Ethereum ni nini?
Msingi wa mustakabali wetu wa kidijitali
Muongozo kamili wa jinsi Ethereum inavofanya kazi kwa wanaoanza, faida inayoleta na jinsi inavotumika na mamilioni ya watu ulimwenguni kote.
Muhtasari
Ethereum ni jukwaa kuu la maelfu ya programu na mnyororo wa bloku, yote ikifanya kazi kwa itifaki ya Ethereum.
Mfumo wa ikolojia hii inachochea uvumbuzi na aina mbalimbali za programu na huduma zisizo za utegemezi.
- Ya bure na ya ulimwenguEthereum Akaunti
- Fasili binafsi, Haitajiwi taarifa binafsi
- Bila vikwazo mtu yeyote anaweza kushiriki
- hakuna kampuni inayomiliki ethereum au kuamua mustakabali wake
What can Ethereum do?
Benki ya kila mmoja
Sio kila mtu anayeweza kupata huduma za kifedha. Lakini unachohitaji ili kufikia Ethereum na bidhaa zake za kukopesha, kukopa na kuweka akiba ni muunganisho wa intaneti.
Mtandao ulio wazi
Mtu yeyote anaweza kutumia mtandao wa Ethereum ama kuunda programu juu yake. Hii inakuruhusu kuthibiti mali na utambulisho wako badala ya kuthibitiwa na mashirika machache.
Mtandao wa rika-kwa-rika
Ethereum inakuruhusu kuratibu, kufanya makubaliano ama kuhamisha mali ya kidijitali moja kwa moja na watu wengine. Huhitaji kutegemea waamuzi.
Kuhimili udhibiti
Hamna serikali wala kampuni iliyo na udhiti juu ya Ethereum. Ugatuzi huu unapunguza uwezekano wowote wa mtu yeyote kukuzuia kupokea malipo au kutumia huduma kwenye Ethereum.
Dhamana za biashara
Wateja wanadhamana iliojengwa ndani ya ethereum ilio salama na itakayopeana mikono pale tu utakapotoa ulichoahidi. Vile vile wasanidi programu watakua na uhakika kua sheria hazitawabadilikia.
Bidhaa zinazoweza kutungwa
Programu zote zimeundwa kwenye mnyororo wa bloku kwa hali ya kimataifa inayoshirikiwa, kumaanisha zinaweza kuundwa kwa kutegemeana (kama vile matofali ya Lego). Hiii inaruhusu bidhaa na hali bora ya utumiaji na uhakikisho kuwa hakuna yeyote anayeweza kuondoa zana yoyote ambayo programu zinategemea.
Mnyororo wa bloku ni hifadhidata ya miamala inayosasishwa na inayoshirkishwa miongoni kompyuta nyingi kwenye mtandao. Kila wakati seti mpya ya miamala inaongezwa, huitwa "bloku"- ndipo tunapopata jina mnyororo wa bloku. Minyororo ya bloku ya umma kama Ethereum, inaruhusu yeyote yule kuongeza, ila sio kuondoa data. Ikiwa mtu anataka kubadili taarifa yoyote ama kufanya udanganyifu mtandaoni, atahitaji kufanya hivyo kwenye kompyuta nyingi zilizo mtandaoni. Na hizo ni nyingi sana! Hii inafanya minyororo ya bloku iliyogatuliwa kama Ethereum kuwa salama zaidi.
Kwanini nitumie Ethereum?
Kama una hamu ya kuunda thamani imara, iliyo wazi na inayoaminika kuratibiwa ulimwenguni, kuunda mashirika, kujenga programu na kushiriki thamani, Ethereum inakufaa. Ethereum ni hadithi ambayo sote tunaandika, njoo na ugundue ulimwengu bora tunaoweza kujenga pamoja.
Ethereum imekua ya thamani sana kwa watu ambao wamewahi kupitia hali ya kukosa hakikisho kuhusu usalama ama uzima ama uhamaji wa mali yao kwa sababu ya nguvu za nje wasizoweza kudhibiti.
Ethereum katika nambari
Nani anaendesha Ethereum?
Ethereum haidhibitiwi na chombo chochote. Inakuwepo panapokuwa na kompyuta zinazoungana ambazo zinaendesha programu kupitia itifaki ya Ethereum na kuongezea kwenye mnyororo wa bloku ya Ethereum. Kila moja ya komyuta hizi hujulikana kama nodi. Nodi hizi zinaweza kuendeshwa na mtu yeyote, ingawa ili kushiriki kuimarisha mtandao huu lazima uwekeze ETH (tokeni asili ya Ethereum). Yeyote aliye na 32 ETH anaweza kushiriki pasipo na ruhusa.
Hata kanuni ya chanzo cha Ethereum haizalishwi na chombo kimoja. Yeyote anaweza kupendekeza mabadiliko kwenye itifaki na kujadili uboreshaji. Kuna baadhi ya utekelezaji wa itifaki ya Ethereum ambao unazalishwa na mashirika huru katika lugha kadhaa za programu, vilevile huundwa kwa uwazi na kuhimiza jamii kuchangia.
Mikataba erevu ni nini?
Mikataba erevu ni programu za kompyuta zinazoishi juu ya mnyororo wa bloku wa Ethereum. Hutekeleza wakati inachochewa na muamala kutoka kwa mtumiaji. Hufanya Ethereum kunyumbulika kwa urahisi kwa mambo inayoweza kufanya. Programu hizi hutekeleza bloku za kuunda programu na mashirika yaliyogatuliwa.
Ulishawahi kutumia huduma inayobadili masharti kwa watumiaji? Ama kutoia kipengele ulichokua unaona kinamanufaa kwako? Pale mkataba erevu unapochapishwa kwenye Ethereum, utakua mtandaoni na utafanya kazi mpaka ukomo wa uwepo wa Ethereum. Hata mwandishi mwenyewe hawezi kuuondoa. Na kwakua mikataba erevu ni ya automatiki, haibagui watumiaji na iko tayari kutumika mda wowote.
Mifano maarufu ya mikataba erevu ni programu za mikopo, mashirika yaliogatuliwa ya kubadilishana sarafu za kidijitali, bima, mchango wa watu wengi, mitandao ya kijamii, tokeni za kidijitali, NFTS - kimsingi kitu chochote unachoweza kufikiria.
Kutana na Ether, sarafu ya kripto ya Ethereum
Vitendo vingi kwenye mtandao wa Ethereum vinahitaji kazi ifanywe kwenye kompyuta inayopachikwa ya Ethereum (inayojulikana kama Mashine ya Mtandaoni ya Ethereum). Hesabu hizi si za bila malipo; hulipiwa kwa kutumia sarafu ya kidigitali ya asili ya Ethereum inayoitwa ether (ETH). Hii ina maana kuwa unahitaji kiwango kidogo cha ether kutumia mtandao huu.
Ether ni huduma ya mtandaoni kabisa na unaweza kuituma kwenda kwa mtu yeyote popote ulimwenguni papo hapo. Usambazwaji wa ether haudhibitiwi na serikali ama kampuni yoyote - imegatuliwa na iko wazi kabisa. Ether inatolewa kwa namna sahihi kulingana na itifaki, kwa ajili ya wanahisa wanaolinda mtandao.
Matumiz ya nishati ya mwaka kwa lisaa la Terawati/mwaka
Inakuaje juu ya swala la matumizi ya umeme wa Ethereum?
Mnamo Septemba 15, 2022, Ethereum ilipitia toleo jipya la The Merge ambalo lilibadilisha Ethereum kutoka uthibitisho wa kazi hadi uthibitisho wa hisa.
Muungno huu ulikua tukio kubwa kwenye maboresho ya Ethereum na ilipinguza matumizi ya nishati kwa asilimia 99.95, na kufanya mtandao wa Ethereum kua salama zaidi kwa gharama ndogo, na uzalishaji wa hewa chafu wa kiwango cha chini, huku ikiwezesha ukuaji wake.
Nilisikia kripto inatumika kama chombo cha uhalifu. Hii habari ni ya kweli?
Kama teknolojia yoyote, wakati mwingine itatumika visivyo. Hata hivyo, kwa kuwa miamala yote ya Ethereum inatokea kwenye mnyororo wa bloku iliyo wazi, ni rahisi kwa mamlaka ya ulinzi kufuatilia shughuli haramu ukilinganisha na mifumo ya jadi ya fedha, na kufanya Ethereum chaguo la mwisho kwa mtu atakayetaka kutoonekana.
Europol imetoa repoti kua kripto haitumiki sana kama sarafu/fedha za fiat kwenye shuguli za kihalifu, hii ni Shirika la Umoja wa Ulaya la utekelezaji wa sheria:
"Matumizi ya sarafu za kripto kwenye shughuli haramu inaonekana kua ndogo kwenye uchumi wa jumla wa kripto, na pia unautofauti mkubwa sana kwa kua ni asilimia ndogo ukilinganisha na mifumo ya uchumi wa fedha za jadi."
Kuna tofauti gani kati ya Ethereum na Bitcoin?
Ethereum ilizinduliwa mwaka 2015 na ilijengwa juu ya teknolojia ya Bitcoin ikileta mabadiliko makubwa kwenye teknolojia ya blokucheni.
Unaweza kutumia pesa za dijiti bila watoa malipo ama benki kwenye Ethereum na Bitcoin. Ila Ethereum inaweza kusanidiwa, kwahiyo unaweza kujenga na kutuma(zindua) programu ama (app) zilizogatuliwa kwenye mtandao wa Ethereum.
Bitcoin inaturuhusu kutumiana taarifa za msingi kuhusu kipi tunafikiri kinathamani. Ni nguvu kwa jamii kuanzisha thamani bila ya mamlaka ya serikali. Ethereum inapanua zaidi uwezo huu: badala ya taarifa peke yake, unaweza kuandika programu ya jumla ama mkataba-erevu. Hakuna vidhibiti au ukomo wa aina ya mkataba unaoweza kuundwa na kukubaliwa, na hivyo uvumbuzi wa hali ya juu unafanyika kwenye mtandao wa Ethereum.
Huku Bitcoin ukiwa ni mtandao wa malipo peke yake, Ethereum ni kama sehemu ya masoko ya huduma za kifedha, michezo ya mtandaoni, mitandao ya kijamii, na programu nyingine.
Kusoma zaidi
Habari za wiki kwenye Ethereum -Gazeti la kila wiki lenye taarifa muhimu juu ya maendeleo yote ya ikolojia.
Atomi, mashirika, Blokucheni - Kwanini blokucheni inajalisha?
Punje Ndoto ya Ethereum