Unganisho

Vipengee muhimu vya hatua ni pamoja na:

1. Endesha zote mbili mteja wa mwafaka na kiteja cha utekelezaji; vituo vya wahusika wengine kupata data za utekelezaji havifanyi kazi tena tangu Unganisho.
2. Thibitisha kiteja cha utekelezaji na mteja wa mwafaka kwa siri ya JWT inayoshirikiwa ili waweze kuwasiliana kwa usalama.
3. Weka anwani ya fee recipient ili kupokea vidokezo vya ada ya muamala/MEV uliyochuma.

Kutokamilisha vipengee viwili vya kwanza hapo juu kutasababisha nodi yako kuonekana kama "nje ya mtandao" hadi tabaka zote mbili zisawazishwe na kuthibitishwa.

Kutoweka fee recipient bado kutaruhusu mthibitishaji wako kufanya kazi kama kawaida, lakini utakosa vidokezo vya ada ambavyo havijateketezwa na MEV yoyote ambayo ungepata katika vitalu ambavyo mthibitishaji wako anapendekeza.

Hadi Unganisho, kiteja cha utekelezaji (kama vile Go Ethereum (Geth), Erigon, Besu au Nethermind) kilitosha kupokea, kuthibitisha ipasavyo, na kusambaza vitalu vinavyosambazwa na mtandao. Baada ya Unganisho, uhalali wa miamala iliyomo ndani ya mzigo wa utekelezaji sasa pia unategemea uhalali wa "kitalu cha mwafaka" ambacho kimo ndani yake.

Kutokana na hili, nodi kamili ya Ethereum sasa inahitaji kiteja cha utekelezaji na mteja wa mwafaka. Wateja hawa wawili wanafanya kazi pamoja kwa kutumia API mpya ya Injini. API ya Injini inahitaji uthibitishaji kwa kutumia siri ya JWT, ambayo hutolewa kwa wateja wote wawili kuruhusu mawasiliano salama.

Vipengee muhimu vya hatua ni pamoja na:

• Sakinisha mteja wa mwafaka pamoja na kiteja cha utekelezaji
• Thibitisha kiteja cha utekelezaji na mteja wa mwafaka kwa siri ya JWT inayoshirikiwa ili waweze kuwasiliana kwa usalama wao kwa wao.

Kutokamilisha vipengee hapo juu kutasababisha nodi yako kuonekana kuwa "nje ya mtandao" hadi tabaka zote mbili zisawazishwe na kuthibitishwa.

Unganisho ulikuja na mabadiliko kwenye mwafaka, ambayo pia yanajumuisha mabadiliko yanayohusiana na:

• muundo wa kitalu
• muda wa sloti/kitalu
• mabadiliko ya msimbo wa operesheni
• vyanzo vya unasibu mnyororoni
• dhana ya kichwa salama na vitalu vilivyokamilishwa

Kwa maelezo zaidi, angalia chapisho hili la blogu la Tim Beiko kuhusu Jinsi Unganisho Unavyoathiri Tabaka la Programu Tumizi la Ethereum.

Kuna aina mbili za nodi za Ethereum: nodi zinazoweza kupendekeza vitalu na nodi ambazo hazipendekezi.

Nodi zinazopendekeza vitalu ni idadi ndogo tu ya nodi zote kwenye Ethereum. Kitengo hiki kinajumuisha nodi za uchimbaji chini ya Uthibitisho wa Kazi (PoW) na nodi za mthibitishaji chini ya Uthibitisho wa Dau (PoS). Kitengo hiki kinahitaji kuweka rasilimali za kiuchumi (kama vile nguvu ya heshi ya GPU katika Uthibitisho wa Kazi au ETH iliyowekwa dhamana katika Uthibitisho wa Dau) badala ya uwezo wa kupendekeza kitalu kinachofuata mara kwa mara na kupata tuzo za itifaki.

Nodi zingine kwenye mtandao (yaani, idadi kubwa) hazihitajiki kuweka rasilimali zozote za kiuchumi zaidi ya kompyuta ya kiwango cha mtumiaji yenye TB 1-2 ya hifadhi inayopatikana na muunganisho wa intaneti. Nodi hizi hazipendekezi vitalu, lakini bado zina jukumu muhimu katika kulinda mtandao kwa kuwafanya wapendekezaji wote wa vitalu kuwajibika kwa kusikiliza vitalu vipya na kuthibitisha uhalali wao vinapowasili kulingana na sheria za mwafaka za mtandao. Ikiwa kitalu ni halali, nodi inaendelea kukisambaza kupitia mtandao. Ikiwa kitalu ni batili kwa sababu yoyote ile, programu ya nodi itakipuuza kama batili na kusimamisha usambazaji wake.

Kuendesha nodi isiyozalisha vitalu inawezekana kwa mtu yeyote chini ya utaratibu wowote wa makubaliano (Uthibitisho wa Kazi au Uthibitisho wa Dau); inashauriwa sana kwa watumiaji wote ikiwa wana uwezo. Kuendesha nodi ni muhimu sana kwa Ethereum na inatoa faida za ziada kwa mtu yeyote anayeiendesha, kama vile usalama ulioboreshwa, faragha na upinzani wa udhibiti.

Uwezo wa mtu yeyote kuendesha nodi yake mwenyewe ni muhimu kabisa katika kudumisha ugatuzi wa mtandao wa Ethereum.

Zaidi kuhusu kuendesha nodi yako mwenyewe

Ada za gesi ni zao la mahitaji ya mtandao kulingana na uwezo wa mtandao. Unganisho uliondoa matumizi ya Uthibitisho wa Kazi, ukihamia kwenye Uthibitisho wa Dau kwa mwafaka, lakini haukubadilisha kwa kiasi kikubwa vigezo vyovyote vinavyoathiri moja kwa moja uwezo wa mtandao au uwezo wa upitishaji.

Pamoja na ramani ya njia inayozingatia rollup, juhudi zinaelekezwa katika kuongeza shughuli za watumiaji kwenye tabaka la 2 (l2), huku ikiwezesha Mtandao Mkuu wa tabaka la 1 (l1) kama tabaka salama la ukamilishaji lililogatuliwa lililoboreshwa kwa hifadhi ya data ya rollup ili kusaidia kufanya miamala ya rollup kuwa nafuu zaidi. Mpito kwenda kwenye Uthibitisho wa Dau ni mtangulizi muhimu katika kutambua hili. Zaidi kuhusu gesi na ada.

"Kasi" ya muamala inaweza kupimwa kwa njia chache, ikijumuisha muda wa kujumuishwa kwenye kitalu na muda wa ukamilifu. Yote haya yanabadilika kidogo, lakini si kwa njia ambayo watumiaji wataona.

Kihistoria, kwenye Uthibitisho wa Kazi, lengo lilikuwa kuwa na kitalu kipya kila baada ya sekunde ~13.3. Chini ya Uthibitisho wa Dau, sloti hutokea kwa usahihi kila sekunde 12, ambapo kila moja ni fursa kwa mthibitishaji kuchapisha kitalu. Sloti nyingi zina vitalu, lakini si lazima zote (yaani, mthibitishaji yuko nje ya mtandao). Katika Uthibitisho wa Dau, vitalu vinazalishwa ~10% mara kwa mara zaidi kuliko kwenye Uthibitisho wa Kazi. Hili lilikuwa badiliko dogo sana na hakuna uwezekano wa kuonekana na watumiaji.

Uthibitisho wa Dau ulianzisha dhana ya ukamilifu wa muamala ambayo haikuwepo hapo awali. Katika Uthibitisho wa Kazi, uwezo wa kubadilisha kitalu unakuwa mgumu zaidi kwa kila kitalu kinachopita kinachochimbwa juu ya muamala, lakini haufikii sifuri kabisa. Chini ya Uthibitisho wa Dau, vitalu vinawekwa pamoja katika vipindi (muda wa dakika 6.4 wenye nafasi 32 za vitalu) ambavyo wathibitishaji wanapigia kura. Kipindi kinapoisha, wathibitishaji wanapiga kura kama watakichukulia kipindi hicho kama 'iliyohalalishwa'. Ikiwa wathibitishaji wanakubali kuhalalisha kipindi, kinakamilishwa katika kipindi kinachofuata. Kutengua miamala iliyokamilishwa haiwezekani kiuchumi kwani itahitaji kupata na kuteketeza zaidi ya theluthi moja ya jumla ya ETH iliyowekwa dhamana.

Hapo awali baada ya Unganisho, waweka dhamana wangeweza tu kupata vidokezo vya ada na MEV ambavyo vilipatikana kutokana na mapendekezo ya kitalu. Tuzo hizi zinawekwa kwenye akaunti isiyo ya kuweka dhamana inayodhibitiwa na mthibitishaji (inayojulikana kama mpokeaji wa ada), na zinapatikana mara moja. Tuzo hizi ni tofauti na tuzo za itifaki kwa kufanya majukumu ya mthibitishaji.

Tangu uboreshaji wa mtandao wa Shanghai/Capella, waweka dhamana sasa wanaweza kuteua anwani ya utoaji ili kuanza kupokea malipo ya kiotomatiki ya salio lolote la ziada la uwekaji dhamana (ETH zaidi ya 32 kutoka kwa tuzo za itifaki). Uboreshaji huu pia uliwezesha uwezo wa mthibitishaji kufungua na kudai salio lake lote anapojitoa kwenye mtandao.

Zaidi kuhusu utoaji wa uwekaji dhamana

Kwa kuwa uboreshaji wa Shanghai/Capella uliwezesha utoaji, wathibitishaji wanahamasishwa kutoa salio lao la uwekaji dhamana zaidi ya 32 ETH, kwani fedha hizi haziongezi faida na vinginevyo zimefungwa. Kulingana na APR (inayoamuliwa na jumla ya ETH iliyowekwa dhamana), wanaweza kuhamasishwa kujitoa kwa mthibitishaji wao ili kudai salio lao lote au kuweka dhamana zaidi kwa kutumia tuzo zao ili kupata faida zaidi.

Tahadhari muhimu hapa, kujitoa kamili kwa mthibitishaji kunadhibitiwa na itifaki, na ni wathibitishaji wachache tu wanaoweza kujitoa kwa kila kipindi (kila dakika 6.4). Kikomo hiki kinabadilika kulingana na idadi ya wathibitishaji wanaofanya kazi, lakini inakuja kwa takriban 0.33% ya jumla ya ETH iliyowekwa dhamana inaweza kutolewa kwenye mtandao kwa siku moja.

Hii inazuia utokaji mkubwa wa fedha zilizowekwa dhamana. Zaidi ya hayo, inazuia mshambuliaji anayeweza kuwa na ufikiaji wa sehemu kubwa ya jumla ya ETH iliyowekwa dhamana kufanya kosa la ukataji na kujitoa/kutoa salio lote la mthibitishaji anayekosa katika kipindi hicho hicho kabla ya itifaki kutekeleza adhabu ya ukataji.

APR pia inabadilika kwa makusudi, ikiruhusu soko la waweka dhamana kusawazisha kiasi gani wako tayari kulipwa ili kusaidia kulinda mtandao. Ikiwa kiwango ni cha chini sana, basi wathibitishaji watajitoa kwa kiwango kinachodhibitiwa na itifaki. Hatua kwa hatua hii itaongeza APR kwa kila mtu anayebaki, na kuvutia waweka dhamana wapya au wanaorudi tena.