Direktang makatanggap ng maximum rewards mula sa protocol para sa pagpapatakbo nang maayos sa iyong validator at pagpapanatili ritong online
Patakbuhin ang home hardware at personal na magdagdag sa seguridad at decentralization ng Ethereum network
Iwasang umasa sa iba, at huwag ibigay sa iba ang kontrol ng mga key sa pondo mo
Ano ang solo staking?
Ang solo staking ay tumutukoy sa pagpapatakbo ng Ethereum node na nakakonekta sa internet at pagdedeposito ng 32 ETH para mag-activate ng validator, na nagbibigay sa iyo ng kakayahang direktang lumahok sa network consensus.
Pinapaigting ng solo staking ang decentralization ng Ethereum network, kung kaya, mas naiiwasan ng Ethereum ang censorship at nalalabanan nito ang mga atake. Maaaring hindi makatulong sa network ang ibang paraan ng staking sa ganitong paraan. Ang solo staking ang pinakamainam na opsyon para sa pag-secure ng Ethereum.
Ang isang Ethereum node ay binubuo ng execution layer (EL) client at consensus layer (CL) client. Ang mga client na ito ay mga software na nagtutulungan, kasama ang valid na set ng mga signing key, upang mag-verify ng mga transaksyon at mga block, patunayan ang tamang head ng chain, mag-aggregate ng mga attestation, at magmungkahi ng mga block.
Ang mga solo staker ay responsable sa pagpapatakbo ng hardware na kinakailangan upang patakbuhin ang mga client na ito. Lubos na inirerekomendang gumamit ng nakalaang machine para dito na pinapatakbo mo sa tahanan–makakabuti ito para sa kalagayan ng network.
Tinatanggap ng solo staker ang mga reward nang direkta mula sa protocol para sa maayos na pagpapatakbo sa kanyang validator at pagpapanatili ritong online.
Bakit dapat mag-solo stake?
Sa solo staking, mas malaki ang responsibilidad mo pero makokontrol mo nang husto ang pondo at staking setup mo.
Kumita ng ETH
Earn ETH-denominated rewards directly from the protocol when your validator is online, without any middlemen taking a cut.
Ganap na kontrol
Keep your own keys. Choose the combination of clients and hardware that allows you to minimize your risk and best contribute to the health and security of the network. Third-party staking services make these decisions for you, and they don't always make the safest choices.
Seguridad ng network
Solo staking is the most impactful way to stake. By running a validator on your own hardware at home, you strengthen the robustness, decentralization, and security of the Ethereum protocol.
Mga dapat isaalang-alang bago mag-solo staking
Kahit na gusto nating maging accessible at walang panganib ang solo staking para sa lahat, hindi ito makatotohanan. May ilang praktikal at seryosong bagay na dapat isaalang-alang bago piliing i-solo stake ang iyong ETH.
Kapag pinapatakbo mo ang sarili mong node, dapat kang maglaan ng oras para alamin kung paano gamitin ang napili mong software. Kasama dito ang pagbabasa ng mga kaugnay na dokumentasyon at pagiging updated sa mga komunikasyon ng mga dev team.
Kung mas nauunawaan mo ang software na iyong pinapatakbo at kung paano gumagana ang patunay ng stake, mas maliit ang panganib bilang staker, at mas madaling ayusin ang anumang problema na maaari mong kaharapin kalaunan bilang operator ng node.
Kapag nagse-set up ng node, kailangang kumportableng gumamit ng mga computer, bagama't pinapadali ito ng mga bagong tool sa paglipas ng panahon. Makakatulong kung nauunawaan ang command-line interface, pero hindi na ito lubos na kinakailangan.
Ito rin ay nangangailangan ng napaka-basic na hardware setup, at pag-unawa sa minimum na inirerekomendang specs.
Tulad kung paano sine-secure ng mga pribadong key ang iyong Ethereum address, kakailanganin mong gumawa ng mga key na para mismo sa iyong validator. Dapat mong maunawaan kung paano panatilihing ligtas at secure ang anumang seed phrase o pribadong key. Seguridad at pag-iwas sa scam ng Ethereum
May mga pagkakataon na papalya ang hardware, magkakaroon ng error sa mga koneksyon sa network, at may mga pagkakataong kakailanganing i-upgrade ang software ng client. Ang pangangalaga sa node ay hindi maiiwasan at kakailanganin mo itong bigyan ng pansin paminsan-minsan. Kakailanganin mong tiyaking magiging updated ka sa anumang inaasahang upgrade sa network, o iba pang mahahalagang pag-upgrade sa client.
Ang iyong mga reward ay nakabatay sa oras na online ang iyong validator at maayos ang pag-attest. Magpapataw ng penalty para sa downtime na nakabatay sa bilang ng iba pang validator na offline sa parehong panahon, ngunit hindi ito magreresulta sa slashing. Ang bandwidth ay mahalaga rin, dahil nababawasan ang mga reward para sa mga attestation na hindi natatanggap sa tamang oras. Mag-iiba-iba ang mga kahingian, pero inirerekomenda ang hindi bababa sa 10 Mb/s na up at down.
Naiiba sa mga penalty sa kawalan ng aktibidad na ipapataw dahil sa pagiging offline, ang slashing ay isang mas matinding penalty na ipinapataw para sa mga mapaminsalang pagkilos. Sa pamamagitan ng pagpapatakbo ng isang minority client nang naka-load ang iyong mga key sa iisang machine lang sa bawat pagkakataon, lumiliit ang panganib na makaranas ka ng slashing. Sa kabila nito, dapat alam ng lahat ng staker ang mga panganib ng slashing. Iba pang detalye tungkol sa slashing at validator lifecycle(opens in a new tab)
Comparison with other options
Staking as a service (SaaS)
Sa mga SaaS provider, kailangan mo pa ring magdeposito ng 32 ETH, pero hindi mo kailangang magpatakbo ng hardware. Karaniwang hindi ka mawawalan ng access sa mga key ng iyong validator, pero kailangan mo ring ibahagi ang iyong mga signing key para makakilos ang operator para sa iyong validator. Nagdaragdag ito ng tiwala na wala kapag nagpapatakbo ka ng sarili mong hardware, at hindi tulad ng solo staking sa tahanan hindi masyadong nakakatulong ang SaaS sa heograpikong distribusyon ng mga node. Kung hindi ka kumportableng magpatakbo ng hardware pero pinaplano mo pa ring mag-stake ng 32 ETH, maaaring mainam na opsyon para sa iyo ang paggamit ng SaaS provider.
Ang solo staking ay mas matrabaho kaysa sa staking gamit ang serbisyo ng pooling, pero nag-aalok ito ng ganap na access sa mga ETH reward at ganap na kontrol sa setup at seguridad ng iyong validator. Ang pooled staking ay mas madaling pasukin. Puwedeng mag-stake ang mga user ng kaunting ETH, hindi nila kailangang gumawa ng mga validator key, at hindi nila kailangan ng kahit anong hardware maliban sa standard na koneksyon sa internet. Sa tulong ng mga liquidity token, makakaalis sa staking bago ito i-enable sa antas ng protocol. Kung interesado ka sa mga feature na ito, maaaring bagay sa iyo ang pooled staking.
Gawin ang mga key mo at i-load ang mga ito sa iyong validator client
I-monitor at pangalagaan ang iyong node
Habang aktibo ka, magkakaroon ka ng mga ETH reward, na ide-deposito paminsan-minsan sa iyong withdrawal address.
Kung gusto mo, maaari kang umalis bilang validator, kung kaya, hindi mo na kailangang maging online at hindi mo na matatanggap ang anupamang reward. Ang iyong natitirang balanse ay iwi-withdraw sa withdrawal address na itatalaga mo sa panahon ng pag-set up.
Ang Staking Launchpad ay isang open source na application na tutulong sa iyong maging staker. Gagabayan ka nito sa pagpili ng iyong mga client, paggawa ng mga key mo at pagdedeposito ng ETH mo sa staking deposit contract. May checklist na ibinibigay upang tiyakin na nagawa mo ang lahat para ligtas na ma-set up ang iyong validator.
Pumili ng network
Goerli testnet
Ang mga solo validator ay inaasahang i-test ang setup nila at mga kasanayan sa operasyon sa Goerli testnet bago itaya ang pondo. Tandaang mahalagang pumili ng minority client dahil pinapaigting nito ang seguridad ng network at nililimitahan nito ang posibilidad na manganib ka.
Kung kumportable kang gawin ito, puwede mong i-set up ang lahat ng kailangan mula sa command line gamit lang ang Staking Launchpad.
Para mas mapadali, tingnan ang ilan sa mga tool at gabay sa ibaba na makakatulong sa iyo, pati na rin ang Staking Launchpad para ma-set up ang iyong mga client nang walang kahirap-hirap.
Ano ang dapat isaalang-alang sa mga tool para sa node at client setup
Dumarami ang mga tool at serbisyo na tutulong sa iyong i-solo stake ang ETH mo, pero may iba't ibang panganib at benepisyo ang bawat isa sa mga ito.
Ang mga attribute indicator ay ginagamit sa ibaba upang ipahiwatig ang mga kapansin-pansing kalakasan o kahinaan ng isang nakalistang staking tool. Gamitin ang seksyong ito bilang sanggunian sa kung paano namin tinutukoy ang mga attribute na ito habang pumipili ka ng mga tool na tutulong sa iyong staking journey.
Buksan ang pinagmulan
Sinuri
Bug bounty
Battle tested
Hindi Kailangang Umasa sa Third Party
Permissionless
Multi-client
Pag-iingat sa sarili
Ekonomikal
Buksan ang pinagmulan
Ang essential code ay 100% open source at puwedeng i-fork at gamitin ng lahat
Buksan ang pinagmulan
Closed source
Tingnan ang mga tool para sa pag-set up ng node at client
May iba't ibang opsyon na available upang tulungan ka sa iyong setup. Gamitin ang mga indicator sa itaas para magabayan ka sa mga tool sa ibaba.
Ang mga Produkto at Serbisyong nakalista ay para sa kaginhawahan ng komunidad ng Ethereum. Ang pagsasama ng isang produkto o serbisyo ay hindi nangangahulugang ineendorso ito ng team ng ethereum.org website, o ng Ethereum Foundation.
Mga tool para sa node
Tandaan ang kahalagahan ng pagpili ng minority client dahil pinapaigting nito ang seguridad ng network, at nililimitahan nito ang iyong panganib. Ang mga tool na nagbibigay-daan sa iyong mag-set up ng minority client ay tinutukoy bilang "multi-client."
May mungkahi para sa staking tool na hindi namin nabanggit? Tingnan ang aming patakaran sa product listing para malaman kung ito ay angkop, at isumite ito para masuri.
Ilan ito sa mga pinakakaraniwang tanong tungkol sa staking na mahalagang malaman.
Ang validator ay isang virtual entity sa Ethereum at nakikilahok sa consensus ng Ethereum protocol. Ang mga validator ay kinakatawan ng isang balanse, pampublikong key, at iba pang property. Ang validator client ang software na kumikilos para sa validator sa pamamagitan ng pangangasiwa at paggamit sa pribadong key nito. Maaaring mangasiwa ang isang validator client ng maraming pares ng key, na nagkokontrol ng maraming validator.
Ang bawat key-pair na nauugnay sa isang validator ay nangangailangan ng eksaktong 32 ETH para ma-activate. Ang pagdedeposito ng mas maraming ETH sa isang set ng mga key ay hindi nagpapalaki sa posibildad na makakuha ng mga reward, dahil limitado ang bawat validator sa epektibong balanse(opens in a new tab) na 32 ETH. Ibig sabihin nito, isinasagawa ang staking nang kada 32 ETH, kung saan may sariling set ng mga key at balanse ang bawat isa.
Huwag magdeposito ng mahigit 32 ETH para sa isang validator. Hindi nito mapaparami ang iyong mga reward. Kung mayroon nang itinakdang withdrawal address para sa validator, ang sobrang pondo na higit sa 32 ETH ay awtomatikong iwi-withdraw sa address na ito sa susunod na validator sweep.
Kung masyadong matrabaho para sa iyo ang solo staking, pag-isipang gumamit ng staking-as-a-service provider, o kung wala ka pang 32 ETH, tingnan ang mga staking pool.
Ang pagiging offline kapag maayos na nagfa-finalize ang network ay HINDI magreresulta sa slashing. Magkakaroon ng maliliit na penalty para sa kawalan ng aktibidad kung ang iyong validator ay hindi available na magpatunay para sa isang partikular na epoch (tumatagal nang 6.4 minuto ang bawat isa), ngunit labis itong naiiba sa slashing. Ang mga penalty na ito ay bahagyang mas kaunti kaysa sa reward na maaari mo sanang makuha kung available para magpatunay ang validator, at mababawi ang mga pagkalugi sa pamamagitan ng halos katumbas na panahon ng pagiging online ulit.
Tandaan na ang mga penalty para sa kawalan ng aktibidad ay nakabatay sa bilang ng mga validator na offline sa parehong panahon. Sa mga sitwasyon kung saan sabay-sabay na offline ang malaking bahagi ng network, mas malaki ang ipapataw na penalty para sa bawat isa sa mga validator na ito kumpara kung isang validator lang ang hindi available.
Sa mga sukdulang sitwasyon, kung hihinto sa pag-finalize ang network dahil offline ang mahigit sa isang-katlo ng mga validator, mapeperhuwisyo ang mga user ng quadratic inactivity leak, na labis na pagkaubos ng ETH mula sa mga offline na validator account. Binibigyang-daan nito ang network na ayusin ang sarili nito sa pamamagitan ng paggamit ng ETH ng mga hindi aktibong validator hanggang sa maging 16 ETH ang kanilang balanse, at sa puntong iyon, awtomatiko silang aalisin sa validator pool. Kalaunan, mapupunan ulit ng mga natitirang online na validator ang 2/3 ng network, na siyang sasapat sa supermajority na kinakailangan para maisapinal ulit ang chain.
Sa madaling salita, hindi ito ganap na masisigurado, ngunit kung kikilos ka nang walang masamang hangarin, magpapatakbo ka ng minority client at papanatilihin mo lang ang mga signing key mo sa isang machine sa bawat pagkakataon, halos zero ang tsansang masa-slash ka.
Mayroon lang ilang partikular na paraan na maaaring magresulta sa pag-slash ng validator at pag-eject nito sa network. Habang isinusulat ito, ang mga slashing na nangyari ay produkto lang ng mga redundant na hardware setup kung saan sino-store ang mga signing key sa dalawang magkahiwalay na machine sa bawat pagkakataon. Ito ay maaaring hindi sinasadyang magresulta sa isang double vote mula sa iyong mga keys, na isang slashable offense.
Ang pagpapatakbo ng isang supermajority client (anumang client na ginagamit ng mahigit 2/3 ng network) ay nagdadala rin ng panganib ng potensyal na pag-slash kung sakaling may bug ang client na ito na nagreresulta sa chain fork. Ito ay maaaring magdulot ng depektibong fork na maisasapinal. Upang maibalik sa tamang chain, kinakailangang magsumite ng surround vote sa pamamagitan ng pagsusumikap na bawiin ang isang naisapinal na block. Ito rin ay isang slashable offense at maaari itong maiwasan sa pamamagitan ng pagpapatakbo na lang ng isang minority client.
Ang mga katumbas na bug sa isang minority client ay hindi kailanman maisasapinal at hindi kailanman magreresulta sa isang surround vote, at magdudulot lang ng mga penalty para sa kawalan ng aktibidad, hindi sa slashing.
Maaaring medyo magkakaiba ang performance at user interface ng mga indibidwal na client, dahil ginawa ang bawat isa sa mga ito ng iba't ibang team gamit ang iba't ibang programming language. Gayunpaman, wala sa mga ito ang "pinakamahusay." Ang lahat ng production client ay magagandang uri ng software na nagsasagawa ng mga pangunahing function na mag-sync at mag-interact sa blockchain.
Dahil ibinibigay ng lahat ng production client ang parehong basic functionality, napakahalaga na pumili ka ng minority client, ibig sabihin, anumang client na HINDI kasalukuyang ginagamit ng karamihan sa mga validator sa network. Maaaring hindi ito rasonable, pero ang pagpapatakbo ng majority o supermajority client ay maglalagay sa iyo sa mas malaking panganib ng slashing kung sakaling magkaroon ng bug sa client na iyon. Labis na nililimitahan ng pagpapatakbo ng minority client ang mga panganib na ito.
Bagama't maaaring gumamit ng virtual private server (VPS) bilang pamalit sa home hardware, ang pisikal na access at lokasyon ng iyong validator client ay mahalaga. Sa tulong ng mga centralized cloud solution tulad ng Amazon Web Services o Digital Ocean, hindi na kailangang kumuha at magpatakbo ng hardware, ngunit ang kapalit nito ay pag-centralize sa network.
Kapag mas maraming validator client ang tumatakbo sa isang centralized cloud storage solution, mas magiging mapanganib ito para sa mga user na ito. Kapag nagkaroon ng anumang event na magpapa-offline sa mga provider na ito, isa mang atake, mga panregulatoryong demand, o simpleng pagkawala ng kuryente/internet, sabay-sabay na mag-o-offline ang bawat validator client na umaasa sa server na ito.
Ang mga penalty sa pagiging offline ay nakabatay sa bilang ng iba pang provider na offline sa parehong panahon. Kapag gumamit ng VPS, mas mapapalaki ang panganib na mas magiging matindi ang ipapataw na penalty sa pagiging offline, at mapapalaki nito ang posibilidad na makaranas ka ng quadratic leaking o slashing kung sakaling maging masyadong malaki ang outage. Upang mapaliit ang panganib para sa iyo at sa network, lubos na hinihikayat ang mga user na kumuha at magpatakbo ng sarili nilang hardware.
Ang anumang uri ng withdrawal mula sa Beacon Chain ay nangangailangan ng pagtatakda ng mga kredensyal sa pag-withdraw.
Itinatakda ito ng mga bagong staker sa panahon ng paggawa ng key at deposito. Puwedeng i-upgrade ng mga kasalukuyang staker na hindi pa nakapag-set nito ang kanilang mga key para masuportahan ang functionality na ito.
Kapag naitakda na ang mga kredensyal sa pag-withdraw, ang mga reward payment (nalikom na ETH matapos ang unang 32) ay pana-panahong awtomatikong ipapamahagi sa withdrawal address.
Upang ma-unlock at maibalik ang iyong buong balanse, dapat mo ring tapusin ang proseso ng pag-aalis ng iyong validator.
