Ada za gesi
Ada za mtandao
Ada za mtandao kwenye Ethereum zinaitwa gesi.
Gesi ni nishati inayoendesha Ethereum.
Muhtasari
- Kila muamala kwenye Ethereum unahitaji malipo kidogo ili kuchakatwa
- Ada hizi zinajulikana kama ada ya 'gesi'
- Ada za gesi hazijapangwa, zinabadilika kulingana na msongamano wa mtandao
Ada za gesi ni nini?
Fikiria Ethereum kama mtandao mkubwa wa kompyuta ambapo watu wanaweza kufanya kazi kama vile kutuma ujumbe au kuendesha programu. Kama tu katika ulimwengu wa kweli, kazi hizi zinahitaji nishati ili kukamilika.
Katika Ethereum, kila kitendo cha kimahesabu kina bei iliyowekwa ya "gesi". Ada zako za gesi ni gharama ya jumla ya vitendo katika muamala wako. Unapotuma muamala au kuendesha , unalipa ada za gesi ili kuuchakata.
Ninawezaje kulipa gesi kidogo?
Ingawa ada za juu kwenye Ethereum wakati mwingine haziepukiki, kuna mikakati unayoweza kutumia kupunguza gharama:
Nini kinasababisha ada za juu za gesi?
Kila wakati kiasi cha ukokotoaji (gesi) kwenye Ethereum kinapozidi kiwango fulani, ada za gesi huanza kupanda. Kadiri gesi inavyozidi kiwango hiki, ndivyo ada za gesi zinavyoongezeka haraka.
Ada za juu zinaweza kusababishwa na mambo kama vile maarufu au NFTs, kuongezeka kwa biashara mara kwa mara kwenye , au idadi kubwa ya shughuli za watumiaji wakati wa kilele.
Wasanidi programu kwenye Ethereum wanapaswa kuwa waangalifu kuboresha matumizi yao ya mikataba mahiri kabla ya kuisambaza. Ikiwa watu wengi wanatumia mkataba mahiri ulioandikwa vibaya, utatumia gesi zaidi na unaweza kusababisha msongamano wa mtandao bila kukusudia.
Unataka kuchunguza kwa kina? Angalia nyaraka za wasanidi programu.
Kwa nini tunahitaji gesi?
Gesi ni kipengele muhimu katika kuweka Ethereum salama na kuchakata miamala. Gesi inasaidia kwa njia nyingi:
Gesi huifanya Ethereum kwa kuzuia wahusika wabaya kulemea mtandao kwa shughuli za udanganyifu.
Kwa sababu ukokotoaji unagharimu gesi, kutuma miamala ghali ya taka kwenye Ethereum, iwe kwa bahati mbaya au kwa nia mbaya, kunakatishwa tamaa kifedha.
Kikomo kigumu cha kiasi cha ukokotoaji kinachoweza kufanywa kwa wakati mmoja huzuia Ethereum kulemewa, na kusaidia kuhakikisha mtandao unapatikana kila wakati.
Gesi inakokotolewaje?
Jumla ya ada ya gesi unayolipa inaundwa na sehemu chache:
- Ada ya msingi: ada iliyowekwa na mtandao ambayo inapaswa kulipwa kwa ajili ya muamala
- Ada ya kipaumbele: ada ya kipaumbele ya hiari ili kuwahamasisha waendeshaji wa nodi kujumuisha muamala wako
- Vipimo vya gesi vilivyotumika*: unakumbuka tulisema gesi inawakilisha ukokotoaji? Vitendo ngumu zaidi, kama vile kuingiliana na mkataba mahiri, hutumia gesi zaidi kuliko vile rahisi, kama vile kutuma muamala.
- * Tazama Kielelezo cha 1 ili kuona ni kiasi gani cha gesi kinatumiwa na aina tofauti za miamala
Fomula ya kukokotoa ada ya gesi ni vipimo vya gesi vilivyotumika * (ada ya msingi + ada ya kipaumbele). Pochi nyingi zitakokotoa matumizi ya gesi na kuionyesha kwa njia rahisi zaidi kueleweka.
| Aina ya muamala | Vipimo vya gesi vilivyotumika |
|---|---|
| Kutuma ETH | 21,000 |
| Kutuma tokeni za ERC-20 | 65,000 |
| Kuhamisha NFT | 84,904 |
| Kubadilisha kwenye Uniswap | 184,523 |
Maswali yanayoulizwa mara kwa mara
Sehemu kubwa ya ada ya gesi—ada ya msingi— inaharibiwa na itifaki (kuchomwa). Ada ya kipaumbele, ikiwa imejumuishwa katika muamala wako, itapewa mthibitishaji aliyependekeza muamala wako.
Unaweza kusoma maelezo ya kina ya mchakato katika nyaraka za wasanidi programu za gesi.
Ndiyo. Ada zote za gesi kwenye Ethereum lazima zilipwe kwa sarafu asili ya ETH.
Zaidi kuhusu ETHKatika pochi nyingi au vifuatiliaji vya gesi, utaona bei za gesi zikionyeshwa kama 'Gwei'.
Gwei ni kipimo kidogo tu cha ETH, kama vile senti zilivyo kwa dola, na tofauti ni kwamba ETH 1 ni sawa na Gwei bilioni 1. Gwei ni muhimu unapozungumzia kiasi kidogo sana cha ETH.
Pima ujuzi wako wa Ethereum
Ukurasa ulisasishwa mwisho: 8 Aprili 2025
