Weka dhamana ya ETH yako ukiwa nyumbani

Unapoendesha nodi yako mwenyewe unapaswa kutumia muda kujifunza jinsi ya kutumia programu uliyochagua. Hii inahusisha kusoma nyaraka husika na kufuatilia njia za mawasiliano za timu hizo za wasanidi.

Kadiri unavyoelewa zaidi kuhusu programu unayoendesha na jinsi Uthibitisho wa Dau (PoS) unavyofanya kazi, ndivyo itakavyokuwa na hatari ndogo kama mweka dhamana, na itakuwa rahisi zaidi kurekebisha matatizo yoyote yanayoweza kutokea njiani kama mwendeshaji wa nodi.

Usanidi wa nodi unahitaji kiwango cha kuridhisha cha uzoefu unapofanya kazi na kompyuta, ingawa zana mpya zinafanya hili kuwa rahisi zaidi kadiri muda unavyosonga. Kuelewa kiolesura cha mstari wa amri kunasaidia, lakini hakuhitajiki tena kwa lazima.

Pia inahitaji usanidi wa kimsingi sana wa maunzi, na uelewa fulani wa vipimo vya chini vinavyopendekezwa.

Kama vile funguo za siri zinavyolinda anwani yako ya Ethereum, utahitaji kuzalisha funguo mahususi kwa ajili ya mthibitishaji wako. Lazima uelewe jinsi ya kuweka misemo yoyote ya mbegu au funguo za siri salama na zilizolindwa.

Usalama wa Ethereum na uzuiaji wa utapeli

Tofauti na adhabu za kutotenda kwa kutokuwa mtandaoni, ukataji ni adhabu nzito zaidi iliyotengwa kwa makosa ya kudhuru. Kwa kuendesha mteja wa wachache huku funguo zako zikiwa zimepakiwa kwenye mashine moja tu kwa wakati mmoja, hatari yako ya kukatwa inapunguzwa. Hata hivyo, waweka dhamana wote lazima wafahamu hatari za ukataji.

Ndiyo, akaunti za kisasa za mthibitishaji zina uwezo wa kushikilia hadi 2048 ETH. ETH ya ziada zaidi ya 32 itajilimbikiza kwa hatua, ikiongezeka kwa nyongeza za nambari kamili kadiri salio lako halisi linavyoongezeka. Hili linajulikana kama salio tendaji lako.

Ili kuongeza salio tendaji la akaunti, na hivyo kuongeza tuzo, bafa ya 0.25 ETH juu ya kizingiti chochote cha ETH kamili lazima ivukwe. Kwa mfano, akaunti yenye salio halisi la 32.9 na salio tendaji la 32 itahitaji kupata 0.35 ETH nyingine ili kuleta salio lake halisi juu ya 33.25 kabla ya kuanzisha ongezeko la salio tendaji.

Bafa hii pia inazuia salio tendaji kushuka hadi liwe limeenda 0.25 ETH chini ya salio lake tendaji la sasa.

Kila jozi ya funguo inayohusishwa na mthibitishaji inahitaji angalau 32 ETH ili kuwezeshwa. Salio lolote zaidi ya hili linaweza kutolewa kwenye anwani ya utoaji inayohusishwa wakati wowote kupitia muamala uliosainiwa na anwani hii. Fedha zozote zaidi ya salio tendaji la juu zaidi zitatolewa kiotomatiki mara kwa mara.

Ikiwa kuweka dhamana ukiwa nyumbani kunaonekana kukuhitaji sana, fikiria kutumia mtoa huduma wa uwekaji dhamana kama huduma, au ikiwa unafanya kazi na chini ya 32 ETH, angalia madimbwi ya uwekaji dhamana.

Kutokuwa mtandaoni wakati mtandao unakamilisha ipasavyo HAITASABABISHA ukataji. Adhabu ndogo za kutotenda hutozwa ikiwa mthibitishaji wako hapatikani kushuhudia kwa kipindi fulani (kila kimoja kina urefu wa dakika 6.4), lakini hii ni tofauti sana na ukataji. Adhabu hizi ni kidogo kuliko tuzo ambayo ungepata kama mthibitishaji angekuwa anapatikana kushuhudia, na hasara inaweza kurudishwa kwa takriban kiasi sawa cha muda wa kurudi mtandaoni tena.

Kumbuka kwamba adhabu za kutotenda zinalingana na idadi ya wathibitishaji ambao hawako mtandaoni kwa wakati mmoja. Katika matukio ambapo sehemu kubwa ya mtandao haiko mtandaoni kwa wakati mmoja, adhabu kwa kila mmoja wa wathibitishaji hawa itakuwa kubwa zaidi kuliko wakati mthibitishaji mmoja hapatikani.

Katika hali mbaya zaidi ikiwa mtandao utaacha kukamilisha kutokana na zaidi ya theluthi moja ya wathibitishaji kutokuwa mtandaoni, watumiaji hawa watakumbwa na kile kinachojulikana kama uvujaji wa kutotenda wa kipeo cha pili (quadratic inactivity leak), ambao ni upotevu mkubwa wa ETH kutoka kwenye akaunti za wathibitishaji wasio mtandaoni. Hii huwezesha mtandao hatimaye kujiponya wenyewe kwa kuteketeza ETH ya wathibitishaji wasiotenda hadi salio lao lifikie 16 ETH, ambapo watatolewa kiotomatiki kutoka kwenye dimbwi la wathibitishaji. Wathibitishaji waliosalia mtandaoni hatimaye wataunda zaidi ya 2/3 ya mtandao tena, na kutosheleza wingi mkuu unaohitajika ili kukamilisha mnyororo kwa mara nyingine tena.

Kwa ufupi, hili haliwezi kuhakikishwa kikamilifu, lakini ikiwa utatenda kwa nia njema, kuendesha mteja wa wachache na kuweka funguo zako za kusaini kwenye mashine moja tu kwa wakati mmoja, hatari ya kukatwa inakaribia sifuri.

Kuna njia chache tu mahususi zinazoweza kusababisha mthibitishaji kukatwa na kutolewa kwenye mtandao. Wakati wa kuandika haya, ukataji uliotokea umekuwa pekee matokeo ya usanidi wa maunzi yasiyo ya lazima ambapo funguo za kusaini zinahifadhiwa kwenye mashine mbili tofauti kwa wakati mmoja. Hili linaweza kusababisha bila kukusudia kura mbili kutoka kwenye funguo zako, ambalo ni kosa linaloweza kukatwa.

Kuendesha mteja wa wingi mkuu (mteja yeyote anayetumiwa na zaidi ya 2/3 ya mtandao) pia kuna hatari ya uwezekano wa ukataji endapo mteja huyu ana hitilafu inayosababisha mchepuo wa mnyororo. Hili linaweza kusababisha mchepuo wenye hitilafu ambao unakamilishwa. Ili kurekebisha kurudi kwenye mnyororo uliokusudiwa itahitaji kuwasilisha kura ya kuzunguka (surround vote) kwa kujaribu kutengua kitalu kilichokamilishwa. Hili pia ni kosa linaloweza kukatwa na linaweza kuepukwa kwa urahisi kwa kuendesha mteja wa wachache badala yake.

Hitilafu sawa katika mteja wa wachache hazingeweza kukamilisha na hivyo hazingeweza kusababisha kura ya kuzunguka, na zingesababisha tu adhabu za kutotenda, sio ukataji.

• Jifunze zaidi kuhusu umuhimu wa kuendesha mteja wa wachache.
• Jifunze zaidi kuhusu uzuiaji wa ukataji

Wateja binafsi wanaweza kutofautiana kidogo katika suala la utendaji na kiolesura cha mtumiaji, kwani kila mmoja anatengenezwa na timu tofauti kwa kutumia lugha mbalimbali za programu. Hata hivyo, hakuna hata mmoja wao aliye "bora zaidi." Wateja wote wa uzalishaji ni programu bora, ambazo zote hufanya kazi sawa za msingi za kusawazisha na kuingiliana na mnyororo wa vitalu.

Kwa kuwa wateja wote wa uzalishaji hutoa utendaji sawa wa kimsingi, kwa kweli ni muhimu sana uchague mteja wa wachache, ikimaanisha mteja yeyote ambaye HATUMIWI kwa sasa na wengi wa wathibitishaji kwenye mtandao. Hili linaweza kuonekana kinyume na matarajio, lakini kuendesha mteja wa wengi au wingi mkuu kunakuweka kwenye hatari kubwa ya ukataji endapo kutatokea hitilafu kwenye mteja huyo. Kuendesha mteja wa wachache kunapunguza sana hatari hizi.

Ingawa seva ya kibinafsi ya mtandaoni (VPS) inaweza kutumika kama mbadala wa maunzi ya nyumbani, ufikiaji wa kimwili na eneo la mteja wako wa mthibitishaji ni muhimu. Suluhu za wingu zilizowekwa kati kama vile Amazon Web Services au Digital Ocean zinaruhusu urahisi wa kutolazimika kupata na kuendesha maunzi, kwa gharama ya kuweka mtandao kati.

Kadiri wateja wengi wa mthibitishaji wanavyoendeshwa kwenye suluhu moja ya hifadhi ya wingu iliyowekwa kati, ndivyo inavyokuwa hatari zaidi kwa watumiaji hawa. Tukio lolote linalowatoa watoa huduma hawa mtandaoni, iwe kwa shambulio, matakwa ya udhibiti, au kukatika tu kwa umeme/intaneti, litasababisha kila mteja wa mthibitishaji anayetegemea seva hii kutoka mtandaoni kwa wakati mmoja.

Adhabu za kutokuwa mtandaoni zinalingana na idadi ya wengine ambao hawako mtandaoni kwa wakati mmoja. Kutumia VPS kunaongeza sana hatari kwamba adhabu za kutokuwa mtandaoni zitakuwa kali zaidi, na kuongeza hatari yako ya uvujaji wa kipeo cha pili au ukataji endapo kukatika ni kukubwa vya kutosha. Ili kupunguza hatari yako mwenyewe, na hatari kwa mtandao, watumiaji wanahimizwa sana kupata na kuendesha maunzi yao wenyewe.

Utoaji wa aina yoyote kutoka kwenye Mnyororo wa Beacon unahitaji vitambulisho vya uondoaji kuwekwa.

Waweka dhamana wapya huweka hili wakati wa uzalishaji wa funguo na kuweka amana. Waweka dhamana waliopo ambao hawakuweka hili tayari wanaweza kusasisha funguo zao ili kusaidia utendaji huu.

Mara tu vitambulisho vya uondoaji vinapowekwa, malipo ya tuzo (ETH iliyolimbikizwa zaidi ya 32 ya awali) yatasambazwa mara kwa mara kwenye anwani ya utoaji kiotomatiki.

Ili kufungua na kupokea salio lako lote nyuma lazima pia ukamilishe mchakato wa kujitoa kwa mthibitishaji wako.