rẹ.
2. Tẹ sórí "Gbà" (tabi ọ̀rọ̀ mìíràn tí o súnmọ́).
3. Ṣe àdàkọ àdírẹ́ẹ̀sì Ethereum rẹ.
4. Pèsè àdírẹ́ẹ̀sì Ethereum rẹ fún ẹni tí ó fẹ́ ṣe ìfiránṣẹ́.

Fi owó crypto ránṣẹ́

Ṣé o fẹ́ fi ETH ránṣẹ́ sí wọ́lẹ́ẹ́tì mìíràn?

1. Sí ohùn èlò wọ́lẹ́ẹ́tì rẹ.
2. Gba àdírẹ́ẹ̀sì olùgbà kí o sì ri dájú wípé o wà ní ìsopọ̀ pẹ̀lú nẹ́tíwọ̀ọ̀kì kannáà bíi ti olùgbà rẹ.
3. Tẹ àdírẹ́ẹ̀sì olùgbà tàbí kí o fi kámẹ́rà rẹ ṣàyẹ̀wò kóòdì QR kó o má bàa máa fi ọwọ́ kọ àdírẹ́sì náà.
4. Tẹ sórí bọ́tìnì “fi ránṣẹ́” nínú wọ́lẹ́ẹ́tì rẹ (tabi ọ̀rọ̀ mìíràn tí o súnmọ́).

5. Ọ̀pọ̀lopọ̀ àwọn ohun ìní, bíi DAI tàbí USDC, wà lórí àwọn nẹ́tíwọ̀ọ̀kì púpọ̀. Nígbà tí o bá ń fi àwọn owó kírípítò ránṣẹ́, rí i dájú pé ẹni tó ń gbà á ń lo nẹ́tíwọ̀ọ̀kì kan náà bíi èyí tí ìwọ náà ń lò, níwọ̀n ìgbà tójẹ́pé àwọn èyí kì í ṣe èyí tí a lè pààrọ̀.
6. Ríi dájú wípé àpamọ́wọ́ rẹ ní owó tí ó tó fún owó ìdúnàdúrà, èyítí ó le yàtọ pẹ̀lú ipò nẹ́tíwọ̀ọ̀kì. Púpọ̀ àwọn wọ́lẹ́ẹ́tì yóò ṣàfikún owó ìdábàá sí owó ìdúnàdúrà láìfọwọ́yí èyítí o le jẹ́ẹ̀rísí lẹ́yìn náà.
7. Ní kété tó bá ti ṣe ìfiránṣẹ́ ìṣòwò rẹ, Iye kírípítò tí o ba èyí tí ó firánṣẹ́ mu yóò farahàn nínú àkántì olùgbà náà. Èyí le gba níbikíbi láti iṣẹ́jú àáyá sí iṣẹ́jú díẹ̀ èyí tí o dá l'órí ipò nẹ́tíwọ̀ọ̀kì l'àkókò náà.

Ìsopọ̀ sí àwọn iṣẹ́ àkànṣe

Àdírẹ́ẹ̀sì rẹ yóò jẹ́ bákan náà ní gbogbo iṣẹ́ àkànṣe Ethereum. O kò nílò láti forúkọsílẹ̀ ní ọ̀kọ̀ọ̀kan lórí èyíkèyí iṣẹ́ àkànṣe. Ní kété tí o bá tí ní wọ́lẹ́ẹ́tì kan, o lè so mọ́ èyíkéyìí iṣẹ́ àkànṣe Ethereum láì ṣàfikún ìsọfúnni kankan. Kò nílò àwọn àdírẹ́ẹ̀sì ímeèlì tàbí àwọn ìsọfúnni mìíràn tó jẹ́ ti ara ẹni.

1. 1. Lọ sí ìkànnì èyíkéyìí iṣẹ́ àkànṣe.
2. Tí ojú-ewé wẹ́ẹ̀bù náà bá jẹ́ èyí tí ń ṣ’àpéjúwe ti iṣẹ́ náà, ó yẹ kí o ní àǹfàní láti tẹ bọ́tìnì "Ṣí ohun-èlò náà" lórí i rẹ̀ nínú àkójọ àsàyàn èyítí yóò gbé ọ sí orí wẹ́ẹ̀bù gangan.
3. Lọ́gán tí o bá ti wà ní orí ohun èlò náà tẹ̀ s’orí “Ìsopò”.

4. Yan wọ́lẹ́ẹ́tì rẹ láti inú àwọn àsàyàn tí a ti pèsè kalẹ̀. Bí o kò bá rí wọ́lẹ́ẹ́tì rẹ, ó lè wà ní ìsàlẹ̀ àṣàyàn “WalletConnect”.

5. Buwọ́lu ìbéèrè ifọwọ́sí tó wà nínú wọ́lẹ́ẹ́tì rẹ láti ṣètò ìsopọ̀ náà. Buwọ́lu ìsọfúnni yìí kò ní nílò ìnáwó ETH kankan.
6. Òhun nìyẹn! Bẹ̀rẹ̀ sí ní lo ohun èlò náà. O le rí díẹ̀ nínú àwọn iṣẹ́ àkànṣe tó wúni lóríojú-ewè Dapps wa.
   

Awon ibere gbogbo ìgbà

Tí mo bá ní àdírẹ́sì ETH kan, ṣé mo ní adirẹsi kan náà lórí àwọn blockchains míràn?

O le lo àdírẹ́ẹ̀sì kannáà lórí gbogbo àwọn blockchain tí o ní ìbámu pèlú EVM (tí o bá ní irú wọ́lẹ́ẹ́tì pẹ̀lú ọ̀rọ̀ gbolohun olùgbàpadà). Àtòjọ(opens in a new tab) yìí yóò fi hàn ọ́ àwọn blockchain tí o lè lò pẹ̀lú àdírẹ́sì kan náà. Díẹ̀ nínú àwọn blockchain, bí Bitcoin, ṣe ìmúse ìṣètò sí nẹ́tíwọ̀ọ̀kì tí ó yàtò pátápátá àti wípé o yóò nílò àdírẹ́ẹ̀sì tó yàtọ̀ pẹ̀lú ọ̀nà tó yàtọ̀. Tí o bá ní wọ́lẹ́ẹ́tì àdéhùn ọlọ́gbọ́n, ó yẹ kí o ṣàyẹ̀wò ojú òpó wẹ́ẹ̀bù ọjà rẹ̀ fún àlàyé díẹ̀ síi lórí blockchain wo ló ní àtìlẹ́yìn.

Ṣé mo lè lo àdírẹ́ẹ̀sì kan náà lórí ọ̀pọ̀lọpọ̀ ẹ̀rọ?

Bẹ́ẹ̀ ni, o lè lo àdírẹ́sì kan náà lórí ọ̀pọ̀lọpọ̀ ẹ̀rọ. Àwọn wọ́lẹ́ẹ́tì jẹ́ pẹpẹ lásán láti ṣ’àfihàn iye owó àti láti ṣe kàràkàtà, àkántì rẹ kò sí nínú wọ́lẹ́ẹ́tì náà, ṣùgbọ́n ó wà lórí blockchain.

Mi kò tí rí owó crypto náà gbà, níbo ni mo ti lè ṣayẹwo ipò ìdúnàádúrà?

O le lo àwọn aṣàwárí búlọ̀kù láti rí ipò ìdúnàádúrà ní ojú ẹsẹ̀. Gbogbo ohun tí o ní láti ṣe ni láti wá àdírẹ́sì wọ́lẹ́ẹ́tì rẹ tàbí ìdánimọ̀ ìdúnàádúrà náà.

Ṣé mo lè fagi lé ìdúnàádúrà tàbí kí n dá ìdúnàádúrà padà?

Rárá o, tí o bá ti fọwọ́ sí ìdúnàádúrà kan, o kò lè fagilé ìdúnàádúrà náà.