Weka dhamana ya ETH yako ukiwa nyumbani

Unapoendesha Nodi yako mwenyewe unapaswa kutumia muda kujifunza jinsi ya kutumia programu uliyochagua. Hii inahusisha kusoma nyaraka husika na kufuatilia njia za mawasiliano za timu hizo za wasanidi.

Kadiri unavyoelewa zaidi kuhusu programu unayoendesha na jinsi uthibitishaji wa dhamana unavyofanya kazi, ndivyo itakavyokuwa na hatari ndogo kama muweka dhamana, na itakuwa rahisi kurekebisha masuala yoyote yanayoweza kutokea njiani kama mwendeshaji wa Nodi.

Usanidi wa Nodi unahitaji kiwango cha kuridhisha cha kuzoea kufanya kazi na kompyuta, ingawa zana mpya zinafanya hili kuwa rahisi kadiri muda unavyosonga. Kuelewa kiolesura cha mstari wa amri kunasaidia, lakini hakuhitajiki tena kwa lazima.

Pia inahitaji usanidi wa kimsingi sana wa maunzi, na uelewa fulani wa vipimo vya chini vinavyopendekezwa.

Kama vile funguo binafsi zinavyolinda anwani yako ya Ethereum, utahitaji kuunda funguo mahususi kwa ajili ya mthibitishaji wako. Lazima uelewe jinsi ya kuweka vifungu vya maneno ya siri au funguo binafsi salama na zilizolindwa.

Usalama wa Ethereum na kuzuia utapeli

Tofauti na adhabu za kutofanya kazi kwa kutokuwa mtandaoni, kupunguzwa kwa dhamana ni adhabu nzito zaidi iliyotengwa kwa makosa ya kudhuru. Kwa kuendesha mteja wa wachache huku funguo zako zikiwa zimepakiwa kwenye mashine moja tu kwa wakati mmoja, hatari yako ya kupunguzwa kwa dhamana inapunguzwa. Hata hivyo, waweka dhamana wote lazima wafahamu hatari za kupunguzwa kwa dhamana.

Ndiyo, akaunti za kisasa za mthibitishaji zina uwezo wa kushikilia hadi 2048 ETH. ETH ya ziada zaidi ya 32 itajumuishwa kwa hatua, ikiongezeka kwa nyongeza za nambari kamili kadiri salio lako halisi linavyoongezeka. Hili linajulikana kama salio lako tendaji.

Ili kuongeza salio tendaji la akaunti, na hivyo kuongeza zawadi, bafa ya 0.25 ETH juu ya kizingiti chochote cha ETH kamili lazima ivukwe. Kwa mfano, akaunti yenye salio halisi la 32.9 na salio tendaji la 32 itahitaji kupata 0.35 ETH nyingine ili kuleta salio lake halisi juu ya 33.25 kabla ya kuanzisha ongezeko la salio tendaji.

Bafa hii pia inazuia salio tendaji kushuka hadi liwe limeenda 0.25 ETH chini ya salio lake tendaji la sasa.

Kila jozi ya funguo inayohusishwa na mthibitishaji inahitaji angalau 32 ETH ili kuwezeshwa. Salio lolote zaidi ya hili linaweza kutolewa kwenye anwani inayohusishwa ya kutoa fedha wakati wowote kupitia muamala uliotiwa saini na anwani hii. Fedha zozote zaidi ya salio tendaji la juu zaidi zitatolewa kiotomatiki mara kwa mara.

Ikiwa kuweka dhamana ukiwa nyumbani kunaonekana kuwa kugumu sana kwako, fikiria kutumia mtoa huduma wa kuweka dhamana kama huduma, au ikiwa unafanya kazi na chini ya 32 ETH, angalia mabwawa ya kushikiria dhamana.

Kutoka mtandaoni wakati mtandao unakamilisha ipasavyo HAITASABABISHA kupunguzwa kwa dhamana. Adhabu ndogo za kutofanya kazi hutozwa ikiwa mthibitishaji wako hapatikani kutoa uthibitisho kwa kipindi fulani (kila kimoja kina urefu wa dakika 6.4), lakini hii ni tofauti sana na kupunguzwa kwa dhamana. Adhabu hizi ni ndogo kidogo kuliko zawadi ambayo ungepata kama mthibitishaji angekuwa anapatikana kutoa uthibitisho, na hasara inaweza kurudishwa kwa takriban kiasi sawa cha muda wa kurudi mtandaoni tena.

Kumbuka kwamba adhabu za kutofanya kazi zinalingana na idadi ya wathibitishaji ambao hawako mtandaoni kwa wakati mmoja. Katika matukio ambapo sehemu kubwa ya mtandao haiko mtandaoni kwa wakati mmoja, adhabu kwa kila mmoja wa wathibitishaji hawa itakuwa kubwa zaidi kuliko wakati mthibitishaji mmoja hapatikani.

Katika hali mbaya zaidi ikiwa mtandao utaacha kukamilisha kutokana na zaidi ya theluthi moja ya wathibitishaji kutokuwa mtandaoni, watumiaji hawa watapata kile kinachojulikana kama uvujaji wa kutofanya kazi wa kipeo cha pili, ambao ni upotevu mkubwa wa ETH kutoka kwenye akaunti za wathibitishaji wasio mtandaoni. Hii inawezesha mtandao hatimaye kujiponya wenyewe kwa kuchoma ETH ya wathibitishaji wasiofanya kazi hadi salio lao lifikie 16 ETH, ambapo wataondolewa kiotomatiki kutoka kwenye bwawa la wathibitishaji. Wathibitishaji waliosalia mtandaoni hatimaye wataunda zaidi ya 2/3 ya mtandao tena, na kutosheleza wingi unaohitajika ili kukamilisha mnyororo kwa mara nyingine.

Kwa ufupi, hili haliwezi kuhakikishwa kikamilifu, lakini ikiwa utatenda kwa nia njema, kuendesha mteja wa wachache na kuweka funguo zako za kutia saini kwenye mashine moja tu kwa wakati mmoja, hatari ya kupunguzwa dhamana inakaribia sifuri.

Kuna njia chache tu maalum zinazoweza kusababisha mthibitishaji kupunguzwa dhamana na kuondolewa kwenye mtandao. Wakati wa kuandika haya, upunguzaji wa dhamana uliotokea umekuwa pekee matokeo ya usanidi wa maunzi yasiyo ya lazima ambapo funguo za kutia saini zinahifadhiwa kwenye mashine mbili tofauti kwa wakati mmoja. Hii inaweza kusababisha bila kukusudia kura mbili kutoka kwenye funguo zako, ambalo ni kosa linaloweza kusababisha kupunguzwa kwa dhamana.

Kuendesha mteja wa walio wengi sana (mteja yeyote anayetumiwa na zaidi ya 2/3 ya mtandao) pia kuna hatari ya uwezekano wa kupunguzwa dhamana endapo mteja huyu ana hitilafu inayosababisha uma wa mnyororo. Hii inaweza kusababisha uma wenye makosa ambao unakamilishwa. Ili kurekebisha kurudi kwenye mnyororo uliokusudiwa itahitaji kuwasilisha kura ya kuzunguka kwa kujaribu kutengua bloku iliyokamilishwa. Hili pia ni kosa linaloweza kusababisha kupunguzwa kwa dhamana na linaweza kuepukwa kwa urahisi kwa kuendesha mteja wa wachache badala yake.

Hitilafu sawa katika mteja wa wachache hazingeweza kukamilisha na hivyo hazingeweza kusababisha kura ya kuzunguka, na zingesababisha tu adhabu za kutofanya kazi, sio kupunguzwa kwa dhamana.

• Jifunze zaidi kuhusu umuhimu wa kuendesha mteja wa wachache.
• Jifunze zaidi kuhusu kuzuia kupunguzwa kwa dhamana

Wateja binafsi wanaweza kutofautiana kidogo katika suala la utendaji na kiolesura cha mtumiaji, kwani kila mmoja hutengenezwa na timu tofauti kwa kutumia lugha mbalimbali za programu. Hata hivyo, hakuna hata mmoja wao aliye "bora." Wateja wote wa uzalishaji ni programu bora sana, ambazo zote hufanya kazi sawa za msingi ili kusawazisha na kuingiliana na kiambajengo.

Kwa kuwa wateja wote wa uzalishaji hutoa utendaji sawa wa kimsingi, kwa kweli ni muhimu sana uchague mteja wa wachache, ikimaanisha mteja yeyote ambaye HATUMIWI kwa sasa na wengi wa wathibitishaji kwenye mtandao. Hili linaweza kuonekana kuwa kinyume na matarajio, lakini kuendesha mteja wa walio wengi au walio wengi sana kunakuweka katika hatari kubwa ya kupunguzwa dhamana endapo kutatokea hitilafu katika mteja huyo. Kuendesha mteja wa wachache kunapunguza sana hatari hizi.

Ingawa seva binafsi ya mtandaoni (VPS) inaweza kutumika kama mbadala wa maunzi ya nyumbani, ufikiaji wa kimwili na eneo la mteja wako wa mthibitishaji ni muhimu. Suluhu za wingu zilizowekwa kati kama vile Amazon Web Services au Digital Ocean zinaruhusu urahisi wa kutolazimika kupata na kuendesha maunzi, kwa gharama ya kuweka mtandao katika mfumo mkuu.

Kadiri wateja wengi wa mthibitishaji wanavyoendeshwa kwenye suluhu moja ya hifadhi ya wingu iliyowekwa kati, ndivyo inavyokuwa hatari zaidi kwa watumiaji hawa. Tukio lolote linalowatoa watoa huduma hawa mtandaoni, iwe kwa shambulio, matakwa ya udhibiti, au kukatika tu kwa umeme/intaneti, litasababisha kila mteja wa mthibitishaji anayetegemea seva hii kutoka mtandaoni kwa wakati mmoja.

Adhabu za kutokuwa mtandaoni zinalingana na idadi ya wengine ambao hawako mtandaoni kwa wakati mmoja. Kutumia VPS kunaongeza sana hatari kwamba adhabu za kutokuwa mtandaoni zitakuwa kali zaidi, na kuongeza hatari yako ya uvujaji wa kipeo cha pili au kupunguzwa kwa dhamana endapo kukatika kwa mtandao ni kukubwa vya kutosha. Ili kupunguza hatari yako mwenyewe, na hatari kwa mtandao, watumiaji wanahimizwa sana kupata na kuendesha maunzi yao wenyewe.

Utoaji wa aina yoyote kutoka kwenye Beacon Chain unahitaji vitambulisho vya kutoa fedha kuwekwa.

Waweka dhamana wapya huweka hili wakati wa kuunda funguo na kuweka amana. Waweka dhamana waliopo ambao hawakuweka hili tayari wanaweza kuboresha funguo zao ili kusaidia utendaji huu.

Mara tu vitambulisho vya kutoa fedha vinapowekwa, malipo ya zawadi (ETH iliyokusanywa zaidi ya 32 ya awali) yatasambazwa mara kwa mara kwenye anwani ya kutoa fedha kiotomatiki.

Ili kufungua na kupokea salio lako lote nyuma lazima pia ukamilishe mchakato wa kujiondoa kwa mthibitishaji wako.