எத்திரியம் தொகுதிச்சங்கிலியின் அனைத்து முக்கிய மைல்கற்கள், கவைகள் மற்றும் புதுப்பிப்புகளின் காலவரிசை.
பிணையத்தில் முக்கிய தொழில்நுட்ப மேம்பாடுகள் அல்லது மாற்றங்கள் செய்யப்பட வேண்டியிருக்கும் போது கவைகள் (Forks) ஏற்படுகின்றன – அவை பொதுவாக எத்திரியம் மேம்பாட்டு முன்மொழிவுகளிலிருந்து (EIPs) உருவாகின்றன மற்றும் நெறிமுறையின் "விதிமுறைகளை" மாற்றுகின்றன.
பாரம்பரிய, மையப்படுத்தப்பட்ட மென்பொருளில் மேம்பாடுகள் தேவைப்படும்போது, நிறுவனம் இறுதிப் பயனருக்காக ஒரு புதிய பதிப்பை வெளியிடும். மையப்படுத்தப்பட்ட உரிமை இல்லாததால் தொகுதிச்சங்கிலிகள் வித்தியாசமாக செயல்படுகின்றன. புதிய கவை விதிகளைச் செயல்படுத்த எத்திரியம் கிளையண்டுகள் தங்கள் மென்பொருளைப் புதுப்பிக்க வேண்டும். மேலும் தொகுதி உருவாக்குநர்கள் (பணிச் சான்று (PoW) உலகில் சுரங்கப்பணியாளர்கள், உரிமைச் சான்று (PoS) உலகில் சரிபார்ப்பான்கள்) மற்றும் கணுக்கள் புதிய விதிகளின்படி தொகுதிகளை உருவாக்கி சரிபார்க்க வேண்டும். ஒருமித்த வழிமுறைகள் பற்றி மேலும் அறிய
இந்த விதி மாற்றங்கள் பிணையத்தில் தற்காலிக பிளவை உருவாக்கலாம். புதிய விதிகள் அல்லது பழைய விதிகளின்படி புதிய தொகுதிகள் உருவாக்கப்படலாம். கிளையண்டுகள் மாற்றங்களை ஒருங்கிணைந்து ஏற்றுக்கொள்வதற்கும், மேம்பாடுகளுடன் கூடிய கவை முக்கிய சங்கிலியாக மாறுவதற்கும் கவைகள் பொதுவாக முன்கூட்டியே ஒப்புக்கொள்ளப்படுகின்றன. இருப்பினும், அரிதான சந்தர்ப்பங்களில், கவைகள் மீதான கருத்து வேறுபாடுகள் பிணையத்தை நிரந்தரமாகப் பிரிக்க வழிவகுக்கும் – குறிப்பாக DAO கவையுடன் எத்திரியம் கிளாசிக் உருவாக்கப்பட்டது.
எத்திரியத்தின் அடிப்படையிலான மென்பொருள் இரண்டு பகுதிகளைக் கொண்டுள்ளது, அவை மற்றும் என அழைக்கப்படுகின்றன.
செயலாக்க மேம்பாட்டுப் பெயரிடல்
2021 முதல், செயலாக்க அடுக்கு மேம்பாடுகளுக்கு முந்தைய Devcon மற்றும் Devconnect இடங்களின் (புதிய தாவலில் திறக்கப்படும்) நகரப் பெயர்களின் அடிப்படையில் காலவரிசைப்படி பெயரிடப்படுகின்றன:
| மேம்பாட்டின் பெயர் | Devcon(nect) ஆண்டு | Devcon எண் | மேம்படுத்தப்பட்ட தேதி |
|---|---|---|---|
| பெர்லின் | 2014 | 0 | ஏப் 15, 2021 |
| லண்டன் | 2015 | I | ஆக 5, 2021 |
| ஷாங்காய் | 2016 | II | ஏப் 12, 2023 |
| கான்குன் | 2017 | III | மார் 13, 2024 |
| ப்ராக் | 2018 | IV | மே 7, 2025 |
| ஒசாகா | 2019 | V | டிச 3, 2025 |
| ஆம்ஸ்டர்டாம் | 2022 | Devconnect | பின்னர் அறிவிக்கப்படும் - அடுத்தது |
| பொகோட்டா | 2022 | VI | பின்னர் அறிவிக்கப்படும் |
| இஸ்தான்புல் | 2023 | Devconnect | பின்னர் அறிவிக்கப்படும் |
| பாங்காக் | 2024 | VII | பின்னர் அறிவிக்கப்படும் |
| பியூனஸ் அயர்ஸ் | 2025 | Devconnect | பின்னர் அறிவிக்கப்படும் |
| மும்பை | 2026 | VIII | பின்னர் அறிவிக்கப்படும் |
கருத்தொருமிப்பு மேம்பாட்டுப் பெயரிடல்
தொடங்கப்பட்டதிலிருந்து, கருத்தொருமிப்பு அடுக்கு மேம்பாடுகளுக்கு அகரவரிசைப்படி தொடங்கும் எழுத்துக்களைக் கொண்ட விண்மீன்களின் பெயர்கள் சூட்டப்படுகின்றன:
| மேம்பாட்டின் பெயர் | மேம்படுத்தப்பட்ட தேதி |
|---|---|
| பீக்கன் சங்கிலி தொடக்கம் | டிச 1, 2020 |
| அல்டேர் (புதிய தாவலில் திறக்கப்படும்) | அக் 27, 2021 |
| பெல்லாட்ரிக்ஸ் (புதிய தாவலில் திறக்கப்படும்) | செப் 6, 2022 |
| கபெல்லா (புதிய தாவலில் திறக்கப்படும்) | ஏப் 12, 2023 |
| டெனெப் (புதிய தாவலில் திறக்கப்படும்) | மார் 13, 2024 |
| எலெக்ட்ரா (புதிய தாவலில் திறக்கப்படும்) | மே 7, 2025 |
| ஃபுலு (புதிய தாவலில் திறக்கப்படும்) | டிச 3, 2025 |
| குளோவாஸ் (புதிய தாவலில் திறக்கப்படும்) | பின்னர் அறிவிக்கப்படும் - அடுத்தது |
| ஹெஸே (புதிய தாவலில் திறக்கப்படும்) | பின்னர் அறிவிக்கப்படும் |
ஒருங்கிணைந்த பெயரிடல்
செயலாக்க மற்றும் கருத்தொருமிப்பு மேம்பாடுகள் ஆரம்பத்தில் வெவ்வேறு நேரங்களில் வெளியிடப்பட்டன, ஆனால் 2022 இல் ஒருங்கிணைப்பு நிகழ்ந்த பிறகு இவை ஒரே நேரத்தில் பயன்படுத்தப்படுகின்றன. எனவே, இந்த மேம்பாடுகளை ஒற்றை இணைந்த சொல்லைப் பயன்படுத்தி எளிமையாகக் குறிப்பிடுவதற்கு பேச்சுவழக்குச் சொற்கள் உருவாகியுள்ளன. இது ஷாங்காய்-கபெல்லா மேம்பாட்டுடன் தொடங்கியது, இது பொதுவாக "ஷபெல்லா" என்று குறிப்பிடப்படுகிறது, மேலும் இது அடுத்தடுத்த மேம்பாடுகளிலும் தொடர்கிறது.
| செயலாக்க மேம்பாடு | கருத்தொருமிப்பு மேம்பாடு | சுருக்கப் பெயர் |
|---|---|---|
| ஷாங்காய் | கபெல்லா | "ஷபெல்லா" |
| கான்குன் | டெனெப் | "டென்குன்" |
| ப்ராக் | எலெக்ட்ரா | "பெக்ட்ரா" |
| ஒசாகா | ஃபுலு | "ஃபுசாகா" |
| ஆம்ஸ்டர்டாம் | குளோவாஸ் | "கிளாம்ஸ்டர்டாம்" |
| பொகோட்டா | ஹெஸே | "ஹெகோட்டா" |
குறிப்பாக முக்கியமான சில கடந்தகால மேம்பாடுகள் பற்றிய தகவல்களுக்கு நேரடியாகச் செல்லவும்: பீக்கன் சங்கிலி; ஒருங்கிணைப்பு; மற்றும் EIP-1559
எதிர்கால நெறிமுறை மேம்பாடுகளைத் தேடுகிறீர்களா? எத்திரியம் வழிகாட்டி வரைபடத்தில் வரவிருக்கும் மேம்பாடுகள் பற்றி அறியவும்.
2025
ஃபுலு-ஒசாகா ("ஃபுசாகா")
3 டிச., 2025, 9:49:11 PM UTC
ப்ராக்-எலெக்ட்ரா ("பெக்ட்ரா")
7 மே, 2025, 10:05:11 AM UTC
ப்ராக்-எலெக்ட்ரா ("பெக்ட்ரா") மேம்பாடு, அனைத்துப் பயனர்கள், அடுக்கு 2 (l2) பிணையங்கள், பங்குவைப்பவர்கள் மற்றும் கணு இயக்குபவர்களுக்கான அனுபவத்தை மேம்படுத்தும் நோக்கத்துடன் எத்திரியம் நெறிமுறைக்கு பல மேம்பாடுகளை உள்ளடக்கியது.
கூட்டுச் சரிபார்ப்பான் கணக்குகள் மற்றும் செயலாக்கத் திரும்பப் பெறுதல் முகவரியைப் பயன்படுத்திப் பங்குவைக்கப்பட்ட நிதிகளின் மீதான மேம்பட்ட கட்டுப்பாட்டுடன் பங்குவைத்தல் ஒரு மேம்பாட்டைப் பெற்றது. EIP-7251 ஒரு சரிபார்ப்பானுக்கான அதிகபட்ச பயனுறு இருப்பை 2048 ஆக அதிகரித்தது, இது பங்குவைப்பவர்களுக்கான மூலதனத் திறனை மேம்படுத்துகிறது. EIP-7002 ஒரு செயலாக்கக் கணக்கை, வெளியேற்றம் அல்லது நிதியின் சில பகுதிகளைத் திரும்பப் பெறுதல் உள்ளிட்ட சரிபார்ப்பான் செயல்களைப் பாதுகாப்பாகத் தூண்டச் செய்தது, இது ETH பங்குவைப்பவர்களுக்கான அனுபவத்தை மேம்படுத்துவதோடு, கணு இயக்குபவர்களுக்கான பொறுப்புணர்வை வலுப்படுத்தவும் உதவுகிறது.
மேம்பாட்டின் பிற பகுதிகள் வழக்கமான பயனர்களுக்கான அனுபவத்தை மேம்படுத்துவதில் கவனம் செலுத்தின. EIP-7702 ஒரு திறன் ஒப்பந்தம் அல்லாத வழக்கமான கணக்கிற்கு () திறன் ஒப்பந்தத்தைப் போன்ற குறியீட்டைச் செயல்படுத்தும் திறனைக் கொண்டு வந்தது. இது பாரம்பரிய எத்திரியம் கணக்குகளுக்குப் பரிவர்த்தனை தொகுத்தல், எரிவாயு ஸ்பான்சர்ஷிப், மாற்று அங்கீகாரம், நிரல்படுத்தக்கூடிய செலவுக் கட்டுப்பாடுகள், கணக்கு மீட்பு வழிமுறைகள் மற்றும் பல போன்ற எல்லையற்ற புதிய செயல்பாடுகளைத் திறந்தது.
சிறந்த பயனர் அனுபவம்:
- EIP-7702 - EOA கணக்குக் குறியீட்டை அமைத்தல்
- EIP-7691 - தரவுத் திரளை பரிவர்த்தனை வீதத்தை அதிகரித்தல்
- EIP-7623 - அழைப்புத் தரவு செலவை அதிகரித்தல்
- EIP-7840 - EL உள்ளமைவு கோப்புகளில் தரவுத் திரளை அட்டவணையைச் சேர்த்தல்
சிறந்த பங்குவைத்தல் அனுபவம்:
- EIP-7251 -
MAX_EFFECTIVE_BALANCE-ஐ அதிகரித்தல் - EIP-7002 - செயலாக்க அடுக்கு மூலம் தூண்டக்கூடிய வெளியேற்றங்கள்
- EIP-7685 - பொது நோக்கத்திற்கான செயலாக்க அடுக்கு கோரிக்கைகள்
- EIP-6110 - சங்கிலிசார் சரிபார்ப்பான் வைப்புகளை வழங்குதல்
நெறிமுறைத் திறன் மற்றும் பாதுகாப்பு மேம்பாடுகள்:
- பெக்ட்ரா எவ்வாறு பங்குவைத்தல் அனுபவத்தை மேம்படுத்தும் (புதிய தாவலில் திறக்கப்படும்)
- எலெக்ட்ரா மேம்பாட்டு விவரக்குறிப்புகளைப் படிக்கவும் (புதிய தாவலில் திறக்கப்படும்)
- ப்ராக்-எலெக்ட்ரா ("பெக்ட்ரா") அடிக்கடி கேட்கப்படும் கேள்விகள்
2024
கான்குன்-டெனெப் ("டென்குன்")
13 மார்., 2024, 1:55:35 PM UTC
கான்குன் சுருக்கம்
கான்குன் மேம்பாடு, டெனெப் ஒருமித்த கருத்து மேம்பாடுகளுடன் இணைந்து, அளவிடுதலை மேம்படுத்தும் நோக்கத்துடன் எத்திரியத்தின் செயலாக்கத்திற்கு மேம்பாடுகளின் தொகுப்பைக் கொண்டுள்ளது.
குறிப்பிடத்தக்க வகையில், இதில் EIP-4844 அடங்கும், இது புரோட்டோ-டாங்க்ஷார்டிங் என அழைக்கப்படுகிறது, இது அடுக்கு 2 (l2) ரோலப்களுக்கான தரவு சேமிப்பகத்தின் விலையை கணிசமாகக் குறைக்கிறது. தரவு "தரவுத் திரளைகளை" அறிமுகப்படுத்துவதன் மூலம் இது அடையப்படுகிறது, இது ரோலப்கள் குறுகிய காலத்திற்கு முதன்மை வலைப்பின்னலில் தரவை இடுகையிட உதவுகிறது. இதன் விளைவாக அடுக்கு 2 (l2) ரோலப்களின் பயனர்களுக்கு கணிசமாக குறைந்த பரிவர்த்தனை கட்டணம் கிடைக்கிறது.
- EIP-1153 - மாறும் சேமிப்பக செயல்பாட்டுக் குறியீடுகள் (Transient storage opcodes)
- EIP-4788 - EVM இல் பீக்கன் தொகுதி மூலம்
- EIP-4844 - ஷார்டு தரவுத் திரளை பரிவர்த்தனைகள் (புரோட்டோ-டாங்க்ஷார்டிங்)
- EIP-5656 -
MCOPY- நினைவக நகலெடுப்பு அறிவுறுத்தல் - EIP-6780 - அதே பரிவர்த்தனையில் மட்டுமே
SELFDESTRUCT - EIP-7516 -
BLOBBASEFEEசெயல்பாட்டுக் குறியீடு
- அடுக்கு 2 (l2) ரோலப்கள்
- புரோட்டோ-டாங்க்ஷார்டிங்
- டாங்க்ஷார்டிங்
- கான்குன் மேம்பாட்டு விவரக்குறிப்பைப் படிக்கவும் (புதிய தாவலில் திறக்கப்படும்)
டெனெப் சுருக்கம்
டெனெப் மேம்பாடு அளவிடுதலை மேம்படுத்தும் நோக்கத்துடன் எத்திரியத்தின் ஒருமித்த கருத்துக்கு மேம்பாடுகளின் தொகுப்பைக் கொண்டுள்ளது. இந்த மேம்பாடு புரோட்டோ-டாங்க்ஷார்டிங்கை (EIP-4844) இயக்குவதற்கான கான்குன் செயலாக்க மேம்பாடுகளுடனும், பீக்கன் சங்கிலிக்கான பிற மேம்பாடுகளுடனும் இணைந்து வருகிறது.
முன்-உருவாக்கப்பட்ட கையொப்பமிடப்பட்ட "தன்னார்வ வெளியேற்ற செய்திகள்" இனி காலாவதியாகாது, இதனால் மூன்றாம் தரப்பு கணு இயக்குபவருடன் தங்கள் நிதியை பங்குவைக்கும் பயனர்களுக்கு அதிக கட்டுப்பாடு கிடைக்கிறது. இந்த கையொப்பமிடப்பட்ட வெளியேற்ற செய்தியின் மூலம், பங்குவைப்பவர்கள் யாரிடமும் அனுமதி கேட்கத் தேவையில்லாமல், எந்த நேரத்திலும் பாதுகாப்பாக வெளியேறி தங்கள் நிதியை திரும்பப் பெறும் திறனைப் பராமரிக்கும் அதே வேளையில், கணு செயல்பாட்டை பிரதிநிதியிடம் ஒப்படைக்க முடியும்.
EIP-7514 ஆனது சரிபார்ப்பான்கள் பிணையத்தில் சேரக்கூடிய "சுழற்சி" விகிதத்தை ஒரு சகாப்தத்திற்கு எட்டு (8) ஆகக் கட்டுப்படுத்துவதன் மூலம் ETH வெளியீட்டைக் கடுமையாக்குகிறது. ETH வெளியீடு பங்குவைக்கப்பட்ட மொத்த ETH-க்கு விகிதாசாரமாக இருப்பதால், சேரும் சரிபார்ப்பான்களின் எண்ணிக்கையைக் கட்டுப்படுத்துவது புதிதாக வெளியிடப்பட்ட ETH இன் வளர்ச்சி விகிதத்தை கட்டுப்படுத்துகிறது, அதே நேரத்தில் கணு இயக்குபவர்களுக்கான வன்பொருள் தேவைகளையும் குறைத்து, பரவலாக்கத்திற்கு உதவுகிறது.
- டெனெப் மேம்பாட்டு விவரக்குறிப்புகளைப் படிக்கவும் (புதிய தாவலில் திறக்கப்படும்)
- கான்குன்-டெனெப் ("டென்குன்") அடிக்கடி கேட்கப்படும் கேள்விகள்
2023
ஷாங்காய்-கபெல்லா ("ஷபெல்லா")
12 ஏப்., 2023, 10:27:35 PM UTC
ஷாங்காய் சுருக்கம்
ஷாங்காய் மேம்பாடு செயலாக்க அடுக்குக்குப் பங்குவைப்புத் திரும்பப் பெறுதல்களைக் கொண்டு வந்தது. கபெல்லா மேம்பாட்டுடன் இணைந்து, இது திரும்பப் பெறும் செயல்பாடுகளை ஏற்கத் தொகுதிகளை அனுமதித்தது, இது பங்குவைப்பவர்கள் தங்கள் ETH-ஐ பீக்கன் சங்கிலியிலிருந்து செயலாக்க அடுக்குக்குத் திரும்பப் பெற அனுமதிக்கிறது.
கபெல்லா சுருக்கம்
கபெல்லா மேம்பாடு கருத்தொருமிப்பு அடுக்குக்கான (பீக்கன் சங்கிலி) மூன்றாவது பெரிய மேம்பாடாகும், மேலும் இது பங்குவைப்புத் திரும்பப் பெறுதல்களைச் செயல்படுத்தியது. கபெல்லா செயலாக்க அடுக்கு மேம்பாடான ஷாங்காயுடன் ஒத்திசைவாக நிகழ்ந்தது, மேலும் பங்குவைப்புத் திரும்பப் பெறும் செயல்பாட்டைச் செயல்படுத்தியது.
இந்த கருத்தொருமிப்பு அடுக்கு மேம்பாடு, தங்களின் ஆரம்ப வைப்புத்தொகையுடன் திரும்பப்பெறல் சான்றுகளை வழங்காத பங்குவைப்பவர்கள் அதனை வழங்கக்கூடிய திறனைக் கொண்டுவந்தது, இதன் மூலம் திரும்பப் பெறுதல்களைச் சாத்தியமாக்கியது.
இந்த மேம்பாடு தானியங்கி கணக்கு ஸ்வீப்பிங் (sweeping) செயல்பாட்டையும் வழங்கியது, இது கிடைக்கக்கூடிய ஏதேனும் வெகுமதி செலுத்துதல்கள் அல்லது முழுமையான திரும்பப் பெறுதல்களுக்காகச் சரிபார்ப்பான் கணக்குகளைத் தொடர்ந்து செயலாக்குகிறது.
- பங்குவைப்புத் திரும்பப் பெறுதல்கள் பற்றி மேலும் அறிய.
- கபெல்லா மேம்பாட்டு விவரக்குறிப்புகளைப் படிக்கவும் (புதிய தாவலில் திறக்கப்படும்)
2022
பாரிஸ் (ஒருங்கிணைப்பு)
15 செப்., 2022, 6:42:42 AM UTC
சுருக்கம்
பணிச் சான்று (PoW) தொகுதிச்சங்கிலியானது 58750000000000000000000 என்ற கடந்ததால் பாரிஸ் மேம்பாடு தூண்டப்பட்டது. இது 15 செப்டம்பர் 2022 அன்று தொகுதி 15537393 இல் நிகழ்ந்தது, இது அடுத்த தொகுதியில் பாரிஸ் மேம்பாட்டைத் தூண்டியது. பாரிஸ் என்பது ஒருங்கிணைப்பு மாற்றமாகும் - இதன் முக்கிய அம்சம் பணிச் சான்று (PoW) சுரங்கப்பணி அல்காரிதம் மற்றும் அதனுடன் தொடர்புடைய ஒருமித்த தர்க்கத்தை முடக்கிவிட்டு, அதற்குப் பதிலாக உரிமைச் சான்று (PoS) முறைக்கு மாறுவதாகும். பாரிஸ் என்பது செயலாக்க கிளையண்டுகளுக்கான ஒரு மேம்பாடாகும் (இது கருத்தொருமிப்பு அடுக்கில் உள்ள பெல்லாட்ரிக்ஸுக்குச் சமமானது), இது அவற்றுடன் இணைக்கப்பட்ட கருத்தொருமிப்பு கிளையண்டுகளிடமிருந்து வழிமுறைகளைப் பெற உதவியது. இதற்கு Engine API (புதிய தாவலில் திறக்கப்படும்) என கூட்டாக அறியப்படும் புதிய உள் API முறைகளின் தொகுப்பைச் செயல்படுத்த வேண்டியிருந்தது. இது ஹோம்ஸ்டெட் மேம்பாட்டிற்குப் பிறகு எத்திரியம் வரலாற்றில் மிக முக்கியமான மேம்பாடாகக் கருதப்படுகிறது!
பெல்லாட்ரிக்ஸ்
சுருக்கம்
பெல்லாட்ரிக்ஸ் மேம்பாடு என்பது பீக்கன் சங்கிலிக்கான இரண்டாவது திட்டமிடப்பட்ட மேம்பாடாகும், இது சங்கிலியை ஒருங்கிணைப்பிற்கு தயார்படுத்தியது. இது செயலற்ற தன்மை மற்றும் வெட்டப்படக்கூடிய குற்றங்களுக்கான சரிபார்ப்பான் அபராதங்களை அவற்றின் முழு மதிப்புகளுக்குக் கொண்டுவருகிறது. பெல்லாட்ரிக்ஸ் மேம்பாடானது, ஒருங்கிணைப்பிற்காக சங்கிலியைத் தயார்படுத்துவதற்கும், கடைசி பணிச் சான்று (PoW) தொகுதியிலிருந்து முதல் உரிமைச் சான்று (PoS) தொகுதிக்கு மாறுவதற்கும் கவைத் தேர்வு விதிகளுக்கான புதுப்பிப்பையும் உள்ளடக்கியுள்ளது. கருத்தொருமிப்பு கிளையண்டுகளுக்கு 58750000000000000000000 என்ற தெரியப்படுத்துவதும் இதில் அடங்கும்.
கிரே கிளேசியர்
30 ஜூன், 2022, 10:54:04 AM UTC
சுருக்கம்
கிரே கிளேசியர் பிணைய மேம்பாடு மூன்று மாதங்களுக்குப் பின்னுக்குத் தள்ளியது. இந்த மேம்பாட்டில் அறிமுகப்படுத்தப்பட்ட ஒரே மாற்றம் இதுதான், மேலும் இது ஆரோ கிளேசியர் மற்றும் முயிர் கிளேசியர் மேம்பாடுகளைப் போன்ற தன்மையைக் கொண்டுள்ளது. பைசான்டியம், கான்ஸ்டான்டினோபிள் மற்றும் லண்டன் பிணைய மேம்பாடுகளிலும் இதே போன்ற மாற்றங்கள் செய்யப்பட்டுள்ளன.
- EIP-5133 – கடினத்தன்மை வெடிகுண்டை செப்டம்பர் 2022 வரை தாமதப்படுத்துகிறது
2021
Arrow Glacier
9 டிச., 2021, 7:55:23 PM UTC
சுருக்கம்
Arrow Glacier பிணைய மேம்பாடு ஐ பல மாதங்களுக்கு ஒத்திவைத்தது. இந்த மேம்பாட்டில் அறிமுகப்படுத்தப்பட்ட ஒரே மாற்றம் இதுதான், மேலும் இது Muir Glacier மேம்பாட்டைப் போன்றது. பைசான்டியம், கான்ஸ்டான்டினோபிள் மற்றும் London பிணைய மேம்பாடுகளிலும் இதே போன்ற மாற்றங்கள் செய்யப்பட்டுள்ளன.
- EF வலைப்பதிவு - Arrow Glacier மேம்பாட்டு அறிவிப்பு (புதிய தாவலில் திறக்கப்படும்)
- Ethereum Cat Herders - எத்திரியம் Arrow Glacier மேம்பாடு (புதிய தாவலில் திறக்கப்படும்)
- EIP-4345 – கடினத்தன்மை வெடிகுண்டை ஜூன் 2022 வரை தாமதப்படுத்துகிறது
Altair
சுருக்கம்
Altair மேம்பாடு பீக்கன் சங்கிலிக்கான முதல் திட்டமிடப்பட்ட மேம்பாடாகும். இது "ஒத்திசைவுக் குழுக்களுக்கான" (sync committees) ஆதரவைச் சேர்த்தது—லைட் கிளையண்டுகளை (light clients) இயக்குகிறது, மேலும் ஒருங்கிணைப்பு (The Merge) நோக்கி மேம்பாடு முன்னேறும்போது சரிபார்ப்பான் செயலற்ற தன்மை மற்றும் வெட்டுதல் (slashing) அபராதங்களை அதிகரித்தது.
சுவாரஸ்யமான தகவல்!
Altair என்பது சரியான வெளியீட்டு நேரத்தைக் கொண்ட முதல் பெரிய பிணைய மேம்பாடாகும். இதற்கு முந்தைய ஒவ்வொரு மேம்பாடும் பணிச் சான்று (PoW) சங்கிலியில் அறிவிக்கப்பட்ட தொகுதி எண்ணை அடிப்படையாகக் கொண்டது, அங்கு தொகுதி நேரங்கள் மாறுபடும். பீக்கன் சங்கிலிக்கு பணிச் சான்றைத் தீர்க்க வேண்டிய அவசியமில்லை, அதற்குப் பதிலாக சரிபார்ப்பான்கள் தொகுதிகளை முன்மொழியக்கூடிய 32 பன்னிரண்டு வினாடி "நேரப்பகுதிகளைக்" (slots) கொண்ட நேர அடிப்படையிலான சகாப்த (epoch) அமைப்பில் செயல்படுகிறது. இதனால்தான் சகாப்தம் 74,240-ஐ எப்போது எட்டுவோம் என்பது எங்களுக்குச் சரியாகத் தெரியும், மேலும் Altair நேரலையில் வந்தது!
London
5 ஆக., 2021, 12:33:42 PM UTC
சுருக்கம்
London மேம்பாடு EIP-1559 (புதிய தாவலில் திறக்கப்படும்)-ஐ அறிமுகப்படுத்தியது, இது பரிவர்த்தனை கட்டணச் சந்தையைச் சீர்திருத்தியது, அத்துடன் எரிவாயு பணத்தைத் திரும்பப்பெறுதல் எவ்வாறு கையாளப்படுகிறது மற்றும் (Ice Age) அட்டவணையில் மாற்றங்களையும் கொண்டு வந்தது.
London மேம்பாடு / EIP-1559 என்றால் என்ன?
London மேம்பாட்டிற்கு முன்பு, எத்திரியம் நிலையான அளவிலான தொகுதிகளைக் கொண்டிருந்தது. அதிக பிணையத் தேவை உள்ள நேரங்களில், இந்தத் தொகுதிகள் முழுத் திறனுடன் செயல்பட்டன. இதன் விளைவாக, பயனர்கள் ஒரு தொகுதியில் சேர்க்கப்படுவதற்குத் தேவை குறையும் வரை காத்திருக்க வேண்டியிருந்தது, இது மோசமான பயனர் அனுபவத்திற்கு வழிவகுத்தது. London மேம்பாடு எத்திரியத்திற்கு மாறுபடும் அளவிலான தொகுதிகளை அறிமுகப்படுத்தியது.
எத்திரியம் பிணையத்தில் பரிவர்த்தனை கட்டணங்கள் கணக்கிடப்படும் விதம் ஆகஸ்ட் 2021-இன் London மேம்பாட்டுடன் மாறியது. London மேம்பாட்டிற்கு முன்பு, base மற்றும் priority கட்டணங்களைப் பிரிக்காமல் கட்டணங்கள் பின்வருமாறு கணக்கிடப்பட்டன:
ஆலிஸ் பாப்பிற்கு 1 ETH செலுத்த வேண்டும் என்று வைத்துக்கொள்வோம். பரிவர்த்தனையில், எரிவாயு வரம்பு 21,000 அலகுகள், மற்றும் எரிவாயு விலை 200 Gwei ஆகும்.
மொத்தக் கட்டணம்: Gas units (limit) * Gas price per unit அதாவது 21,000 * 200 = 4,200,000 gwei அல்லது 0.0042 ETH ஆக இருந்திருக்கும்.
London மேம்பாட்டில் EIP-1559 (புதிய தாவலில் திறக்கப்படும்)-இன் செயலாக்கம் பரிவர்த்தனை கட்டண வழிமுறையை மிகவும் சிக்கலானதாக மாற்றியது, ஆனால் எரிவாயு கட்டணங்களை மிகவும் கணிக்கக்கூடியதாக மாற்றியது, இதன் விளைவாக மிகவும் திறமையான பரிவர்த்தனை கட்டணச் சந்தை உருவானது. பயனர்கள் பரிவர்த்தனை செயல்படுத்தப்படுவதற்கு எவ்வளவு செலுத்தத் தயாராக இருக்கிறார்கள் என்பதற்கேற்ப maxFeePerGas உடன் பரிவர்த்தனைகளைச் சமர்ப்பிக்கலாம், எரிவாயுவிற்கான சந்தை விலையை விட (baseFeePerGas) அதிகமாகச் செலுத்த மாட்டார்கள் என்பதை அறிந்து, அவர்களின் முன்னுரிமைக் கட்டணத்தைக் (tip) கழித்துவிட்டு மீதமுள்ள கூடுதல் தொகையைத் திரும்பப் பெறலாம்.
இந்த வீடியோ EIP-1559 மற்றும் அது கொண்டு வரும் நன்மைகளை விளக்குகிறது: EIP-1559 விளக்கப்பட்டுள்ளது (புதிய தாவலில் திறக்கப்படும்)
- நீங்கள் ஒரு பரவலாக்கப்பட்ட செயலி (dapp) உருவாக்குநரா? உங்கள் நூலகங்கள் மற்றும் கருவிகளை மேம்படுத்துவதை உறுதிசெய்யவும். (புதிய தாவலில் திறக்கப்படும்)
- எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- Ethereum Cat Herders-இன் விளக்கத்தைப் படிக்கவும் (புதிய தாவலில் திறக்கப்படும்)
- EIP-1559 – பரிவர்த்தனை கட்டணச் சந்தையை மேம்படுத்துகிறது
- EIP-3198 – ஒரு தொகுதியிலிருந்து
BASEFEE-ஐ வழங்குகிறது - EIP-3529 - EVM செயல்பாடுகளுக்கான எரிவாயு பணத்தைத் திரும்பப்பெறுதலைக் குறைக்கிறது
- EIP-3541 -
0xEFஉடன் தொடங்கும் ஒப்பந்தங்களைப் பயன்படுத்துவதைத் தடுக்கிறது - EIP-3554 – பனிக்காலத்தை டிசம்பர் 2021 வரை தாமதப்படுத்துகிறது
பெர்லின்
15 ஏப்., 2021, 10:07:03 AM UTC
சுருக்கம்
பெர்லின் மேம்பாடு சில EVM செயல்களுக்கான எரிவாயு செலவை மேம்படுத்தியது, மேலும் பல பரிவர்த்தனை வகைகளுக்கான ஆதரவை அதிகரிக்கிறது.
- எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- Ethereum Cat Herders-இன் விளக்கத்தைப் படிக்கவும் (புதிய தாவலில் திறக்கப்படும்)
2020
பீக்கன் சங்கிலி தோற்றம்
1 டிச., 2020, 12:00:23 PM UTC
சுருக்கம்
பீக்கன் சங்கிலி பாதுகாப்பாக வெளியிடப்படுவதற்கு 32 பங்குவைக்கப்பட்ட ETH கொண்ட 16384 வைப்புகள் தேவைப்பட்டன. இது நவம்பர் 27 அன்று நிகழ்ந்தது, மேலும் பீக்கன் சங்கிலி டிசம்பர் 1, 2020 அன்று தொகுதிகளை உருவாக்கத் தொடங்கியது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
பீக்கன் சங்கிலி
பங்குவைப்புத் தொகை ஒப்பந்தம் நிறுவப்பட்டது
சுருக்கம்
பங்குவைப்புத் தொகை ஒப்பந்தம் எத்திரியம் சுற்றுச்சூழல் அமைப்பிற்கு முறையை அறிமுகப்படுத்தியது. இது ஒரு ஒப்பந்தமாக இருந்தாலும், ஒரு முக்கியமான எத்திரியம் மேம்பாடான பீக்கன் சங்கிலியை தொடங்குவதற்கான காலக்கெடுவில் இது நேரடி தாக்கத்தை ஏற்படுத்தியது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
பங்குவைத்தல்
முயிர் கிளேசியர்
சுருக்கம்
முயிர் கிளேசியர் கவை ஒரு தாமதத்தை அறிமுகப்படுத்தியது. பணிச் சான்று (PoW) ஒருமித்த வழிமுறையின் தொகுதி கடினத்தன்மை அதிகரிப்பானது, பரிவர்த்தனைகளை அனுப்புவதற்கும் பரவலாக்கப்பட்ட செயலி (dapp) பயன்படுத்துவதற்கும் காத்திருப்பு நேரங்களை அதிகரிப்பதன் மூலம் எத்திரியத்தின் பயன்பாட்டைக் குறைக்கும் அச்சுறுத்தலை ஏற்படுத்தியது.
- எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- Ethereum Cat Herders விளக்கத்தைப் படிக்கவும் (புதிய தாவலில் திறக்கப்படும்)
- EIP-2384 – கடினத்தன்மை வெடிகுண்டை மேலும் 4,000,000 தொகுதிகளுக்கு அல்லது ~611 நாட்களுக்கு தாமதப்படுத்துகிறது.
2019
இஸ்தான்புல்
சுருக்கம்
இஸ்தான்புல் கவை:
- EVM-இல் சில செயல்களுக்கான செலவை மேம்படுத்தியது.
- சேவை மறுப்பு (denial-of-service) தாக்குதல் எதிர்ப்பை மேம்படுத்தியது.
- SNARKs மற்றும் STARKs அடிப்படையிலான அடுக்கு 2 (l2) அளவிடுதல் தீர்வுகளை மேலும் சிறப்பாகச் செயல்படச் செய்தது.
- எத்திரியம் மற்றும் Zcash ஆகியவை இணைந்து செயல்பட வழிவகுத்தது.
- மேலும் ஆக்கப்பூர்வமான செயல்பாடுகளை அறிமுகப்படுத்த ஒப்பந்தங்களை அனுமதித்தது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- EIP-152 – Zcash போன்ற தனியுரிமையைப் பாதுகாக்கும் நாணயத்துடன் எத்திரியம் செயல்பட அனுமதிக்கிறது.
- EIP-1108 – செலவுகளை மேம்படுத்த மலிவான குறியாக்கவியல்.
- EIP-1344 –
CHAINIDசெயல்பாட்டுக் குறியீடு சேர்ப்பதன் மூலம் ரீப்ளே தாக்குதல்களுக்கு எதிராக எத்திரியத்தைப் பாதுகாக்கிறது. - EIP-1884 – நுகர்வின் அடிப்படையில் செயல்பாட்டுக் குறியீடு எரிவாயு விலைகளை மேம்படுத்துகிறது.
- EIP-2028 – தொகுதிகளில் அதிக தரவை அனுமதிக்க அழைப்புத் தரவு செலவைக் குறைக்கிறது – இது அடுக்கு 2 (l2) அளவிடுதல்க்கு நல்லது.
- EIP-2200 – பிற செயல்பாட்டுக் குறியீடு எரிவாயு விலை மாற்றங்கள்.
கான்ஸ்டான்டினோபிள்
சுருக்கம்
கான்ஸ்டான்டினோபிள் கவை:
- தொகுதி சுரங்கப்பணி வெகுமதிகளை 3-லிருந்து 2 ETH ஆகக் குறைத்தது.
- உரிமைச் சான்று (PoS) செயல்படுத்தப்படுவதற்கு முன்பு தொகுதிச்சங்கிலி முடங்காமல் இருப்பதை உறுதி செய்தது.
- EVM-இல் சில செயல்களுக்கான செலவை மேம்படுத்தியது.
- இதுவரை உருவாக்கப்படாத முகவரிகளுடன் தொடர்பு கொள்ளும் திறனைச் சேர்த்தது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- EIP-145 – சில சங்கிலிசார் செயல்களின் செலவை மேம்படுத்துகிறது.
- EIP-1014 – இதுவரை உருவாக்கப்படாத முகவரிகளுடன் தொடர்பு கொள்ள உங்களை அனுமதிக்கிறது.
- EIP-1052 – மற்றொரு ஒப்பந்தத்தின் குறியீட்டின் ஹாஷைப் பெற
EXTCODEHASHஅறிவுறுத்தலை அறிமுகப்படுத்துகிறது. - EIP-1234 – உரிமைச் சான்று (PoS) செயல்படுத்தப்படுவதற்கு முன்பு தொகுதிச்சங்கிலி முடங்காமல் இருப்பதை உறுதிசெய்கிறது மற்றும் தொகுதி வெகுமதியை 3-லிருந்து 2 ETH ஆகக் குறைக்கிறது.
2017
பைசான்டியம்
சுருக்கம்
பைசான்டியம் ஃபோர்க்:
- தொகுதி சுரங்கப்பணி வெகுமதிகளை 5 இலிருந்து 3 ETH ஆகக் குறைத்தது.
- ஒரு வருடம் தாமதப்படுத்தியது.
- மற்ற ஒப்பந்தங்களுக்கு நிலையை-மாற்றாத அழைப்புகளைச் செய்யும் திறனைச் சேர்த்தது.
- அடுக்கு 2 அளவிடுதலை அனுமதிக்க சில குறியாக்கவியல் முறைகளைச் சேர்த்தது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- EIP-140 –
REVERTசெயல்பாட்டுக் குறியீட்டைச் சேர்க்கிறது. - EIP-658 – வெற்றி அல்லது தோல்வியைக் குறிக்க பரிவர்த்தனை ரசீதுகளில் நிலை புலம் சேர்க்கப்பட்டது.
- EIP-196 – ZK-Snarks ஐ அனுமதிக்க நீள்வட்ட வளைவு மற்றும் ஸ்கேலார் பெருக்கலைச் சேர்க்கிறது.
- EIP-197 – ZK-Snarks ஐ அனுமதிக்க நீள்வட்ட வளைவு மற்றும் ஸ்கேலார் பெருக்கலைச் சேர்க்கிறது.
- EIP-198 – RSA கையொப்ப சரிபார்ப்பைச் செயல்படுத்துகிறது.
- EIP-211 – மாறும் நீளமுள்ள திரும்பப் பெறும் மதிப்புகளுக்கான ஆதரவைச் சேர்க்கிறது.
- EIP-214 –
STATICCALLசெயல்பாட்டுக் குறியீட்டைச் சேர்க்கிறது, இது மற்ற ஒப்பந்தங்களுக்கு நிலையை-மாற்றாத அழைப்புகளை அனுமதிக்கிறது. - EIP-100 – கடினத்தன்மை சரிசெய்தல் சூத்திரத்தை மாற்றுகிறது.
- EIP-649 – 1 வருடம் தாமதப்படுத்துகிறது மற்றும் தொகுதி வெகுமதியை 5 இலிருந்து 3 ETH ஆகக் குறைக்கிறது.
2016
ஸ்பூரியஸ் டிராகன்
சுருக்கம்
பிணையத்தின் மீதான சேவை மறுப்பு (DoS) தாக்குதல்களுக்கு (செப்டம்பர்/அக்டோபர் 2016) இரண்டாவது நடவடிக்கையாக ஸ்பூரியஸ் டிராகன் கவை அமைந்தது, இதில் பின்வருவன அடங்கும்:
- பிணையத்தில் எதிர்காலத் தாக்குதல்களைத் தடுக்க செயல்பாட்டுக் குறியீடு விலையைச் சரிசெய்தல்.
- தொகுதிச்சங்கிலி நிலையின் "வீக்கத்தைக் குறைப்பதை" (debloat) சாத்தியமாக்குதல்.
- ரீப்ளே தாக்குதல் பாதுகாப்பைச் சேர்த்தல்.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- EIP-155 – ஒரு எத்திரியம் சங்கிலியிலிருந்து பரிவர்த்தனைகள் மாற்றுச் சங்கிலியில் மீண்டும் ஒளிபரப்பப்படுவதைத் தடுக்கிறது, எடுத்துக்காட்டாக, ஒரு சோதனை வலையமைப்பு பரிவர்த்தனை பிரதான எத்திரியம் சங்கிலியில் மீண்டும் இயக்கப்படுவது.
- EIP-160 –
EXPசெயல்பாட்டுக் குறியீட்டின் விலைகளைச் சரிசெய்கிறது – கணக்கீட்டு ரீதியாக விலையுயர்ந்த ஒப்பந்த செயல்பாடுகள் மூலம் பிணையத்தை மெதுவாக்குவதை மிகவும் கடினமாக்குகிறது. - EIP-161 – DOS தாக்குதல்கள் மூலம் சேர்க்கப்பட்ட வெற்று கணக்குகளை அகற்றுவதற்கு அனுமதிக்கிறது.
- EIP-170 – தொகுதிச்சங்கிலியில் உள்ள ஒரு ஒப்பந்தம் கொண்டிருக்கக்கூடிய அதிகபட்ச குறியீட்டு அளவை 24576 பைட்டுகளாக மாற்றுகிறது.
டேன்ஜரின் விஸில்
சுருக்கம்
பிணையத்தின் மீதான சேவை மறுப்பு (DoS) தாக்குதல்களுக்கு (செப்டம்பர்/அக்டோபர் 2016) முதல் நடவடிக்கையாக டேன்ஜரின் விஸில் கவை அமைந்தது, இதில் பின்வருவன அடங்கும்:
- குறைவான விலையிடப்பட்ட செயல்பாட்டுக் குறியீடுகள் தொடர்பான அவசர பிணைய சுகாதார சிக்கல்களைத் தீர்ப்பது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- EIP-150 – ஸ்பேம் தாக்குதல்களில் பயன்படுத்தக்கூடிய செயல்பாட்டுக் குறியீடுகளின் எரிவாயு செலவுகளை அதிகரிக்கிறது.
- EIP-158 – எத்திரியம் நெறிமுறையின் முந்தைய பதிப்புகளில் உள்ள குறைபாடுகள் காரணமாக மிகக் குறைந்த செலவில் நிலையில் வைக்கப்பட்ட அதிக எண்ணிக்கையிலான வெற்று கணக்குகளை அகற்றுவதன் மூலம் நிலை அளவைக் குறைக்கிறது.
DAO கவை
சுருக்கம்
பாதுகாப்பற்ற ஒப்பந்தத்திலிருந்து 3.6 மில்லியனுக்கும் அதிகமான ETH ஹேக் மூலம் திருடப்பட்ட 2016 DAO தாக்குதலுக்கு (புதிய தாவலில் திறக்கப்படும்) பதிலடியாக DAO கவை அமைந்தது. இந்த கவை தவறான ஒப்பந்தத்திலிருந்து நிதியை திரும்பப் பெறுதல் (withdraw) என்ற ஒற்றைச் செயல்பாட்டைக் கொண்ட புதிய ஒப்பந்தத்திற்கு (புதிய தாவலில் திறக்கப்படும்) மாற்றியது. நிதியை இழந்த எவரும் தங்கள் பணப்பைகளில் உள்ள ஒவ்வொரு 100 DAO டோக்கன்களுக்கும் 1 ETH-ஐ திரும்பப் பெறலாம்.
இந்த நடவடிக்கைக்கு எத்திரியம் சமூகம் வாக்களித்தது. எந்தவொரு ETH வைத்திருப்பவரும் வாக்களிப்பு தளத்தில் (புதிய தாவலில் திறக்கப்படும்) ஒரு பரிவர்த்தனை மூலம் வாக்களிக்க முடிந்தது. கவைக்கான முடிவு 85% க்கும் அதிகமான வாக்குகளைப் பெற்றது.
DAO சம்பவம் நெறிமுறையில் உள்ள குறைபாடு அல்ல என்பதால் சில சுரங்கப்பணியாளர்கள் கவைக்கு உடன்பட மறுத்துவிட்டனர். அவர்கள் எத்திரியம் கிளாசிக் (புதிய தாவலில் திறக்கப்படும்)-ஐ உருவாக்கச் சென்றனர்.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
ஹோம்ஸ்டெட்
சுருக்கம்
ஹோம்ஸ்டெட் கவை எதிர்காலத்தை நோக்கியதாக இருந்தது. இது பல நெறிமுறை மாற்றங்களையும், எத்திரியத்திற்கு மேலும் பிணைய மேம்பாடுகளைச் செய்யும் திறனை வழங்கிய ஒரு பிணைய மாற்றத்தையும் உள்ளடக்கியது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
2015
முன்னெல்லை தாவிங்
சுருக்கம்
முன்னெல்லை தாவிங் கவையானது ஒவ்வொரு இருந்த 5,000 வரம்பை நீக்கியது, மேலும் இயல்புநிலை எரிவாயு விலையை 51 ஆக அமைத்தது. இது பரிவர்த்தனைகளை அனுமதித்தது – பரிவர்த்தனைகளுக்கு 21,000 எரிவாயு தேவைப்படுகிறது. எதிர்காலத்தில் மாறுவதற்கான ஹார்டு-ஃபோர்க்கை உறுதி செய்வதற்காக அறிமுகப்படுத்தப்பட்டது.
- எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
- எத்திரியம் நெறிமுறை மேம்பாடு 1-ஐப் படிக்கவும் (புதிய தாவலில் திறக்கப்படும்)
முன்னெல்லை
30 ஜூலை, 2015, 3:26:13 PM UTC
சுருக்கம்
முன்னெல்லை என்பது எத்திரியம் திட்டத்தின் நேரடி, ஆனால் அடிப்படையான செயலாக்கமாகும். இது வெற்றிகரமான ஒலிம்பிக் சோதனை கட்டத்தைத் தொடர்ந்து வந்தது. இது தொழில்நுட்பப் பயனர்களுக்காக, குறிப்பாக டெவலப்பர்களுக்காக உருவாக்கப்பட்டது. 5,000 வரம்பைக் கொண்டிருந்தன. இந்த 'தாவிங்' (தளர்வு) காலமானது சுரங்கப்பணியாளர்கள் தங்கள் செயல்பாடுகளைத் தொடங்கவும், ஆரம்பகாலப் பயனர்கள் 'அவசரப்படாமல்' தங்கள் கிளையண்டுகளை நிறுவவும் உதவியது.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
2014
ஈதர் விற்பனை
22 ஜூலை, 2014, 12:00:00 AM UTC
ஈதர் அதிகாரப்பூர்வமாக 42 நாட்களுக்கு விற்பனைக்கு வந்தது. நீங்கள் அதை BTC மூலம் வாங்கலாம்.
எத்தீரியம் அறக்கட்டளை அறிவிப்பைப் படிக்கவும் (புதிய தாவலில் திறக்கப்படும்)
மஞ்சள் அறிக்கை வெளியிடப்பட்டது
1 ஏப்., 2014, 12:00:00 AM UTC
டாக்டர் கவின் வுட் எழுதிய மஞ்சள் அறிக்கை என்பது எத்திரியம் நெறிமுறையின் ஒரு தொழில்நுட்ப வரையறையாகும்.
மஞ்சள் அறிக்கையைப் பார்க்கவும் (புதிய தாவலில் திறக்கப்படும்)
2013
வெள்ளை அறிக்கை வெளியிடப்பட்டது
27 நவ., 2013, 12:00:00 AM UTC
2015 இல் திட்டம் தொடங்கப்படுவதற்கு முன்பு, எத்திரியத்தின் நிறுவனரான விட்டாலிக் புட்டெரின் என்பவரால் 2013 இல் வெளியிடப்பட்ட அறிமுக அறிக்கை.
வெள்ளை அறிக்கை