మీ మొదటి స్మార్ట్ కాంట్రాక్ట్ ను నియమించడం

ఇథిరియమ్ బ్లాక్‌చైన్‌లో మీ మొదటి స్మార్ట్ కాంట్రాక్ట్ను నియమించడం మరియు దానితో ఇంటరాక్ట్ అవ్వడానికి మీరు మా అంత ఉత్సాహంగా ఉన్నారని నేను అనుకుంటున్నాను.

చింతించకండి, ఇది మా మొదటి స్మార్ట్ కాంట్రాక్ట్ కాబట్టి, మేము దీనిని లోకల్ టెస్ట్ నెట్‌వర్క్లో నియమిస్తాము, కాబట్టి మీరు నియమించడానికి మరియు దానితో మీకు నచ్చినంతగా ఆడుకోవడానికి ఎటువంటి ఖర్చు ఉండదు.

మా కాంట్రాక్ట్ వ్రాయడం

మొదటి అడుగు రిమిక్స్ (opens in a new tab)ను సందర్శించి, కొత్త ఫైల్‌ను సృష్టించడం. రీమిక్స్ ఇంటర్‌ఫేస్ ఎగువ ఎడమ భాగంలో కొత్త ఫైల్‌ను జోడించి, మీకు కావలసిన ఫైల్ పేరును నమోదు చేయండి.

కొత్త ఫైల్‌లో, మేము ఈ క్రింది కోడ్‌ను పేస్ట్ చేస్తాము.

1// SPDX-License-Identifier: MIT
2pragma solidity >=0.5.17;
3
4contract Counter {
5
6    // కౌంట్ల సంఖ్యను ఉంచడానికి అన్‌సైన్డ్ ఇంట్ రకానికి చెందిన పబ్లిక్ వేరియబుల్
7    uint256 public count = 0;
8
9    // మా కౌంటర్‌ను పెంచే ఫంక్షన్
10    function increment() public {
11        count += 1;
12    }
13
14    // కౌంట్ విలువను పొందడానికి అవసరం లేని గెట్టర్
15    function getCount() public view returns (uint256) {
16        return count;
17    }
18
19}
అన్నీ చూపించుకాపీ

మీకు ప్రోగ్రామింగ్ అలవాటు ఉంటే, ఈ ప్రోగ్రామ్ ఏమి చేస్తుందో మీరు సులభంగా ఊహించవచ్చు. ఇక్కడ లైన్ బై లైన్ వివరణ ఇవ్వబడింది:

• లైన్ 4: మేము కౌంటర్ పేరుతో ఒక కాంట్రాక్ట్ ని నిర్వచిస్తాము.
• లైన్ 7: మా కాంట్రాక్ట్ కౌంట్ అనే ఒక అన్‌సైన్డ్ ఇంటీజర్‌ను 0 నుండి ప్రారంభించి నిల్వ చేస్తుంది.
• లైన్ 10: మొదటి ఫంక్షన్ కాంట్రాక్ట్ యొక్క స్థితిని సవరించి, మా వేరియబుల్ కౌంట్ ను ఇన్‌క్రిమెంట్() చేస్తుంది.
• లైన్ 15: రెండవ ఫంక్షన్ కేవలం స్మార్ట్ కాంట్రాక్ట్ వెలుపల కౌంట్ వేరియబుల్ యొక్క విలువను చదవడానికి వీలు కల్పించే గెట్టర్ మాత్రమే. గమనించండి, మేము మా కౌంట్ వేరియబుల్‌ను పబ్లిక్‌గా నిర్వచించినందున ఇది అవసరం లేదు కానీ ఒక ఉదాహరణగా చూపబడింది.

ఇది మా మొదటి సాధారణ స్మార్ట్ కాంట్రాక్ట్ కోసం అంతే. మీకు తెలిసి ఉండవచ్చు, ఇది జావా లేదా C++ వంటి OOP (ఆబ్జెక్ట్-ఓరియెంటెడ్ ప్రోగ్రామింగ్) భాషల నుండి వచ్చిన క్లాస్ లాగా కనిపిస్తుంది. ఇప్పుడు మా కాంట్రాక్ట్ తో ఆడుకునే సమయం వచ్చింది.

మా కాంట్రాక్ట్‌ను నియమించడం

మేము మా మొదటి స్మార్ట్ కాంట్రాక్ట్‌ను వ్రాసినందున, మేము ఇప్పుడు దానితో ఆడుకోవడానికి దానిని బ్లాక్‌చైన్‌కు నియమిస్తాము.

బ్లాక్‌చైన్‌లో స్మార్ట్ కాంట్రాక్ట్‌ను నియమించడం అంటే వాస్తవానికి ఏ గ్రహీతలను పేర్కొనకుండా సంకలనం చేయబడిన స్మార్ట్ కాంట్రాక్ట్ కోడ్‌ను కలిగి ఉన్న లావాదేవీని పంపడం మాత్రమే.

మేము మొదట ఎడమ వైపున ఉన్న కంపైల్ ఐకాన్‌పై క్లిక్ చేయడం ద్వారా కాంట్రాక్ట్‌ను కంపైల్ చేస్తాము:

తరువాత కంపైల్ బటన్‌పై క్లిక్ చేయండి:

మీరు "ఆటో కంపైల్" ఎంపికను ఎంచుకోవచ్చు, తద్వారా మీరు టెక్స్ట్ ఎడిటర్‌లో కంటెంట్‌ను సేవ్ చేసినప్పుడు కాంట్రాక్ట్ ఎల్లప్పుడూ కంపైల్ చేయబడుతుంది.

అప్పుడు "డిప్లాయ్ అండ్ రన్ ట్రాన్సాక్షన్స్" స్క్రీన్‌కి నావిగేట్ చేయండి:

మీరు "డిప్లాయ్ అండ్ రన్ ట్రాన్సాక్షన్స్" స్క్రీన్‌లో ఉన్న తర్వాత, మీ కాంట్రాక్ట్ పేరు కనిపించిందని రెండుసార్లు తనిఖీ చేసి, డిప్లాయ్ బటన్‌పై క్లిక్ చేయండి. మీరు పేజీ ఎగువన చూడగలిగినట్లుగా, ప్రస్తుత పర్యావరణం “జావాస్క్రిప్ట్ విఎం” అంటే మనం వేగంగా మరియు ఎటువంటి ఫీజులు లేకుండా పరీక్షించగలిగేలా లోకల్ టెస్ట్ బ్లాక్‌చైన్‌లో మన స్మార్ట్ కాంట్రాక్ట్‌ను అమలు చేస్తాము మరియు సంప్రదిస్తాము.

మీరు “డిప్లాయ్” బటన్‌ను క్లిక్ చేసిన తర్వాత, మీ కాంట్రాక్ట్ దిగువన కనిపిస్తుంది. మన కాంట్రాక్ట్ కంటెంట్‌ను చూడటానికి దానిని విస్తరించడానికి ఎడమ వైపున ఉన్న బాణం గుర్తుపై క్లిక్ చేయండి. ఇది మన వేరియబుల్ కౌంటర్, మన ఇన్‌క్రిమెంట్() ఫంక్షన్ మరియు గెట్టర్ గెట్‌కౌంటర్().

మీరు కౌంట్ లేదా గెట్‌కౌంట్ బటన్‌పై క్లిక్ చేస్తే, అది వాస్తవానికి కాంట్రాక్ట్ యొక్క కౌంట్ వేరియబుల్ యొక్క కంటెంట్‌ను తిరిగి పొంది, దానిని ప్రదర్శిస్తుంది. మేము ఇంకా ఇన్‌క్రిమెంట్ ఫంక్షన్‌ను కాల్ చేయనందున, ఇది 0 ను ప్రదర్శించాలి.

ఇప్పుడు బటన్‌పై క్లిక్ చేయడం ద్వారా ఇన్‌క్రిమెంట్ ఫంక్షన్‌ను కాల్ చేద్దాం. విండో దిగువన చేసిన లావాదేవీల లాగ్‌లు కనిపించడాన్ని మీరు చూస్తారు. ఇన్‌క్రిమెంట్ బటన్‌కు బదులుగా డేటాను తిరిగి పొందడానికి మీరు బటన్‌ను నొక్కినప్పుడు లాగ్‌లు విభిన్నంగా ఉండటాన్ని మీరు చూస్తారు. ఎందుకంటే బ్లాక్‌చైన్‌లో డేటాను చదవడానికి ఎటువంటి లావాదేవీలు (వ్రాయడం) లేదా ఫీజులు అవసరం లేదు. ఎందుకంటే బ్లాక్‌చైన్ యొక్క స్థితిని సవరించడానికి మాత్రమే లావాదేవీ చేయవలసి ఉంటుంది:

మా ఇన్‌క్రిమెంట్() ఫంక్షన్‌ను కాల్ చేయడానికి ఒక లావాదేవీని ఉత్పత్తి చేసే ఇన్‌క్రిమెంట్ బటన్‌ను నొక్కిన తర్వాత, మనం కౌంట్ లేదా గెట్‌కౌంట్ బటన్‌లపై తిరిగి క్లిక్ చేస్తే, కౌంట్ వేరియబుల్ 0 కంటే పెద్దదిగా ఉన్న మన స్మార్ట్ కాంట్రాక్ట్ యొక్క కొత్తగా నవీకరించబడిన స్థితిని మనం చదువుతాము.

తదుపరి ట్యుటోరియల్‌లో, మీ స్మార్ట్ కాంట్రాక్ట్‌లకు ఈవెంట్‌లను ఎలా జోడించవచ్చో మేము కవర్ చేస్తాము. లాగింగ్ ఈవెంట్‌లు మీ స్మార్ట్ కాంట్రాక్ట్‌ను డీబగ్ చేయడానికి మరియు ఫంక్షన్‌ను కాల్ చేస్తున్నప్పుడు ఏమి జరుగుతుందో అర్థం చేసుకోవడానికి అనుకూలమైన మార్గం.

పేజీ చివరి అప్‌డేట్: 3 మార్చి, 2026

m (opens in a new tab)

n (opens in a new tab)

c (opens in a new tab)

+13

సహకారులను చూడండి