Layer 2

Ano ang layer 2?

Ang Layer 2 (L2) ay isang collective term na naglalarawan ng partikular na hanay ng mga scaling solution ng Ethereum. Ang layer 2 ay isang hiwalay na blockchain na nagpapalawak sa Ethereum at nag-i-inherit ng mga garantiyang panseguridad ng Ethereum..

Ngayon, alamin pa natin ang ibang detalye. Upang gawin ito, kailangan muna nating ipaliwanag ang layer 1 (L1).

Bakit kailangan natin ang layer 2?

Ang tatlong kanais-nais na property ng blockchain ay ang pagiging decentralized, secure, at scalable nito. Ayon sa blockchain trilemma(opens in a new tab), dalawa lang sa tatlong nabanggit ang kayang makamit ng simpleng blockchain architecture. Gusto ng secure at decentralized na blockchain? Kailangan mong isakripisyo ang scalability.

Sa kasalukuyan, nagpoproseso ang Ethereum mahigit 1 milyong transaksyon kada araw(opens in a new tab). Ang mataas na demand sa paggamit ng Ethereum ay maaaring magresulta sa mataas na presyo ng bayad sa transaksyon. Dito magagamit ang mga layer 2 network.

Scalability

Ang layunin ng layer 2 ay pataasin ang throughput ng transaksyon (mas maraming transaksyon kada segundo) nang hindi isinasakripisyo ang decentralization o seguridad.

Ang Ethereum Mainnet (layer 1) ay kaya lang magproseso ng mga 15 transaksyon kada segundo(opens in a new tab). Kapag mataas ang demand sa paggamit ng Ethereum, nagiging congested ang network, kung kaya, tumataas ang mga bayarin sa transaksyon at hindi nakakabili ang mga user na hindi kayang bayaran ang mga ganoong bayarin. Ang mga layer 2 ay mga solution na nagpapababa sa mga bayaring iyon sa pamamagitan ng pagpoproseso ng mga transaksyon sa labas ng layer-1 blockchain.

Paano gumagana ang layer 2?

Gaya ng nabanggit kanina, ang layer 2 ay isang collective term para sa mga scaling solution ng Ethereum na nangangasiwa ng mga transaksyon sa labas ng layer 1 ng Ethereum habang patuloy na ginagamit ang mahusay at decentralized na seguridad ng layer 1 ng Ethereum. Ang layer 2 ay isang hiwalay na blockchain na nagpapalawig sa Ethereum. Paano ito gumagana?

May iba't ibang uri ng layer 2, at may kanya-kanyang trade-off at security model ang bawat isa sa mga ito. Dahil sa mga layer 2, hindi na papangasiwaan ng layer 1 ang mga transaksyon, kaya hindi na ito masyadong nagiging congested, at nagiging mas scalable ang lahat.

Rollups

Pinagsasama-sama ng mga rollup (o ’niro-roll up’) ang daan-daang transaksyon sa isang transaksyon sa layer 1. Ipinapamahagi nito ang mga bayarin sa transaksyon sa L1 sa lahat ng nasa rollup, kaya nagiging mas mura ito para sa bawat user.

Hindi sa layer 1 ie-execute ang mga rollup transaction pero sa layer 1 isusumite ang data ng transaksyon. Sa pamamagitan ng pagsusumite ng data ng transaksyon sa layer 1, ini-inherit ng mga rollup ang seguridad ng Ethereum. Ito ay dahil kapag na-upload na ang data sa layer 1, kailangang bumalik sa Ethereum kapag may binawing rollup transaction. May dalawang magkaibang pamamaraan para sa mga rollup: optimistic at zero-knowledge - ang pangunahing pagkakaiba ng mga ito ay kung paano isinusumite ang data na ito ng transaksyon sa L1.

Ang mga sidechain at validium ay mga blockchain na nagpapahintulot sa mga assets mula sa Ethereum na magamit sa ibang blockchain. Ang mga sidechain at validium ay tumatakbo kasabay ng Ethereum, at nakikipag-interact sa Ethereum sa pamamagitan ng mga bridge, ngunit hindi kinukuha ng mga ito ang kanilang seguridad o data availability sa Ethereum.

Katulad ng mga layer 2 ang pag-scale ng dalawang ito - nag-aalok ang mga ito ng mga mas murang bayarin sa transaksyon at mas mataas na throughput sa transaksyon - pero magkaiba ang mga trust assumption ng mga ito.

• Iba pang impormasyon tungkol sa mga sidechain
• Iba pang impormasyon tungkol sa mga validium

Ang ilang layer 1 blockchain ay nag-uulat ng mas mataas na throughput at mga mas murang bayarin sa transaksyon kaysa sa Ethereum, ngunit karaniwang may mga kapalit ito sa ibang aspeto. Halimbawa, mas malalaking kinakailangan sa hardware para sa pagpapatakbo ng mga node.