टोकन लेयर 2 वर कसे जोडायचे
Ethereum वर खूप जास्त रहदारी असल्यास, ते महाग होऊ शकते. यावर एक उपाय म्हणजे नवीन "लेअर्स" तयार करणे: म्हणजेच, वेगवेगळे नेटवर्क्स जे Ethereum प्रमाणेच काम करतात. हे तथाकथित लेअर 2s कमी शुल्कामध्ये अनेक व्यवहार करून Ethereum वरील गर्दी आणि खर्च कमी करण्यास मदत करतात आणि या व्यवहारांचे परिणाम ठराविक वेळेनंतर Ethereum वर संग्रहित करतात. त्यामुळे, हे लेअर 2s आपल्याला वाढीव वेगाने आणि कमी खर्चात व्यवहार करण्यास सक्षम करतात. या फायद्यांमुळे अनेक लोकप्रिय क्रिप्टो प्रकल्प लेअर 2s वर स्थलांतरित होत आहेत. Ethereum वरून लेअर 2 वर टोकन हलवण्याचा सर्वात सोपा मार्ग म्हणजे ब्रिज वापरणे.
पूर्व-आवश्यकता:
- एक क्रिप्टो वॉलेट असावे—तुमच्याकडे नसल्यास, Ethereum खाते तयार करण्यासाठी ही मार्गदर्शिका वापरा.
- तुमच्या वॉलेटमध्ये निधी जमा करा
१. तुम्हाला कोणते लेअर 2 नेटवर्क वापरायचे आहे ते ठरवा.
आमच्या लेअर 2 पेजवर तुम्हाला विविध प्रकल्पांबद्दल आणि महत्त्वाच्या लिंक्सबद्दल अधिक माहिती मिळेल.
२. निवडलेल्या ब्रिजवर जा.
काही लोकप्रिय लेअर 2s आहेत:
- Arbitrum bridge (opens in a new tab)
- Optimism bridge (opens in a new tab)
- Boba network bridge (opens in a new tab)
३. तुमच्या वॉलेटने ब्रिजशी कनेक्ट करा.
तुमचे वॉलेट Ethereum मेननेट नेटवर्कशी जोडलेले असल्याची खात्री करा. जर ते जोडलेले नसेल, तर वेबसाइट तुम्हाला आपोआप नेटवर्क बदलण्यास सूचित करेल.
४. रक्कम नमूद करा आणि निधी हलवा.
अप्रिय आश्चर्याचे धक्के टाळण्यासाठी तुम्हाला लेअर 2 नेटवर्कवर परत मिळणारी रक्कम आणि शुल्काचा आढावा घ्या.
५. तुमच्या वॉलेटमध्ये व्यवहाराची पुष्टी करा.
व्यवहारावर प्रक्रिया करण्यासाठी तुम्हाला ETH च्या स्वरूपात शुल्क ( म्हटले जाते) द्यावे लागेल.
6. तुमचा निधी हलवला जाण्याची प्रतीक्षा करा.
या प्रक्रियेला 10 मिनिटांपेक्षा जास्त वेळ लागू नये.
7. तुमच्या वॉलेटमध्ये निवडलेले लेअर 2 नेटवर्क जोडा (ऐच्छिक).
नेटवर्कचे RPC तपशील शोधण्यासाठी तुम्ही chainlist.org (opens in a new tab) वापरू शकता. एकदा नेटवर्क जोडले गेले आणि व्यवहार पूर्ण झाला की, तुम्हाला तुमच्या वॉलेटमध्ये टोकन दिसतील.
वारंवार विचारले जाणारे प्रश्न
माझा निधी एक्सचेंजवर असल्यास काय करावे?
तुम्ही कदाचित काही लेअर 2s वर थेट एक्सचेंजमधून निधी काढू शकता. अधिक माहितीसाठी आमच्या लेअर 2 पेजवरील “लेअर 2 वर जा” हा विभाग तपासा.
मी L2 वर माझे टोकन ब्रिज केल्यानंतर Ethereum मेननेटवर परत जाऊ शकेन का?
होय, तुम्ही तोच ब्रिज वापरून तुमचा निधी कधीही मेननेटवर परत हलवू शकता.
पृष्ठ अखेरचे अद्यतन: 22 ऑक्टोबर, 2025
