რა არის ეთერეუმი?
ჩვენი ციფრული მომავლის საფუძველი
დამწყებთათვის სრული სახელმძღვანელო, თუ როგორ მუშაობს ეთერეუმი, რა სარგებლობა მოაქვს მას და როგორ იყენებს მას მილიონობით ადამიანი მსოფლიოს გარშემო.
შეჯამება
ეთერეუმი არის მთელ მსოფლიოს მასშტაბით კომპიუტერების ქსელია, რომლებიც ემორჩილება წესთა ერთობლიობას, სახელად "ეთერეუმის პროტოკოლი". ეთერეუმის ქსელი მოქმედებს როგორც საზოგადოებების, აპლიკაციების, ორგანიზაციებისა და ციფრული აქტივების საფუძველი, რომელთა შექმნა და გამოყენება ნებისმიერს შეუძლია.
ეთერეუმის ანგარიშის შექმნა და აპლიკაციების სამყაროს გამოკვლევა ან თქვენი საკუთარი აპლიკაციის შექმნა ნებისმიერი ადგილიდან, ნებისმიერ დროს შეგიძლიათ. ძირითადი ინოვაცია იმაში მდგომარეობს, რომ ამ ყველაფრის კეთება ცენტრალური ორგანოს ნდობის გარეშე, რომელსაც შეეძლებოდა წესების შეცვლა ან თქვენთვის წვდომის შეზღუდვა, არის შესაძლებელი.
განაგრძეთ კითხვა მეტის გასაგებად…
რა შეუძლია ეთერეუმს?
ბანკინგი ყველასათვის
ყველას არ აქვს წვდომა ფინანსურ სერვისებზე. ინტერნეტ კავშირი არის ყველაფერი, რაც გჭირდებათ ეთერეუმზე წვდომისთვის და მასზე აგებული სესხის მისაღებად, გასაცემად, და შემნახველ პროდუქტებზე წვდომისთვის.
ღია ინტერნეტი
ნებისმიერ ადამიანს შეუძლია ეთერეუმის ქსელთან ურთიერთობა ან მისი გამოყენებით აპლიკაციების შექმნა. ეს საშუალებას გაძლევთ გააკონტროლოთ თქვენი საკუთარი აქტივები და ვინაობა, ნაცვლად იმისა, რომ ისინი რამდენიმე მეგა-კორპორაციის მიერ იმართებოდეს.
პირინგული ქსელი
ეთერეუმი საშუალებას გაძლევთ, პირდაპირ სხვა ადამიანებთან მოახდინოთ კოორდინირება, დადოთ შეთანხმებები ან გადასცეთ მათ ციფრული აქტივები. საამისოდ, შუამავლებზე დაყრდნობას არ საჭიროებთ.
ცენზურის მიმართ მდგრადი
ეთერეუმზე კონტროლი არც ერთ მთავრობას ან კომპანიას არ აქვს. დეცენტრალიზაცია ეთერეუმის საშუალებით გადახდების მიღების ან სერვისების გამოყენების შეფერხებას თითქმის შეუძლებელს ხდის.
კომერციის გარანტიები
მომხმარებელს აქვს უსაფრთხო, იმთავითვე უზრუნველყოფილი გარანტია, რომ თანხები ერთი ხელიდან მეორეში გადავა მხოლოდ იმ შემთხვევაში, თუ შეასრულებთ იმას, რაც იყო შეთანხმებული. ანალოგიურად, დეველოპერებს შეუძლიათ ჰქონდეთ რწმენა, რომ მათ შემთხვევაში წესები არ შეიცვლება.
ინტერპრეტირებადი პროდუქტები
ყველა აპლიკაცია საერთო გლობალურ მდგომარეობაში ერთსა და იმავე ბლოკჩეინზეა აგებული, რაც იმას ნიშნავს, რომ მათ შეუძლიათ, ერთმანეთის საფუძველზე ააშენონ რაიმე (ლეგოს კუბიკების მსგავსად). აღნიშნული მიღწევადს ხდის უკეთესი პროდუქტების და გამოცდილებების არსებობას, და ქმნის გარანტიას იმისა, რომ ინსტრუმენტებს, რომლებსაც ეყრდნობა აპლიკაციები, ვერავინ წაშლის.
ბლოკჩეინი არის ტრანზაქციების მონაცემთა ბაზა, რომელიც ქსელში ჩართული ბევრი კომპიუტერის მიერ ახლდება და ზიარდება. ახალი ტრანზაქციების ჯგუფის ყოველ დამატებას „ბლოკი“ ეწოდება – აქედან გამომდინარეობს სახელი ბლოკჩეინი. საჯარო ბლოკჩეინები, როგორიცაა ეთერეუმი, ნებისმიერ პირს აძლევს მონაცემთა დამატების, თუმცა არა წაშლის საშუალებას. თუ ვინმე რაიმე ინფორმაციის შეცვლას ან სისტემის მოტყუებას მოისურვებს, მან ეს უნდა ქსელის კომპიუტერების უმრავლესობაზე უნდა გააკეთოს. ეს კი ბევრია! სწორედ ეს ხდის დეცენტრალიზებულ ბლოკჩეინს, როგორიც ეთერეუმია, ძალიან უსაფრთხოს.
რატომ უნდა გამოვიყენო ეთერეუმი?
თუ გლობალური კოორდინაციისთვის, ორგანიზაციების დასაარსებლად, აპლიკაციების შესაქმნელად და ღირებულების გასაზიარებლად უფრო მდგრადი, ღია, და სანდო გზები გაინტერესებთ, მაშინ ეთერეუმი თქვენთვისაა. ეთერეუმი არის ისტორია, რომელიც იწერება ყველა ჩვენგანის მიერ, ასე რომ მობრძანდით და აღმოაჩინეთ, რა დაუჯერებელი სამყარო შეგვიძლია შევქმნათ მასთან ერთად.
ეთერეუმი ასევე ფასდაუდებელია იმ ადამიანებისთვის, რომელთაც მათ კონტროლს მიღმა არსებული გარე ძალების გამო შექმნილ მათი აქტივების დაცულობასთან, სიმყარესთან, ან მობილურობასთან დაკავშირებით მოუხდათ გაურკვევლობასთან გამკლავება.
ეთერეუმი ციფრებში
ვინ მართავს ეთერეუმს?
Ethereum არ კონტროლდება რომელიმე კონკრეტული სუბიექტის მიერ. ის არსებობს ყოველთვის, როცა დაკავშირებული კომპიუტერები მუშაობენ პროგრამულ უზრუნველყოფის, ეთერეუმის პროტოკოლის მიხედვით და ემატებიან ეთერეუმის . თითოეული ეს კომპიუტერი ცნობილია როგორც კვანძი. კვანძების მართვა ნებისმიერ პირს შეუძლია, თუმცა ქსელის დაცვაში მონაწილეობის მისაღებად თქვენ უნდა განახორციელოთ ETH (Ethereum-ის მშობლიური ნიშანი). ნებისმიერ პირს, რომელსაც აქვს 32 ETH, ამის გაკეთება ნებართვის გარეშე შეუძლია.
ეთერეუმის წყაროს კოდიც კი არ იწარმოება იმავე ორგანიზაციის მიერ. ნებისმიერ პირს შეუძლია შესთავაზოს ცვლილებები პროტოკოლში და გამართოს დისკუსია განახლებების შესახებ. არსებობს ეთერეუმ პროტოკოლის რამდენიმე იმპლემენტაცია, რომლებიც დამოუკიდებელი ორგანიზაციების მიერ პროგრამირების რამდენიმე ენაზეა შექმნილი და ისინი, როგორც წესი, აგებულია ღიად და ხელს უწყობს საზოგადოებაში წვლილის შეტანას.
რა არის ჭკვიანი კონტრაქტები?
ჭკვიანი კონტრაქტები ეთერეუმის ბლოკჩეინზე არსებული კომპიუტერული პროგრამებია. მომხმარებლის მიერ გადაწყვეტილების მიღების შემდეგ ისინი ახდენენ ტრანზაქციის აღსრულებას. ქმნიან რა ეთერეუმის შესაძლებლობებს ძალიან მოქნილს, აღნიშნული პროგრამები დეცენტრალიზებული აპლიკაციებისა და ორგანიზაციებისთვის როგორც სამშენებლო ბლოკები მოქმედებენ.
ოდესმე გამოგიყენებიათ პროდუქტი, რომელმაც შეცვალა თავისი სერვისის პირობები? ან გააუქმა ფუნქცია, რომელიც თქვენ სასარგებლოდ მიგაჩნდათ? ეთერეუმზე ჭკვიანი კონტრაქტის განთავსებისთანავე, იგი იქნება ონლაინ და იმუშავებს მანამ, სანამ ეთერეუმი იარსებებს. მის წაშლას თავად მისი ავტორიც კი ვერ შეძლებს. გამომდინარე იქიდან, რომ ჭკვიანი კონტრაქტები ავტომატიზებულია, ისინი არ ახდენენ რომელიმე მომხმარებელის დისკრიმინაციას და ყოველთვის მზად არიან გამოყენებისთვის.
ჭკვიანი კონტრაქტების პოპულარული მაგალითებია სესხის გაცემის აპლიკაციები, დეცენტრალიზებული სავაჭრო ბირჟები, დაზღვევა, კვადრატული დაფინანსება, სოციალური ქსელები, - ძირითადად ყველაფერი, რაზეც შეგიძლიათ იფიქროთ.
გაიცანით ეთერი, ეთერეუმის კრიპტოვალუტა
ეთერიუმის ქსელში მრავალი ქმედება მოითხოვს გარკვეული სამუშაოს შესრულებას ეთერეუმის ჩაშენებულ კომპიუტერზე (აგრეთვე ცნობილია, როგორც ეთერეუმის ვირტუალური მანქანა). ეს გამოთვლები არ არის უფასო; გადახდა ხორციელდება ეთერეუმის მშობლიური კრიპტოვალუტის გამოყენებით, რომელსაც ეწოდება ეთერი (ETH). ეს ნიშნავს, რომ თქვენ გჭირდებათ ეთერის მცირე რაოდენობა ქსელის გამოსაყენებლად.
ეთერი არის სრულად ციფრული, და შეგიძლიათ მყისიერად გაუგზავნოთ ის ნებისმიერს მსოფლიოს ნებისმიერ წერტილში. ეთერის მიწოდება არ კონტროლდება არც ერთი მთავრობის ან კომპანიის მიერ - ის არის დეცენტრალიზებული და სრულიად გამჭვირვალე. ეთერი გაიცემა პროტოკოლის მიხედვით, ზუსტი წესით, მხოლოდ იმ სტეიკერებზე, რომლებიც უზრუნველყოფენ ქსელის უსაფრთხოებას.
ენერგიის წლიური მოხმარება ტერავატ/საათში
რას იტყვით ეთერეუმის მიერ ენერგიის მოხმარებაზე?
2022 წლის 15 სექტემბერს ეთერეუმმა გაიარა The Merge-ის განახლება, რამაც ეთერეუმი გადაიყვანა ზე.
შერწყმა იყო ეთერეუმის ყველაზე დიდი განახლება და შეამცირა ეთერეუმის დასაცავად საჭირო ენერგიის მოხმარება 99,95%-ით, შექმნა უფრო უსაფრთხო ქსელი ნახშირბადზე გაცილებით მცირე ზემოქმედებით. ეთერეუმი ახლა არის დაბალი ნახშირბადის ბლოკჩეინი, რომელიც იმავდროულად ზრდის მის უსაფრთხოებას და მასშტაბურობას.
მსმენია, რომ კრიპტო შესაძლებელია, იყოს კრიმინალური საქმიანობის ინსტრუმენტი. მართალია ეს?
მსგავსად ნებისმიერი ტექნოლოგიისა, იგი ხანდახან შესაძლოა, არასათანადო მიზნებით იქნეს გამოყენებული. მიუხედავად ამისა, იმის გამო, რომ ეთერეუმის ყველა ტრანზაქცია ხორციელდება ღია ბლოკჩეინიზე, სათანადო ორგანოებისათვის ხშირად მარტივია უკანონო საქმიანობის კონტროლი, ვიდრე ეს ტრადიციულ ფინანსურ სისტემებზე იქნებოდა შესაძლებელი. ყოველივე ეს, სავარაუდოდ, ეთერეუმს ნაკლებად მიმზიდველს ხდის მათთვის, ვისაც ურჩევნია, შეუმჩნეველი დარჩეს.
ევროპოლის, ევროპის კავშირის სამართალდაცვით სფეროში თანამშრომლობის სააგენტოს, ბოლოდროინდელი ანგარიშის მიხედვით, ფიატ ვალუტებთან შედარებით, კრიპტო გაცილებით იშვიათად გამოიყენება კრიმინალური მიზნებისთვის:
„კრიპტო ვალუტების უკანონო საქმიანობისთვის გამოყენება, როგორც ჩანს, წარმოადგენს მთლიანი კრიპტო ვალუტის ეკონომიკის მხოლოდ მცირე ნაწილს, და შედარებით მცირეა ტრადიციულ ფინანსებში ჩართულ უკანონო თანხების ოდენობასთან შედარებით.“
რა განსხვავებაა ეთერეუმსა და ბიტკოინს შორის?
2015 წელს გამოშვებული ეთერეუმი ეფუძნება ბიტკოინის ინოვაციებს, თუმცა ხასიათდება არაერთი დიდი განსხვავებით.
ორივე მათგანი გაძლევთ გადახდის პროვაიდერების ან ბანკების გარეშე ციფრული ფული გამოყენების საშუალებას. თუმცა, ეთერეუმი არის პროგრამირებადი, ასე რომ ასევე შეგიძლიათ შექმნათ და მის ქსელში განათავსოთ დეცენტრალიზებული აპლიკაციები.
ბიტკოინი საშუალებას გვაძლევს გავუგზავნოთ ერთმანეთს საბაზისო შეტყობინებები იმის შესახებ, თუ რა მიგვაჩნია ღირებულად. ზედამხედველის გარეშე ღირებულების შექმნა თავისთავად დადებითია. ეთერეუმი აფართოებს ამას: უბრალოდ, შეტყობინებების ნაცვლად, შეგიძლიათ დაწეროთ ნებისმიერი ზოგადი პროგრამა ან კონტრაქტი. არ არსებობს შეზღუდვა კონტრაქტების იმ სახეობებთან დაკავშირებით, რომელთა შექმნა და შეთანხმება არის შესაძლებელი, შესაბამისად, დიდი ინოვაცია ხდება ეთერეუმის ქსელში.
მაშინ, როდესაც ბიტკოინი მხოლოდ გადახდის ქსელია, ეთერეუმი უფრო ჰგავს ფინანსური სერვისების, თამაშების, სოციალური ქსელების, და სხვა აპლიკაციების ბაზარს.
მეტი საკითხავი
კვირა ეთერეუმის სიახლეებში - ყოველკვირეული ბიულეტენი, რომელიც აღწერს ეკოსისტემის ძირითად სიახლეებს.
ატომები, ინსტიტუტები, ბლოკჩეინები - რატომ არის ბლოკჩეინი ღირებული?
ბირთვი ეთერეუმის ოცნება