Faharasa

Aina ya shambulio ambapo kikundi kinapata udhibiti wa idadi kubwa ya nodi. Hii ingewaruhusu kulaghai mnyororo wa vitalu kwa kutengua miamala na kufanya matumizi mara mbili ya etha na tokeni nyingine.

Katika Uthibitisho wa Dau (PoS) wa Ethereum, hili lingefikiwa kwa kukusanya zaidi ya nusu ya jumla ya etha iliyowekwa dhamana. Hii ingemruhusu mshambuliaji kuamua ni vitalu vipi vipya vitaongezwa kwenye mnyororo wa vitalu. Hata hivyo, ili kutengua mnyororo au kufanya matumizi mara mbili, mshambuliaji angehitaji angalau 66% ya jumla ya etha iliyowekwa dhamana.

Akaunti ya Ethereum ni utambulisho wa kidijitali kwenye mnyororo wa vitalu wa Ethereum, unaowaruhusu watumiaji kutuma, kupokea Etha, na kuingiliana na mikataba mahiri.

Kiufundi:
Ni kipengee kinachojumuisha anwani, salio, nonsi, na hifadhi na msimbo wa hiari. Akaunti inaweza kuwa akaunti ya mkataba au akaunti inayomilikiwa na mtu wa nje (EOA).

Anwani ya Ethereum ni kitambulisho cha kipekee kinachotumika kupokea tokeni, hufanya kazi sawa na nambari ya akaunti ya benki kwa sarafu-fiche. Inatumika kutambua akaunti yako ya Ethereum.

Ni biti 160 za upande wa kulia zaidi za heshi ya Keccak ya ufunguo wa umma wa ECDSA.

Faili la JSON linalofafanua fanksheni na vigezo vilivyojumuishwa katika mkataba mahiri. ABI inaruhusu msimbo wa baiti kuwekwa katika miundo inayosomeka na binadamu.

Ni njia za kuzuia watu kujifanya kuwa watumiaji wengi kwa wakati mmoja kwenye mtandao, kuhakikisha kila mtumiaji ni mtu halisi na anayejitegemea. Hii inasaidia kuweka mwingiliano wa mtandaoni kuwa wa haki na wa kweli.

API (Application Programming Interface) ni seti ya ufafanuzi wa jinsi ya kutumia programu. API hukaa kati ya programu tumizi na seva ya wavuti, na kuwezesha uhamishaji wa data kati yao.

APR, au Kiwango cha Asilimia cha Mwaka, kinaonyesha gharama ya kila mwaka ya ukopaji wa pesa, ikijumuisha riba na ada, kama asilimia.

Saketi unganishi maalum kwa programu tumizi (ASIC). Hii kwa kawaida inarejelea saketi unganishi, iliyojengwa maalum kwa ajili ya uchimbaji wa sarafu-fiche.

Katika Solidity, `assert(false)` inakusanywa kuwa `0xfe`, msimbo wa operesheni batili, ambao unatumia gesi yote iliyosalia na kutengua mabadiliko yote. Wakati taarifa ya `assert()` inashindwa, jambo baya sana na lisilotarajiwa linatokea, na utahitaji kurekebisha msimbo wako. Unapaswa kutumia `assert()` ili kuepuka hali ambazo hazipaswi kutokea kamwe. Zaidi kuhusu usalama wa mkataba mahiri.

Madai yanayotolewa na chombo kwamba jambo fulani ni la kweli. Katika muktadha wa Ethereum, wathibitishaji wa mwafaka lazima watoe madai kuhusu kile wanachoamini kuwa hali ya mnyororo. Katika nyakati zilizopangwa, kila mthibitishaji ana jukumu la kuchapisha uthibitisho tofauti unaotangaza rasmi mtazamo wa mthibitishaji huyu kuhusu mnyororo, ikijumuisha kituo cha ukaguzi cha mwisho kilichokamilishwa na kichwa cha sasa cha mnyororo. Zaidi kuhusu uthibitisho.

Kila kitalu kina bei ya akiba inayojulikana kama 'ada ya msingi'. Ni ada ya chini kabisa ya gesi ambayo mtumiaji lazima alipe ili kujumuisha muamala katika kitalu kinachofuata. Zaidi kuhusu gesi na ada.

Mnyororo wa Beacon ulikuwa mnyororo wa vitalu ulioanzisha Uthibitisho wa Dau (PoS) na wathibitishaji kwenye Ethereum. Uliendeshwa sambamba na Mtandao Mkuu wa Ethereum wa Uthibitisho wa Kazi (PoW) kuanzia Desemba 2020 hadi minyororo hiyo miwili ilipounganishwa mnamo Septemba 2022 ili kuunda Ethereum ya leo. Zaidi kuhusu Mnyororo wa Beacon.

Uwakilishi wa nambari wa kimsimamo ambapo tarakimu muhimu zaidi inakuwa ya kwanza kwenye kumbukumbu. Kinyume cha kianzia-kidogo (little-endian), ambapo tarakimu isiyo muhimu sana inakuwa ya kwanza.

Kitalu ni mahali ambapo miamala au vitendo vya kidijitali huhifadhiwa. Pindi kitalu kinapojaa, huunganishwa na kile kilichotangulia, na kuunda mnyororo wa vitalu. Zaidi kuhusu vitalu.

Kitalu ni kitengo cha taarifa kilichofungashwa ambacho kinajumuisha orodha iliyopangwa ya miamala na taarifa zinazohusiana na mwafaka. Vitalu vinapendekezwa na wathibitishaji wa Uthibitisho wa Dau (PoS), ambapo vinashirikiwa kwenye mtandao mzima wa rika-kwa-rika, ambapo vinaweza kuthibitishwa kwa urahisi na kwa kujitegemea na nodi nyingine zote. Sheria za mwafaka hutawala ni yaliyomo yapi ya kitalu yanachukuliwa kuwa halali, na vitalu vyovyote batili hupuuzwa na mtandao. Upangaji wa vitalu hivi na miamala iliyomo huunda mnyororo thabiti wa matukio huku mwisho ukiwakilisha hali ya sasa ya mtandao.

Kiolesura kinachomruhusu mtumiaji kutafuta taarifa kutoka, na kuhusu, mnyororo wa vitalu. Hii inajumuisha kurejesha miamala binafsi, shughuli zinazohusiana na anwani mahususi na taarifa kuhusu mtandao.

Kichwa cha kizuizi ni mkusanyiko wa data fafanuzi kuhusu kitalu na muhtasari wa miamala iliyojumuishwa katika mzigo wa utekelezaji.

Mchakato wa kusambaza kitalu kilichothibitishwa kwa nodi nyingine zote kwenye mtandao.

Mthibitishaji mahususi aliyechaguliwa kuunda kitalu katika sloti fulani.

Kiasi cha etha kinachotolewa kama tuzo kwa mpendekezaji wa kitalu kipya halali.

Hali ambazo kitalu kinaweza kuwepo. Hali zinazowezekana ni pamoja na:

• kilichopendekezwa: kitalu kilipendekezwa na mthibitishaji
• kilichopangwa: wathibitishaji wanawasilisha data kwa sasa
• kilichokosa/kilichorukwa: mpendekezaji hakupendekeza kitalu ndani ya muda unaostahili
• kilichotengwa: kitalu kiliondolewa kupitia mpangilio upya na algoriti ya kuchagua mchepuko

Muda kati ya vitalu vinavyoongezwa kwenye mnyororo wa vitalu.

Mchakato wa kuangalia kwamba kitalu kipya kina miamala na sahihi halali, kinajengwa kwenye mnyororo mzito zaidi wa kihistoria (ikimaanisha ule ambao umekusanya uthibitisho mwingi zaidi katika historia yake), na kufuata sheria nyingine zote za mwafaka. Vitalu halali huongezwa kwenye kichwa cha mnyororo na kusambazwa kwa wengine kwenye mtandao. Vitalu batili hupuuzwa.

Mnyororo wa vitalu ni hifadhidata ya miamala, iliyonakiliwa na kushirikiwa kwenye kompyuta zote katika mtandao, kuhakikisha data haiwezi kubadilishwa baada ya kuwekwa.

Mlolongo wa vitalu , kila kimoja kikiunganishwa na kitangulizi chake hadi kwenye kitalu cha asili kwa kurejelea heshi ya kitalu kilichotangulia. Uadilifu wa mnyororo wa vitalu unalindwa kiuchumikripto kwa kutumia utaratibu wa makubaliano unaotegemea Uthibitisho wa Dau (PoS). Mnyororo wa vitalu ni nini?

Nodi zinazoweza kutumika kuanzisha mchakato wa ugunduzi wakati wa kuendesha nodi. Nodi za uanzishaji 'hutambulisha' nodi mpya kwa nodi nyingine zilizopo ili ziweze kupata wenza haraka, badala ya kulazimika kutafuta mwenza wa awali. Vituo vya mwisho vya nodi hizi kwa kawaida hutolewa katika msimbo wa chanzo wa mteja wa Ethereum, lakini watumiaji wanaweza kutoa orodha yao wenyewe ya nodi za uanzishaji.

Daraja la mnyororo wa vitalu linatumika kuhamisha rasilimali kutoka mtandao mmoja wa mnyororo wa vitalu hadi mwingine. Kwa mfano unaweza kutumia daraja kuhamisha ETH kutoka kwenye mtandao mkuu wa Ethereum hadi kwenye suluhu za bei nafuu za kuongeza uwezo za tabaka la 2 (l2).

Msimbo ulioonyeshwa katika muundo thabiti wa nambari ili uweze kutekelezwa kwa ufanisi na EVM.

Wa kwanza kati ya michepuo migumu miwili kwa hatua ya maendeleo ya Metropolis. Ulijumuisha Ucheleweshaji wa Bomu la ugumu la Metropolis la EIP-649 na Upunguzaji wa Tuzo ya Bloku, ambapo Ice Age ilicheleweshwa kwa mwaka 1 na tuzo ya bloku ilipunguzwa kutoka etha 5 hadi 3.

Casper FFG ni itifaki ya mwafaka ya Uthibitisho wa Dau (PoS) inayotumika pamoja na algoriti ya kuchagua mchepuko ya LMD-GHOST ili kuruhusu wateja wa mwafaka kukubaliana kuhusu kichwa cha Mnyororo wa Beacon.

Mnyororo wa Beacon una mdundo uliogawanywa katika sloti (sekunde 12) na vipindi (sloti 32). Sloti ya kwanza katika kila kipindi ni kituo cha ukaguzi. Wakati wingi mkuu wa wathibitishaji unathibitisha kiungo kati ya vituo viwili vya ukaguzi, vinaweza kuwa vilivyohalalishwa na kisha wakati kituo kingine cha ukaguzi kinahalalishwa juu yake, vinaweza kuwa vilivyokamilishwa.

Kubadilisha msimbo ulioandikwa katika lugha ya kiwango cha juu ya kupanga programu (k.m., Solidity) kuwa lugha ya kiwango cha chini (k.m., msimbo wa baiti wa EVM).Zaidi kuhusu ukusanyaji wa mikataba mahiri

Kikundi cha angalau wathibitishaji 128 waliokabidhiwa kuthibitisha vitalu katika kila sloti. Mmoja wa wathibitishaji katika kamati ni mkusanyaji, anayehusika na kukusanya sahihi za wathibitishaji wengine wote katika kamati wanaokubaliana kuhusu uthibitisho. Isichanganywe na kamati ya usawazishaji.

Mchakato hauwezekani kiukokotoaji ikiwa itachukua muda mrefu sana usiotekelezeka (k.m., mabilioni ya miaka) kuufanya kwa mtu yeyote ambaye huenda akawa na nia ya kuutekeleza.

Wakati zaidi ya 2/3 ya kompyuta katika mtandao zinakubaliana kwamba zina seti sawa ya rekodi, kuhakikisha kila mtu yuko kwenye ukurasa mmoja. Hii haihusu sheria wanazofuata, bali kuhakikisha wote wana taarifa sawa.

Wateja wa mwafaka (kama vile Prysm, Teku, Nimbus, Lighthouse, Lodestar) huendesha algoriti ya mwafaka ya Uthibitisho wa Dau (PoS) ya Ethereum inayoruhusu mtandao kufikia makubaliano kuhusu kichwa cha Mnyororo wa Beacon. Wateja wa mwafaka hawashiriki katika kuthibitisha/kutangaza miamala au kutekeleza mabadiliko ya hali. Hili hufanywa na viteja vya utekelezaji. Wateja wa mwafaka hawathibitishi, au kupendekeza vitalu vipya. Hili hufanywa na mteja wa mthibitishaji ambaye ni nyongeza ya hiari kwa mteja wa mwafaka.

Tabaka la mwafaka la Ethereum ni mtandao wa wateja wa mwafaka.

Sheria za uthibitishaji wa kitalu ambazo nodi kamili hufuata ili kusalia katika mwafaka na nodi nyingine. Isichanganywe na mwafaka.

Sehemu ya pili ya hatua ya Metropolis, iliyopangwa awali kwa katikati ya 2018. Ilitarajiwa kujumuisha mabadiliko kwenda kwenye algoriti ya mwafaka mseto ya Uthibitisho wa Kazi (PoW)/Uthibitisho wa Dau (PoS), miongoni mwa mabadiliko mengine.

Akaunti iliyo na msimbo unaotekelezwa kila inapopokea muamala kutoka kwa akaunti nyingine (EOA au mkataba).

Muamala maalum unaojumuisha msimbo wa kuanzisha mkataba. Mpokeaji huwekwa kuwa `null` na mkataba husambazwa kwenye anwani inayozalishwa kutoka kwa anwani ya mtumiaji na `nonce`. ambao unatumika kusajili mkataba na kuurekodi kwenye mnyororo wa vitalu wa Ethereum.

Ni mazoezi ya kulinda mawasiliano na data kupitia matumizi ya misimbo, ili wale tu ambao taarifa inakusudiwa kwao waweze kuisoma na kuichakata.
Inahusisha mbinu za usimbaji fiche (kubadilisha taarifa inayosomeka kuwa muundo usiosomeka) na usimbuaji fiche (kuibadilisha tena kuwa muundo unaosomeka), kuhakikisha usiri.

Utafiti wa kanuni za kihisabati na kiuchumi ili kubuni majukwaa ya kidijitali salama na ya kuaminika. Lengo ni kuhakikisha kwamba washiriki wote wanafuata sheria na wanatuzwa kwa kuchangia katika usalama na uendeshaji wa mtandao.

Đ (D yenye mkwaju) inatumika katika Kiingereza cha Kale, Kiingereza cha Kati, Kiisilandi, na Kifaroese kusimama badala ya herufi kubwa “Eth”. Inatumika katika maneno kama ĐEV au Đapp (programu tumizi iliyogatuliwa), ambapo Đ ni herufi ya Kinorsi “eth”. Eth kubwa (Ð) pia inatumika kuashiria sarafu-fiche ya Dogecoin. Hii inaonekana sana katika machapisho ya zamani ya Ethereum lakini inatumika mara chache leo.

DAG inasimama badala ya Directed Acyclic Graph. Ni muundo wa data unaoundwa na nodi na viungo kati yao. Kabla ya Unganisho, Ethereum ilitumia DAG katika algoriti yake ya Uthibitisho wa Kazi (PoW), Ethash, lakini haitumiki tena katika Uthibitisho wa Dau (PoS).

Dapp ni programu tumizi iliyogatuliwa ambayo inaendeshwa kwenye mtandao wa mnyororo wa vitalu, ikitoa huduma bila mamlaka kuu dhibiti. Zaidi kuhusu programu tumizi zilizogatuliwa.
Kwa uchache dapp ina mkataba mahiri uliounganishwa na kiolesura cha wavuti. Kwa kuongezea, dapp nyingi zinajumuisha hifadhi iliyogatuliwa na/au itifaki na jukwaa la ujumbe.

Nodi yoyote inaweza kuthibitisha miamala kwa kujitegemea kwenye mnyororo wa vitalu ili kudumisha uwazi na uaminifu katika mfumo.

Dhana ya kuhamisha udhibiti na utekelezaji wa michakato kutoka kwa chombo kikuu.

DAO ni shirika la kidijitali linaloendeshwa na sheria zilizowekwa kwenye mnyororo wa vitalu, ambapo maamuzi yanafanywa kwa kura za wanachama, sio mamlaka kuu. Zaidi kuhusu mashirika yanayojitegemea yaliyogatuliwa (DAO).
Nguvu ya kupiga kura ya kila mwanachama mara nyingi inahusishwa na idadi ya tokeni anazoshikilia. DAO zinalenga kuweka demokrasia katika ufanyaji maamuzi na shughuli, zikilenga uwazi na utawala wa jamii.

DeSci, au Sayansi Iliyogatuliwa, ni vuguvugu linalotumia teknolojia ya mnyororo wa vitalu katika utafiti wa kisayansi. Inatumia DAO, mikataba mahiri, na motisha za tokeni ili kuunda mifumo ya ufadhili na utafiti iliyo wazi zaidi, huru, na shirikishi.

Aina ya programu tumizi ya Ethereum inayokuruhusu kubadilishana tokeni na wenza kwenye mtandao. DEX haziko chini ya vikwazo vya kijiografia kama masoko makuu ya ubadilishanaji – mtu yeyote anaweza kushiriki.

Njia kuu ya uwekaji dhamana kwenye Ethereum. Mkataba wa amana ni mkataba mahiri kwenye Ethereum unaopokea amana za ETH na kusimamia salio la mthibitishaji. Mthibitishaji hawezi kuanzishwa bila kuweka amana ya ETH kwenye mkataba huu. Mkataba unahitaji ETH na data ya kuingiza. Data hii ya kuingiza inajumuisha ufunguo wa umma wa mthibitishaji na ufunguo wa umma wa utoaji, uliotiwa saini na ufunguo wa siri wa mthibitishaji. Data hii inahitajika ili mthibitishaji atambuliwe na kuidhinishwa na mtandao wa Uthibitisho wa Dau (PoS).

Kategoria pana ya programu tumizi za Ethereum zinazolenga kutoa huduma za kifedha zinazoungwa mkono na mnyororo wa vitalu, bila waamuzi wowote. Zaidi kuhusu fedha zilizogatuliwa (DeFi)

Mpangilio wa mtandao mzima katika mitandao ya Uthibitisho wa Kazi (PoW) unaodhibiti kiasi cha wastani cha ukokotoaji kinachohitajika ili kupata nonsi halali. Ugumu unawakilishwa na idadi ya sufuri za mwanzo zinazohitajika katika heshi ya kitalu inayotokana ili kionekane halali. Dhana hii imeachwa kutumika katika Ethereum tangu mpito kwenda kwenye Uthibitisho wa Dau (PoS).

Ongezeko lililopangwa la kielelezo katika mpangilio wa ugumu wa Uthibitisho wa Kazi (PoW) ambalo lilibuniwa kuhamasisha mpito kwenda kwenye Uthibitisho wa Dau (PoS), na kupunguza uwezekano wa mchepuo. Bomu la ugumu liliachwa kutumika pamoja na Unganisho.

Mfuatano mfupi wa data ambao mtumiaji huzalisha kwa ajili ya hati akitumia ufunguo wa siri ili mtu yeyote aliye na ufunguo wa umma unaolingana, sahihi, na hati aweze kuthibitisha kwamba (1) hati "ilitiwa saini" na mmiliki wa ufunguo huo wa siri, na (2) hati haikubadilishwa baada ya kutiwa saini.

Mchakato ambao nodi ya Ethereum hupata nodi nyingine za kuunganishwa nazo.

Muundo wa data ulio na jozi za `(key, value)` unaotumiwa na nodi za Ethereum kutambua wenza wa kuunganishwa nao na kuamua ni itifaki zipi za kutumia kuwasiliana.

Mchepuo wa makusudi wa mnyororo wa vitalu, ambapo mtumiaji aliye na kiasi kikubwa cha kutosha cha nguvu za uchimbaji/dhamana hutuma muamala unaohamisha baadhi ya sarafu nje ya mnyororo (k.m., kutoka kwenda kwenye pesa za fiat au kufanya ununuzi nje ya mnyororo) kisha kupanga upya mnyororo wa vitalu ili kuondoa muamala huo. Matumizi mara mbili yaliyofanikiwa humwacha mshambuliaji akiwa na rasilimali zake zote za mnyororoni na nje ya mnyororo.

Algoriti ya kriptografia inayotumiwa na Ethereum kuhakikisha kwamba fedha zinaweza kutumiwa tu na wamiliki wake. Ni njia inayopendekezwa ya kuunda funguo za umma na za siri. Inafaa kwa uzalishaji wa anwani ya akaunti na uthibitishaji wa muamala.

Usimbaji fiche ni ubadilishaji wa data ya kielektroniki kuwa katika muundo usioweza kusomeka na mtu yeyote isipokuwa mmiliki wa ufunguo sahihi wa usimbuaji fiche.

Katika muktadha wa kriptografia, ukosefu wa utabiriki au kiwango cha unasibu. Wakati wa kuzalisha taarifa za siri, kama vile funguo za siri, algoriti kwa kawaida hutegemea chanzo cha entropi ya juu ili kuhakikisha matokeo hayawezi kutabirika.

Muda wa sloti 32, kila sloti ikiwa sekunde 12, jumla ya dakika 6.4. Kamati za wathibitishaji huchanganywa kila kipindi kwa sababu za kiusalama. Kila kipindi kina fursa ya mnyororo kukamilishwa. Kila mthibitishaji hupewa majukumu mapya mwanzoni mwa kila kipindi. Zaidi kuhusu Uthibitisho wa Dau (PoS)

Mthibitishaji kutuma jumbe mbili zinazopingana. Mfano mmoja rahisi ni mtumaji wa muamala kutuma miamala miwili yenye nonsi sawa. Mwingine ni mpendekezaji wa bloku kupendekeza vitalu viwili katika kimo kimoja cha kitalu (au kwa sloti sawa).

'Eth1' ni neno lililorejelea Mtandao Mkuu wa Ethereum, mnyororo wa vitalu uliopo wa Uthibitisho wa Kazi (PoW). Neno hili tangu wakati huo limeachwa kutumika na badala yake 'tabaka la utekelezaji' linatumika. Jifunze zaidi kuhusu mabadiliko haya ya jina (opens in a new tab).

'Eth2' ni neno lililorejelea seti ya maboresho ya itifaki ya Ethereum, ikiwa ni pamoja na mpito wa Ethereum kwenda kwenye Uthibitisho wa Dau (PoS). Neno hili tangu wakati huo limeachwa kutumika na badala yake 'tabaka la mwafaka' linatumika. Jifunze zaidi kuhusu mabadiliko haya ya jina (opens in a new tab).

Hati ya muundo inayotoa taarifa kwa jamii ya Ethereum, ikielezea kipengele kipya kilichopendekezwa au michakato au mazingira yake (tazama ERC). Utangulizi wa EIPs

Huduma ya Jina la Ethereum ni kama kitabu cha simu cha intaneti kwa anwani za Ethereum. Badala ya kutumia anwani ndefu za mkoba, ENS inakuruhusu kutumia majina rahisi kama "john.eth" kutuma na kupokea pesa na rasilimali za kidijitali.

Kiufundi:
Sajili ya ENS ni mkataba mmoja mkuu unaotoa ramani kutoka kwa majina ya kikoa hadi kwa wamiliki na wasuluhishi, kama ilivyoelezwa katika EIP-137. Soma zaidi kwenye ens.domains (opens in a new tab).

Viteja vya utekelezaji (vilivyojulikana zamani kama "viteja vya Eth1"), kama vile Besu, Erigon, Go Ethereum (Geth), Nethermind, vina jukumu la kuchakata na kutangaza miamala na kusimamia hali ya Ethereum. Huendesha ukokotoaji kwa kila muamala kwa kutumia Ethereum Virtual Machine (EVM) ili kuhakikisha kwamba sheria za itifaki zinafuatwa.

Tabaka la utekelezaji la Ethereum ni mtandao wa viteja vya utekelezaji.

Akaunti Zinazomilikiwa na Mtu wa Nje (EOAs) ndiyo aina ya kawaida zaidi ya akaunti ya Ethereum. Zinadhibitiwa na mtu kupitia funguo za siri/kirai cha kurejesha. Zaidi kuhusu mikoba ya Ethereum.

ERC (Ombi la Maoni la Ethereum) ni aina ya nyaraka za kiufundi zinazotumiwa katika jamii ya Ethereum kupendekeza viwango vipya vya matumizi kwa mtandao wa Ethereum.

Mapendekezo haya yanaweza kujumuisha mada mbalimbali, ikiwa ni pamoja na viwango vipya vya tokeni (kama ERC-20 inayotumika kwa tokeni na ERC-721 kwa NFTs).

ERC-20 ni kiwango ambacho tokeni nyingi kwenye mtandao wa Ethereum hutumia kwa uundaji wake.
Mifano maarufu ni sarafu thabiti kama DAI na USDC au tokeni za kubadilishana kama UNI kutoka Uniswap. Sawa na aina yoyote ya pesa mbadala tulizonazo katika mifumo ya kitamaduni… k.m., pointi za tuzo, mifumo ya mikopo, au hata hisa, n.k.

NFTs (tokeni zisizobadilishana) huundwa kwa kutumia seti ya kawaida ya sheria inayojulikana kama ERC-721.
Tokeni za NFT zinaweza kuwakilisha umiliki wa kitu chochote cha kipekee, kama sanaa ya kidijitali au vikusanywa, huku kila tokeni ikiwa na sifa na thamani yake maalum. Kila NFT ni ya kipekee na inatofautishwa kwa urahisi na NFT nyingine yoyote.

ERC-1155 ni aina mpya zaidi ya kiwango cha tokeni cha Ethereum sawa na NFT (kama vile vitu vya kipekee vinavyokusanywa) ambacho pia kinaruhusu kuunda vitu vinavyoweza kubadilishana (kama sarafu) ndani ya mkataba mahiri mmoja.
Hii inafanya iwe rahisi na yenye ufanisi zaidi kusimamia aina mbalimbali za rasilimali za kidijitali, hasa kwa programu tumizi kama michezo ya video au mikusanyiko ya kidijitali.

Algoriti ya Uthibitisho wa Kazi (PoW) iliyokuwa inatumika kwenye Ethereum kabla ya mpito kwenda kwenye Uthibitisho wa Dau (PoS). Soma zaidi

Sarafu-fiche asili ya Ethereum, inayojulikana sana kama “ETH”. Inatumika kulipia ada za muamala unapotumia mfumo wa ikolojia na programu tumizi za Ethereum. Zaidi kuhusu etha.

Inaruhusu matumizi ya vifaa vya uwekaji kumbukumbu vya EVM. Programu tumizi zilizogatuliwa (dapps) zinaweza kusikiliza matukio na kuyatumia kuanzisha miito ya JavaScript katika kiolesura cha mtumiaji. Zaidi kuhusu matukio na kumbukumbu

Mashine pepe inayotegemea steki inayotekeleza msimbo wa baiti. Katika Ethereum, muundo wa utekelezaji unabainisha jinsi hali ya mfumo inavyobadilishwa kutokana na mfululizo wa maagizo ya msimbo wa baiti na tapo ndogo ya data ya kimazingira. Hili linabainishwa kupitia muundo rasmi wa mashine pepe ya hali. Zaidi kuhusu Ethereum Virtual Machine.

Muundo unaosomeka na binadamu wa msimbo wa baiti wa EVM.

Fanksheni chaguo-msingi inayoitwa kukiwa hakuna data au jina la fanksheni lililotangazwa.

Huduma inayofanywa kupitia mkataba mahiri ambayo inatoa fedha kwa njia ya etha ya majaribio ya bure inayoweza kutumika kwenye mtandao wa majaribio.

Ukamilifu ni hakikisho kwamba seti ya miamala haiwezi kubadilishwa bila kiasi kikubwa cha ETH kupotea.

Kipimo cha etha. finney 1 = 10¹⁵ wei. 10³ finney = etha 1.

Mabadiliko katika itifaki yanayosababisha kuundwa kwa mnyororo mbadala.

Algoriti inayotumika kutambua kichwa cha mnyororo wa vitalu. Kwenye Ethereum kichwa cha mnyororo kinatambuliwa kama mchepuo wenye 'uzito' mkubwa zaidi wa uthibitisho. Uzito ni zao la idadi ya uthibitisho na salio tendaji la wathibitishaji wanaothibitisha. Hii inamaanisha kichwa halisi cha mnyororo ni kile ambacho etha nyingi iliyowekwa dhamana imekipigia kura. Kwenye tabaka la mwafaka algoriti ya kuchagua mchepuko inaitwa LMD-GHOST.

Muundo wa usalama kwa baadhi ya suluhu za tabaka la 2 (l2) ambapo, ili kuongeza kasi, miamala hukusanywa katika makundi na kuwasilishwa kwenye Ethereum katika muamala mmoja. Washiriki wengine wa mtandao wanaweza kutekeleza tena miamala ili kuangalia kwamba ilitekelezwa kwa uaminifu. Wakigundua tofauti kati ya data iliyochapishwa na toleo lao wenyewe wanaweza kuchapisha uthibitisho wa kriptografia unaoonyesha mahali ambapo udanganyifu fulani ulifanyika. Baadhi ya mikusanyiko hutumia uthibitisho wa uhalali.

Hatua ya awali ya majaribio ya uundaji wa Ethereum, iliyodumu kuanzia Julai 2015 hadi Machi 2016.

Gesi ni ada inayolipwa kwa miamala na mikataba mahiri kwenye mnyororo wa vitalu, kama Ethereum. Zaidi kuhusu gesi na ada.

Kiasi cha juu zaidi cha gesi ambacho muamala au kitalu kinaweza kutumia.

Bei katika etha ya uniti moja ya gesi iliyobainishwa katika muamala.

Kitalu cha kwanza katika mnyororo wa vitalu, kinachotumika kuanzisha mtandao fulani na sarafu-fiche yake.

Go Ethereum. Mojawapo ya utekelezaji maarufu zaidi wa itifaki ya Ethereum, iliyoandikwa kwa Go. Soma zaidi kwenye geth.ethereum.org (opens in a new tab)

Kifupi cha gigawei, kipimo cha etha, kinachotumiwa sana kupanga bei ya gesi. gwei 1 = 10⁹ wei. 10⁹ gwei = etha 1.

Mgawanyiko wa kudumu katika mnyororo wa vitalu; pia inajulikana kama mabadiliko ya mchepuo mgumu. Moja hutokea kwa kawaida wakati nodi ambazo hazijaboreshwa haziwezi kuthibitisha vitalu vilivyoundwa na nodi zilizoboreshwa zinazofuata sheria za mwafaka mpya zaidi. Isichanganywe na mchepuo, mchepuo laini, mchepuo wa programu, au mchepuo wa Git.

Alama ya vidole yenye urefu maalum ya ingizo la ukubwa unaobadilika, inayozalishwa na kazi ya heshi. (Tazama Keccak-256).

Idadi ya hesabu za heshi zinazofanywa kwa sekunde na kompyuta zinazoendesha programu za uchimbaji.

Inarejelea jinsi uamuzi wa kikundi kikubwa unavyofanywa kwa kuruhusu kikundi kidogo cha watu wawakilishi kupiga kura. Kisha kila mtu mwingine anakubali kuendelea nao, mradi tu wanaamini kikundi kidogo kilifanya kazi nzuri.
Inatumika katika baadhi ya jamii za mtandaoni kufanya maamuzi haraka bila kuhitaji kila mtu kupiga kura kwa kila kitu, huku bado ikihakikisha maamuzi ni ya haki na yanawakilisha kile ambacho watu wengi wanataka.

Hatua ya pili ya uundaji wa Ethereum, iliyozinduliwa Machi 2016 katika kitalu 1,150,000.

Muundo wa mtandao unaokusudiwa kuboresha uuliziaji wa taarifa kutoka kote kwenye mnyororo wa vitalu kwa kutoa njia yenye ufanisi kuelekea chanzo chake cha hifadhi.

Kiolesura cha mtumiaji ambacho kwa kawaida hujumuisha kihariri cha msimbo, kikusanyaji, wakati wa utekelezaji, na kitatuzi. Zaidi kuhusu mazingira jumuishi ya uundaji.

Mara tu kodi ya mkataba (au maktaba) inaposambazwa, inakuwa isiyobadilika. Mbinu za kawaida za uundaji wa programu hutegemea uwezo wa kurekebisha hitilafu zinazowezekana na kuongeza vipengele vipya, kwa hivyo hii inawakilisha changamoto kwa uundaji wa mkataba mahiri. Zaidi kuhusu kusambaza mikataba mahiri.

Muamala uliotumwa kutoka kwa akaunti ya mkataba hadi kwa akaunti nyingine ya mkataba au EOA (tazama ujumbe).

Ufuzi wa etha mpya ili kutoa tuzo kwa pendekezo la kitalu, uthibitisho na ufichuaji wa makosa.

Pia inajulikana kama "algoriti ya kunyoosha nenosiri," inatumiwa na fomati za hifadhi ya funguo ili kulinda dhidi ya mashambulizi ya nguvu-kikatili, kamusi, na jedwali la upinde wa mvua kwenye usimbaji fiche wa kirai cha siri, kwa kuheshi kirai cha siri mara kwa mara.

Katika muktadha wa Ethereum, funguo ni misimbo ya kidijitali: ufunguo wa umma kwa ajili ya kupokea miamala na ufunguo wa siri kwa ajili ya kufikia na kutuma fedha.
Funguo za umma: Hizi zinaweza kushirikiwa waziwazi.
Funguo za siri: Hizi huwekwa siri na mmiliki.

Kila jozi ya ufunguo wa siri/anwani ya akaunti ipo kama faili moja la ufunguo katika kiteja cha Ethereum. Haya ni mafaili ya maandishi ya JSON ambayo yana ufunguo wa siri uliosimbwa fiche wa akaunti, ambao unaweza tu kusimbuliwa fiche kwa nenosiri lililowekwa wakati wa kuunda akaunti.

Kazi ya heshi ya kriptografia inayotumika katika Ethereum. Keccak-256 ilisanifiwa kama SHA-3.

tabaka la 1 (l1) inarejelea mnyororo wa vitalu mkuu katika mtandao wa mnyororo wa vitalu wa viwango vingi. Kwa mfano, Ethereum na Bitcoin ni minyororo ya vitalu ya tabaka la kwanza. Minyororo mingi ya vitalu ya tabaka la pili huhamisha miamala inayotumia rasilimali nyingi kwenye mnyororo wao wa vitalu tofauti, huku ikiendelea kutumia mnyororo wa vitalu wa tabaka la kwanza wa Ethereum au Bitcoin kwa madhumuni ya usalama.

tabaka la 2 (l2) ni mitandao mingine iliyojengwa juu ya Mtandao Mkuu wa Ethereum ili kufanya miamala iwe ya haraka na ya bei nafuu. Zaidi kuhusu tabaka la 2 (l2).

Aina maalum ya mkataba ambayo haina fanksheni zinazolipwa, haina fanksheni mbadala, na haina hifadhi ya data. Kwa hivyo, haiwezi kupokea au kushikilia etha, au kuhifadhi data. Maktaba hutumika kama kodi iliyosambazwa hapo awali ambayo mikataba mingine inaweza kuita kwa ajili ya ukokotoaji wa kusoma tu. Zaidi kuhusu maktaba za mkataba mahiri.

Kiteja cha Ethereum ambacho hakihifadhi nakala ya ndani ya mnyororo wa vitalu, au kuthibitisha vitalu na miamala. Inatoa fanksheni za mkoba na inaweza kuunda na kutangaza miamala.

Ukwasi ni jinsi rasilimali inavyoweza kubadilishwa haraka na kwa urahisi kuwa pesa taslimu au rasilimali nyingine. Mabadilishano yaliyogatuliwa kama Uniswap yana mabwawa ya ukwasi mengi ambapo wamiliki wa rasilimali wanaweza kuweka rasilimali zao ambapo wafanyabiashara wanaweza kuzinunua na kuziuza kwa njia iliyogatuliwa badala ya tuzo.

Tokeni za ukwasi (LST) ni tokeni za kidijitali zinazotolewa kwa washiriki wanaoweka rasilimali kwenye bwawa la ukwasi, ambalo ni mkusanyiko wa fedha zilizofungwa katika mkataba mahiri na kutumika kuwezesha biashara kwenye ubadilishanaji uliogatuliwa (DEX).
Tokeni hizi zinawakilisha hisa ya mshiriki katika bwawa na zinaweza kukombolewa baadaye kwa amana ya awali pamoja na sehemu ya ada za biashara zinazozalishwa na shughuli za bwawa. Kimsingi, tokeni za ukwasi hutumika kama uthibitisho wa umiliki au dhamana katika bwawa la ukwasi, kuruhusu wamiliki kupata tuzo huku wakitoa ukwasi unaohitajika kwa wengine kufanya biashara ya jozi tofauti za sarafu-fiche kwa ufanisi.

Algoriti ya kuchagua mchepuko inayotumiwa na wateja wa mwafaka wa Ethereum ili kutambua kichwa cha mnyororo. LMD-GHOST ni kifupi kinachosimama kwa "Latest Message Driven Greediest Heaviest Observed SubTree" ambayo inamaanisha kuwa kichwa cha mnyororo ni kitalu chenye mkusanyiko mkubwa zaidi wa uthibitisho katika historia yake.

Kifupi cha "mtandao mkuu," huu ni mnyororo wa vitalu mkuu wa umma wa Ethereum.

Ada ya juu zaidi ni kiasi cha juu kabisa ambacho mtumiaji yuko tayari kulipa kwa kila kipimo cha gesi (Gwei) ili muamala ujumuishwe kwenye kitalu.

Muundo wa data unaotumika katika Ethereum kuhifadhi jozi za ufunguo-thamani kwa ufanisi.

Mzizi wa Merkle ni heshi moja ya juu ya mti wa Merkle. Inathibitisha miamala yote ndani ya kitalu.

Muamala wa ndani ambao haujawahi kufanyiwa usanjari na hutumwa tu ndani ya EVM.

Kitendo cha kupitisha ujumbe kutoka akaunti moja hadi nyingine. Ikiwa akaunti lengwa inahusishwa na kodi ya EVM, basi VM itaanzishwa na hali ya kipengee hicho na ujumbe kufanyiwa kazi.

Thamani ya juu zaidi inayoweza kutolewa kutoka kwa uzalishaji wa kitalu zaidi ya tuzo ya kitalu ya kawaida na ada za gesi kwa kujumuisha, kutenga, na kubadilisha mpangilio wa miamala katika kitalu. Zaidi kuhusu Thamani ya Juu Inayoweza Kutolewa (MEV).

Mchakato wa kuheshi kichwa cha kizuizi mara kwa mara huku ukiongeza nonsi hadi matokeo yawe na idadi nasibu ya sufuri za mfumo wa jozi zinazoongoza. Huu ni mchakato ambao vitalu vipya huongezwa kwenye mnyororo wa vitalu wa Uthibitisho wa Kazi (PoW). Hivi ndivyo Ethereum ilivyolindwa kabla ya kuhamia kwenye Uthibitisho wa Dau (PoS).

Nodi ya mtandao inayopata Uthibitisho wa Kazi (PoW) halali kwa vitalu vipya, kwa uheshiji wa kupita mara kwa mara (tazama Ethash). Wachimbaji si sehemu tena ya Ethereum - walibadilishwa na wathibitishaji wakati Ethereum ilipohamia kwenye Uthibitisho wa Dau (PoS).

Ufuzi ni mchakato wa kuunda tokeni mpya na kuzileta kwenye mzunguko ili ziweze kutumika. Ni utaratibu uliogatuliwa wa kuunda tokeni mpya bila ushiriki wa mamlaka kuu.

Saini-nyingi (multisig) inarejelea mkoba wa kidijitali au akaunti inayohitaji saini au idhini nyingi ili kutekeleza miamala, na hivyo kuimarisha usalama.
Hii inaongeza usalama wa ziada ikilinganishwa na akaunti za jadi za saini moja ambapo idhini ya mtu mmoja tu inahitajika.

Ikirejelea mtandao wa Ethereum, mtandao wa rika-kwa-rika unaosambaza miamala na vitalu kwa kila nodi ya Ethereum (mshiriki wa mtandao). Zaidi kuhusu mitandao.

Kiwango cha heshi cha pamoja kinachozalishwa na mtandao mzima wa uchimbaji. Uchimbaji kwenye Ethereum ulizimwa wakati Ethereum ilipohamia kwenye Uthibitisho wa Dau (PoS).

Kipengee cha kipekee cha kidijitali unachoweza kumiliki, kama vile sanaa au vikusanywa, kilichothibitishwa na teknolojia ya mnyororo wa vitalu. Zaidi kuhusu tokeni zisizobadilika (NFTs).

Kiteja cha programu kinachoshiriki katika mtandao. Zaidi kuhusu nodi na wateja.

Katika kriptografia, thamani inayoweza kutumika mara moja tu. Nonsi ya akaunti ni kihesabu cha muamala katika kila akaunti, ambacho hutumika kuzuia mashambulizi ya kurudia.

Nje ya mnyororo inamaanisha muamala au data yoyote iliyopo nje ya mnyororo wa vitalu. Kwa sababu kufanya kila muamala mnyororoni kunaweza kuwa ghali na kutokuwa na ufanisi, zana za wahusika wengine kama orakeli zinazoshughulikia data ya bei, au suluhu za tabaka la 2 (l2) zinazotekeleza uwezo wa upitishaji wa juu zaidi wa miamala, hushughulikia sehemu kubwa ya kazi ya uchakataji nje ya mnyororo, na zitawasilisha taarifa mnyororoni kwa vipindi visivyo vya mara kwa mara.

Wakati mchimbaji wa Uthibitisho wa Kazi (PoW) anapata kitalu halali, mchimbaji mwingine anaweza kuwa amechapisha kitalu shindani ambacho kinaongezwa kwenye ncha ya mnyororo wa vitalu kwanza. Kitalu hiki halali, lakini kilichopitwa na wakati, kinaweza kujumuishwa na vitalu vipya zaidi kama ommers na kupokea tuzo ya kitalu kwa kiasi. Neno "ommer" ni neno linalopendelewa lisiloegemea jinsia kwa ndugu wa kitalu cha mzazi, lakini hii pia wakati mwingine inajulikana kama "mjomba". Hili lilikuwa jambo la kawaida kwa Ethereum ilipokuwa mtandao wa Uthibitisho wa Kazi (PoW). Kwa kuwa sasa Ethereum inatumia Uthibitisho wa Dau (PoS), mpendekezaji wa bloku mmoja tu ndiye anayechaguliwa kwa kila sloti.

Inarejelea vitendo au miamala inayofanyika kwenye mnyororo wa vitalu na inapatikana kwa umma.

Ifikirie kama kuandika kitu katika daftari kubwa, la pamoja ambalo kila mtu anaweza kuona na kuangalia, kuhakikisha kwamba chochote kilichoandikwa (kama vile kutuma pesa za kidijitali au kufanya mkataba) ni cha kudumu na hakiwezi kubadilishwa au kufutwa.

Rollup ya optimistic ni suluhisho la tabaka la 2 (l2) ambalo huharakisha miamala kwenye Ethereum, ikichukulia kuwa ni halali kwa chaguo-msingi isipokuwa kama itapingwa. Zaidi kuhusu rollup za optimistic.

Orakeli ni daraja kati ya mnyororo wa vitalu na ulimwengu wa kweli. Zinafanya kazi kama API za mnyororoni ambazo zinaweza kuulizwa taarifa na kutumika katika mikataba mahiri. Zaidi kuhusu orakeli.

Kompyuta zilizounganishwa zinazoendesha programu ya kiteja cha Ethereum ambazo zina nakala zinazofanana za mnyororo wa vitalu.

Mtandao wa kompyuta (wenza) ambazo kwa pamoja zina uwezo wa kutekeleza utendaji bila hitaji la huduma kuu, zinazotegemea seva.
Usanidi huu mara nyingi hutumika kwa kushiriki faili (k.m., Bit torrent), taarifa, au sarafu za kidijitali, kuruhusu mabadilishano ya moja kwa moja na yanayoweza kuwa na ufanisi zaidi kati ya watumiaji.

Bila ruhusa inamaanisha mtu yeyote anaweza kujiunga na kutumia mfumo kama Ethereum. Iko wazi kwa kila mtu kushiriki na haihitaji idhini yoyote.

Suluhisho la kuongeza ukubwa nje ya mnyororo ambalo linatumia ushahidi wa udanganyifu, kama rollup za optimistic. Plasma ina mipaka kwa miamala rahisi kama uhamisho wa msingi wa tokeni na mabadilishano. Zaidi kuhusu Plasma.

Ufunguo wa siri ni msimbo wa siri unaothibitisha kuwa unamiliki pesa zako za kidijitali na kukuruhusu kuzitumia, kama PIN ya akaunti yako. USIUSHIRIKI.

Mnyororo wa vitalu wa kibinafsi kikamilifu ni ule wenye ufikiaji wenye ruhusa, haupatikani kwa umma kwa matumizi.

Itifaki ya Uthibitisho wa Mahudhurio (POAP) inatumika kuunda kikusanywa cha kidijitali (NFT) kinachothibitisha ulihudhuria tukio au shughuli maalum.

Mbinu ambayo itifaki ya mnyororo wa vitalu wa sarafu-fiche inalenga kufikia mwafaka uliosambazwa. PoS inawauliza watumiaji kuthibitisha umiliki wa kiasi fulani cha sarafu-fiche ("dhamana" yao katika mtandao) ili kuweza kushiriki katika uthibitishaji wa miamala. Zaidi kuhusu Uthibitisho wa Dau (PoS).

Utaratibu wa usalama wa minyororo ya vitalu unaohitaji nodi kutumia nishati katika mfumo wa ukokotoaji ili kupata thamani fulani.

Aina mpya ya muamala inayokubali "mablobu" ya data kwa Ethereum. Data hii ya "blobu" inahifadhiwa kwa muda kwenye Mnyororo wa Beacon kwa vipindi 4096 (~siku 18.2), na inaweza kupunguzwa kwa hiari baada ya hapo ili kusaidia kupunguza mahitaji ya maunzi kwa waendeshaji wa nodi.

Bidhaa za umma ni vitu ambavyo kila mtu anaweza kutumia bila malipo, kama vile mbuga au hewa safi, na kuvitumia hakuzuii wengine kuvitumia pia. Serikali mara nyingi hutoa hizi kwa sababu biashara kwa kawaida hazitafanya hivyo, kwa kuwa haziwezi kuwatoza watu kwa urahisi kwa kuzitumia.

Ufunguo wa umma ni seti ya herufi inayoruhusu wengine kukutumia sarafu ya kidijitali kwa usalama, kama anwani ya barua pepe kwa ajili ya pesa.

Data inayorejeshwa na kiteja cha Ethereum ili kuwakilisha matokeo ya muamala fulani, ikijumuisha heshi ya muamala, nambari yake ya kitalu, kiasi cha gesi kilichotumika, na, katika kesi ya usambazaji wa mkataba mahiri, anwani ya mkataba.

Shambulio linalohusisha mkataba wa mshambuliaji kuita fanksheni ya mkataba wa mwathiriwa kwa namna ambayo wakati wa utekelezaji mwathiriwa huita mkataba wa mshambuliaji tena, kwa kujirudia. Hii inaweza kusababisha, kwa mfano, wizi wa fedha kwa kuruka sehemu za mkataba wa mwathiriwa zinazosasisha masalio au kuhesabu kiasi cha utoaji. Zaidi kuhusu kuingia tena.

Kiasi cha etha kinachotolewa kama tuzo kwa wathibitishaji wanaofanya kazi fulani, ikiwa ni pamoja na kupendekeza kitalu au kushiriki katika kamati ya usawazishaji, katika kila sloti.

Kiwango cha usimbaji kilichoundwa na wasanidi wa Ethereum ili kusimba na kufanya usanjari wa vitu (miundo ya data) vya utata na urefu wowote.

Aina ya suluhisho la kuongeza uwezo la tabaka la 2 ambalo hukusanya miamala mingi na kuiwasilisha kwenye mnyororo mkuu wa Ethereum katika muamala mmoja. Hii inaruhusu kupunguza gharama za gesi na kuongeza uwezo wa upitishaji wa muamala. Kuna mikusanyiko ya Optimistic na mikusanyiko ya maarifa sifuri ambayo hutumia mbinu tofauti za usalama kutoa manufaa haya ya kuongeza uwezo. Zaidi kuhusu mikusanyiko.

RPC inaruhusu kompyuta moja kuomba data au kitendo kutoka kwa nyingine kupitia mtandao, kama vile kuomba maelezo kwa kutumia rimoti.

Kundi la kazi za heshi za kriptografia zilizochapishwa na Taasisi ya Kitaifa ya Viwango na Teknolojia (NIST).

Orodha ya maneno unayopewa unapounda mkoba wa kidijitali. Hufanya kazi kama nenosiri linaloweza kukusaidia kurudi kwenye mkoba wako ikiwa utapoteza ufikiaji, na kuhakikisha hupotezi pesa au tokeni zako za kidijitali.

Mpangaji ni programu inayohusika na kupanga miamala katika mtandao wa mnyororo wa vitalu, hasa ndani ya suluhu za kuongeza uwezo za Tabaka la 2.

Mchakato wa kubadilisha muundo wa data kuwa mfuatano wa baiti.

Minyororo ya shadi ni sehemu tofauti za mnyororo wa vitalu mzima ambazo vikundi vidogo vya wathibitishaji vinaweza kuwajibika nazo. Hii awali ilikusudiwa kuwa njia ambayo Ethereum ingeongeza uwezo hadi mamilioni ya miamala kwa sekunde, lakini sasa imepitwa na wakati kutokana na maendeleo ya haraka ya kuongeza uwezo kwa kutumia mikusanyiko.

Suluhisho la kuongeza uwezo linalotumia mnyororo tofauti wenye sheria za mwafaka tofauti, na mara nyingi zenye kasi zaidi. Daraja linahitajika ili kuunganisha minyororo hii ya kando na Mtandao Mkuu. Mikusanyiko pia hutumia minyororo ya kando, lakini hufanya kazi kwa ushirikiano na Mtandao Mkuu badala yake. Zaidi kuhusu minyororo ya kando.

Kuonyesha kikriptografia kwamba muamala uliidhinishwa na mmiliki wa ufunguo wa siri mahususi.

Neno la upangaji programu za kompyuta linaloelezea kitu ambacho kinaweza kuwepo mara moja tu.

Mkataji ni chombo kinachochanganua uthibitisho kikitafuta makosa yanayoweza kukatwa. Ukataji hutangazwa kwenye mtandao, na mpendekezaji wa bloku anayefuata huongeza uthibitisho kwenye kitalu. Mpendekezaji wa bloku kisha hupokea tuzo kwa kumkata mthibitishaji mwenye nia mbaya.

Kipindi cha muda (sekunde 12) ambacho vitalu vipya vinaweza kupendekezwa na mthibitishaji katika mfumo wa Uthibitisho wa Dau (PoS). Sloti inaweza kuwa tupu. Sloti 32 huunda kipindi. Zaidi kuhusu Uthibitisho wa Dau.

Mkataba mahiri ni programu inayotekeleza makubaliano kiotomatiki kwenye mnyororo wa vitalu, kama mkataba wa kidijitali unaojitekeleza wenyewe. Utangulizi wa mikataba mahiri.

Kifupi cha "succinct non-interactive argument of knowledge", SNARK ni aina ya uthibitisho wa maarifa-sifuri. Zaidi kuhusu mikusanyiko ya maarifa sifuri.

Mtawanyiko katika mnyororo wa vitalu unaotokea wakati sheria za mwafaka zinapobadilika. Kinyume na mchepuo mgumu, mchepuo laini unaendana na matoleo ya nyuma; nodi zilizoboreshwa zinaweza kuthibitisha vitalu vilivyoundwa na nodi zisizoboreshwa mradi tu zinafuata sheria mpya za mwafaka.

Lugha ya upangaji programu ya kiutaratibu (ya lazima) yenye sintaksia inayofanana na JavaScript, C++, au Java. Lugha maarufu na inayotumiwa mara nyingi zaidi kwa mikataba mahiri ya Ethereum. Iliundwa na Dkt. Gavin Wood. Zaidi kuhusu Solidity.

Lugha ya asembli ya EVM katika programu ya Solidity. Usaidizi wa Solidity kwa assembly ya ndani hurahisisha kuandika operesheni fulani.

Sarafu thabiti ni aina ya sarafu-fiche iliyoundwa kuwa na thamani thabiti, mara nyingi ikifunganishwa na sarafu au bidhaa (kama dola ya Marekani), ili kupunguza kubadilikabadilika kwa bei. Zaidi kuhusu sarafu thabiti.

Kuweka kiasi cha etha (dhamana yako) ili kuwa mthibitishaji na kulinda mtandao. Mthibitishaji hukagua miamala na kupendekeza vitalu chini ya muundo wa mwafaka wa Uthibitisho wa Dau (PoS). Uwekaji dhamana hukupa motisha ya kiuchumi kutenda kwa manufaa ya mtandao. Utapata tuzo kwa kutekeleza majukumu yako ya mthibitishaji, lakini utapoteza viwango tofauti vya ETH usipofanya hivyo. Zaidi kuhusu uwekaji dhamana wa Ethereum.

ETH iliyounganishwa ya zaidi ya mweka dhamana mmoja wa Ethereum, inayotumika kufikia ETH 32 zinazohitajika ili kuwezesha seti ya funguo za mthibitishaji. Mwendeshaji wa nodi hutumia funguo hizi kushiriki katika mwafaka na tuzo za bloku hugawanywa kati ya waweka dhamana wanaochangia. Mabwawa ya uwekaji dhamana au kukasimu uwekaji dhamana si asili ya itifaki ya Ethereum, lakini suluhu nyingi zimejengwa na jamii. Zaidi kuhusu uwekaji dhamana wa pamoja.

Kifupi cha "scalable transparent argument of knowledge", STARK ni aina ya uthibitisho wa maarifa-sifuri. Zaidi kuhusu mikusanyiko ya maarifa sifuri.

Picha ya masalio na data zote katika wakati fulani kwenye mnyororo wa vitalu, kwa kawaida ikirejelea hali katika kitalu fulani.

Suluhisho la tabaka la 2 ambapo chaneli huanzishwa kati ya washiriki, ambapo wanaweza kufanya miamala kwa uhuru na kwa bei nafuu. Ni muamala wa kuanzisha chaneli na kufunga chaneli pekee ndio unaotumwa kwenye Mtandao Mkuu. Hii inaruhusu uwezo wa juu sana wa upitishaji wa muamala, lakini inategemea kujua idadi ya washiriki mapema na kufungia fedha. Zaidi kuhusu chaneli za hali.

Wingi mkuu ni neno linalopewa kiasi kinachozidi 2/3 (66%) ya jumla ya etha iliyowekwa dhamana inayolinda Ethereum. Kura ya wingi mkuu inahitajika ili vitalu vikamilishwe kwenye Mnyororo wa Beacon.

Mashambulio ya Sybil hurejelea watu binafsi wanaohadaa mfumo kufikiri wao ni watu wengi ili kuongeza ushawishi wao.

Mchakato wa kupakua toleo zima la hivi punde la mnyororo wa vitalu kwenye nodi.

Kamati ya usawazishaji ni kikundi kilichochaguliwa kwa nasibu cha wathibitishaji ambacho husasishwa kila baada ya saa ~27. Kusudi lao ni kuongeza saini zao kwenye vichwa halali vya kizuizi. Kamati za usawazishaji huruhusu viteja vepesi kufuatilia kichwa cha mnyororo wa vitalu bila kuhitaji kufikia seti nzima ya wathibitishaji.

Kiwango cha etha. szabo 1 = 10¹² wei. 10⁶ szabo = etha 1.

Jumla ya ugumu ni jumla ya ugumu wa uchimbaji wa Ethash kwa vitalu vyote hadi hatua fulani mahususi katika mnyororo wa vitalu. Jumla ya ugumu wa mwisho ni thamani mahususi kwa jumla ya ugumu iliyotumika kama kichochezi kwa viteja vya utekelezaji kuzima kazi zao za uchimbaji na usambazaji wa kitalu kuwezesha mtandao kuhamia kwenye uthibitisho wa dau. Haifai tena kwa sababu Ethereum ilihamia kwenye Uthibitisho wa Dau (PoS).

Kifupi cha "mtandao wa majaribio," mtandao unaotumika kuiga tabia ya mtandao mkuu wa Ethereum.

Bidhaa pepe inayoweza kuuzwa iliyofafanuliwa katika mikataba mahiri kwenye mnyororo wa vitalu wa Ethereum.

Kiwanda cha tokeni ni mkataba mahiri unaowezesha uundaji wa tokeni ndani ya kiwango mahususi, kama vile ERC-20, ERC-721, au ERC-1155. Mkataba mahiri hufanya kazi kama kiolezo, kuruhusu watumiaji kusambaza tokeni mpya zenye vigezo maalum kama vile jina, alama, usambazaji, na utendaji wa ziada bila kuunda mkataba mahiri mpya kuanzia mwanzo.

Data iliyowekwa kwenye Mnyororo wa Vitalu wa Ethereum iliyosainiwa na akaunti asili, ikilenga anwani mahususi. Muamala una data fafanuzi kama vile kikomo cha gesi kwa muamala huo. Zaidi kuhusu miamala.

Ada unayohitaji kulipa kila unapotumia mtandao wa Ethereum. Mifano ni pamoja na kutuma fedha kutoka kwenye mkoba wako au mwingiliano wa programu tumizi iliyogatuliwa (dapp), kama vile kubadilishana tokeni au kununua kikusanywa. Unaweza kufikiria hii kama malipo ya huduma. Ada hii itabadilika kulingana na jinsi mtandao ulivyo na shughuli nyingi. Hii ni kwa sababu wathibitishaji, watu wanaohusika na kuchakata muamala wako, wana uwezekano wa kupa kipaumbele miamala yenye ada kubwa zaidi – hivyo msongamano hupandisha bei juu.

Katika kiwango cha kiufundi, ada yako ya muamala inahusiana na kiasi gani cha gesi muamala wako unahitaji.

Kupunguza ada za muamala ni mada yenye maslahi makubwa sasa hivi. Tazama Tabaka la 2.

Dhana za uaminifu ni imani za msingi kuhusu usalama na kutegemewa kwa mfumo, zinazoongoza kile tunachokiamini ili mfumo ufanye kazi.

Uwezo wa mtandao kusimamia miamala bila wahusika wowote kuhitaji kuamini mtu wa tatu.

Dhana iliyopewa jina la mwanahisabati na mwanasayansi wa kompyuta wa Kiingereza Alan Turing - mfumo wa sheria za kudhibiti data (kama vile seti ya maagizo ya kompyuta, lugha ya upangaji programu, au cellular automaton) inasemekana kuwa "kamilifu ki-Turing" au "ya kiulimwengu kiukokotoaji" ikiwa inaweza kutumika kuiga mashine yoyote ya Turing.

Nodi katika mfumo wa Uthibitisho wa Dau (PoS) inayohusika na kuhifadhi data, kuchakata miamala, na kuongeza vitalu vipya kwenye mnyororo wa vitalu. Ili kuwezesha programu ya mthibitishaji, unahitaji kuweza kuweka dhamana ya ETH 32. Zaidi kuhusu uwekaji dhamana katika Ethereum.

Mfuatano wa hali ambazo mthibitishaji anaweza kuwepo. Hizi ni pamoja na:

• imewekwa: Angalau ETH 32 zimewekwa kwenye mkataba wa amana na mthibitishaji
• inasubiri: mthibitishaji yuko kwenye foleni ya uanzishaji akisubiri kupigiwa kura kuingia kwenye mtandao na wathibitishaji waliopo
• inafanya kazi: kwa sasa inathibitisha na kupendekeza vitalu
• inakatwa: mthibitishaji amefanya vibaya na anafanyiwa ukataji
• inatoka: mthibitishaji ametiwa alama ya kutoka kwenye mtandao, iwe kwa hiari au kwa sababu wameondolewa.

Muundo wa usalama kwa baadhi ya suluhu za tabaka la 2 ambapo, ili kuongeza kasi, miamala hukusanywa katika makundi na kuwasilishwa kwa Ethereum katika muamala mmoja. Ukokotoaji wa muamala hufanywa nje ya mnyororo na kisha kutolewa kwa mnyororo mkuu na uthibitisho wa uhalali wao. Mbinu hii huongeza kiasi cha miamala inayowezekana huku ikidumisha usalama. Baadhi ya mikusanyiko hutumia ushahidi wa udanganyifu. Zaidi kuhusu mikusanyiko ya maarifa sifuri.

Suluhisho la nje ya mnyororo linalotumia uthibitisho wa uhalali ili kuboresha uwezo wa upitishaji wa muamala. Tofauti na mikusanyiko ya maarifa sifuri, data ya Validium haihifadhiwi kwenye Mtandao Mkuu wa tabaka la 1. Zaidi kuhusu Validium.

Lugha ya upangaji programu ya kiwango cha juu yenye sintaksia inayofanana na Python. Inakusudiwa kukaribia lugha safi ya kiutendaji. Iliundwa na Vitalik Buterin. Zaidi kuhusu Vyper.

Mkoba ni zana ya kidijitali ya kuhifadhi, kutuma, na kupokea sarafu ya kidijitali, kama pochi pepe kwa pesa zako za mtandaoni. Zaidi kuhusu mikoba ya Ethereum.

Web3 ni intaneti mpya yenye mnyororo wa vitalu, ambapo watumiaji hudhibiti data na miamala yao, sio makampuni. Hakuna haja ya kushiriki taarifa zozote za kibinafsi. Zaidi kuhusu Web3.

Kiwango kidogo zaidi cha etha. 10¹⁸ wei = etha 1.

Tokeni inayotegemea mnyororo wa vitalu inayowakilisha sarafu-fiche au rasilimali nyingine kwenye mtandao tofauti. Kwa mfano, ether iliyofungwa (weth) inawakilisha Etha (ETH) katika muundo unaotii kiwango cha tokeni cha ERC-20 cha Ethereum. Rasilimali asili hufungwa kwa usalama na mkataba mahiri, na tokeni iliyofungashwa sawa inafuliwa. Utaratibu huu huwezesha mwingiliano ndani na kati ya minyororo ya vitalu, kuruhusu rasilimali kama ETH kutumika bila mshono katika programu tumizi zilizogatuliwa huku zikihifadhi thamani yake.

Anwani ya Ethereum, inayoundwa na sifuri pekee, ambayo mara nyingi hutumika kama anwani ya kuondoa tokeni kutoka kwenye mzunguko unaomilikiwa. Tofauti inatolewa kati ya tokeni zilizoondolewa rasmi kutoka kwenye faharisi ya mkataba mahiri kupitia mbinu ya burn() na zile zinazotumwa kwenye anwani hii.

Uthibitisho wa maarifa-sifuri ni mbinu ya kriptografia inayoruhusu mtu kuthibitisha kwamba taarifa ni ya kweli bila kuwasilisha maelezo yoyote ya ziada. Zaidi kuhusu mikusanyiko ya maarifa sifuri.

Mkusanyiko wa miamala unaotumia uthibitisho wa uhalali ili kutoa uwezo ulioongezeka wa upitishaji wa muamala wa tabaka la 2 huku ukitumia usalama unaotolewa na Mtandao Mkuu (tabaka la 1). Ingawa haziwezi kushughulikia aina changamano za miamala, kama vile rollup za optimistic, hazina matatizo ya ucheleweshaji kwa sababu miamala inathibitishwa kuwa halali inapowasilishwa. Zaidi kuhusu mikusanyiko ya maarifa sifuri.