ఎథీరియం కమ్యూనిటీ ప్రపంచవ్యాప్తంగా మరియు సమ్మిళితంగా ఉండాలని లక్ష్యంగా పెట్టుకుంది, అయినప్పటికీ దాని కంటెంట్లో ఎక్కువ భాగం ఆంగ్లం మాట్లాడేవారికి మాత్రమే అందుబాటులో ఉంది, ప్రపంచంలోని 6 బిలియన్ల ఆంగ్లేతర భాషలు మాట్లాడేవారిని వదిలివేస్తోంది. ప్రపంచవ్యాప్త కమ్యూనిటీ కోసం ఎథీరియంకు పోర్టల్గా ethereum.org వ్యవహరించడానికి, ఆంగ్లేతర భాషలు మాట్లాడేవారికి ఎథీరియం కంటెంట్ను వారి మాతృభాషలలో అందించడం చాలా అవసరమని మేము నమ్ముతున్నాము.
ethereum.org మరియు ఇతర ఎథీరియం కంటెంట్ను వీలైనన్ని ఎక్కువ భాషల్లోకి అనువదించడం ద్వారా ఎథీరియంను అందరికీ అందుబాటులోకి తీసుకురావాలని ethereum.org అనువాద ప్రోగ్రామ్ లక్ష్యంగా పెట్టుకుంది.
మా లక్ష్యం
- ప్రపంచవ్యాప్తంగా ఉన్న సందర్శకులు ఎథీరియం గురించి వారి మాతృభాషలో తెలుసుకునేలా సాధికారత కల్పించడానికి వెబ్సైట్ యొక్క అనువదించబడిన వెర్షన్లను అందించడం
- గ్లోబల్ ఎథీరియం కమ్యూనిటీకి మరింత మంది సభ్యుల ఆన్బోర్డింగ్ను సులభతరం చేయడం
- ఎథీరియం సమాచారం మరియు జ్ఞానాన్ని మరింత సులభంగా మరియు మరింత సమ్మిళితంగా పంచుకోవడానికి అనుమతించడం
- ఎథీరియంకు అనువాదాలను అందించడానికి మరియు ఎకోసిస్టమ్పై వారి ముద్ర వేయడానికి కమ్యూనిటీ సభ్యులకు సాధికారత కల్పించడం
- ఎకోసిస్టమ్లో పాలుపంచుకోవాలని చూస్తున్న ఉత్సాహవంతులైన కంట్రిబ్యూటర్లను గుర్తించడం, వారితో కనెక్ట్ అవ్వడం మరియు వారికి మార్గదర్శకత్వం అందించడం
మా దార్శనికత
- వీలైనన్ని ఎక్కువ దేశాలు మరియు ప్రపంచంలోని వివిధ ప్రాంతాల నుండి ఎథీరియం కమ్యూనిటీ సభ్యుల కోసం అవసరమైన కంటెంట్ను అనువదించడం
- మరింత మెరుగైన సమాచారం మరియు అవగాహన ఉన్న ఎథీరియం కమ్యూనిటీని సృష్టించడానికి భాషలకతీతంగా జ్ఞానాన్ని పంచుకోవడానికి మద్దతు ఇవ్వడం
- ఆంగ్లేతర భాషలు మాట్లాడేవారు ఎకోసిస్టమ్లో చేరకుండా నిరోధిస్తున్న భాషా అడ్డంకులను తొలగించడం ద్వారా ఎథీరియం యొక్క సమ్మిళితత మరియు ప్రాప్యతను పెంచడం