Nini kinatokea unapofadhili utamaduni, sio tu msimbo

Hadithi hii ilichapishwa awali kama uzi wa mgeni kwenye wasifu wa @Ethereum X (opens in a new tab) mnamo Mei 30, 2025. Imehaririwa kidogo ili isomeke vizuri.

Safari ya kuleta mabadiliko

Nini kinatokea unapotumia Ethereum sio tu kufadhili msimbo, bali utamaduni?

Hii hapa ni safari yangu kutoka kuwa mhuishaji wa meme za fedha zilizogatuliwa (DeFi) hadi kujenga jukwaa la filamu lililogatuliwa kwenye Ethereum.

Kujaribu kubadilisha mfumo wa zamani wa Hollywood kwa sababu haufai.

Tukio langu la kwanza kusambaa sana lilikuja nilipotengeneza video ya tangazo la Uniswap v3 (opens in a new tab) mwaka wa 2021, ambayo ilipata watazamaji zaidi ya 500,000 ndani ya saa 24.

Niliitengeneza (mint) kama NFT na ikauzwa kwa 310 ETH.

Lakini kilichoifanya iwe ya kihistoria ni nani aliyeinunua...

PleasrDAO na kuibuka kwa umiliki wa pamoja

Hakuwa tajiri mkubwa (whale). Zilikuwa anwani 23 za mkoba ambazo zilianzisha DAO papo hapo ili kuchangisha fedha na kushinda mnada. Walijiita @PleasrDAO (opens in a new tab).

Uuzaji huo ulianzisha wimbi la uundaji wa mtaji wa pamoja ambalo bado tunalihisi leo.

Ilikuwa wakati wa kitamaduni uliothibitisha kuwa uratibu wa mtaji wa pamoja kwenye Ethereum haukuwa tu unawezekana, bali ulikuwa na nguvu. Ilisaidia kuhamasisha itifaki ya Juicebox, PartyDAO, na zaidi.

Ethereum ikawa uwanja wa aina mpya za hatua za pamoja.

Baadaye msimu huo wa joto, nilitengeneza NFT zilizochangisha fedha kwa ajili ya Ethereum: The Infinite Garden (opens in a new tab), makala ya kwanza ya filamu kuhusu Ethereum.

Ilichangisha 1,036 ETH ndani ya saa 48, ikifadhiliwa kikamilifu na jamii ya Ethereum.

Ilinifanya niulize swali kubwa zaidi: Ikiwa Ethereum inaweza kufadhili filamu moja, kwa nini isiwe nyingi?

Je, inaweza kuchukua nafasi ya mfumo wa Hollywood uliopitwa na wakati na wenye urasimu kabisa, na kuunda upya jinsi hadithi zinavyotengenezwa?

Kujenga studio bila vizuizi

Nilianzisha Shibuya (opens in a new tab) pamoja na Maciej Kuciara (opens in a new tab). Ndoto yetu: jukwaa ambapo wabunifu wanaweza kuchangisha fedha, kuchapisha, na kuendeleza hadithi moja kwa moja na jamii zao. Hakuna vizuizi. Hadithi, jamii, na msimbo pekee.

Jaribio letu la kwanza lilikuwa mfululizo wa anime ulioitwa White Rabbit (opens in a new tab). Tulichangisha >400 ETH kwa uzoefu mwingiliano wa mtindo wa chagua-matukio-yako-mwenyewe:

• Mashabiki walitengeneza (mint) NFT za Producer Pass
• Waliweka dhamana ili kupiga kura kuhusu maamuzi ya hadithi moja kwa moja kwenye kichezaji
• Walipata ERC-20 (tokeni yetu ya usikivu)

ERC-20 ilitolewa kwenye mkondo wa dhamana (bonding curve). Kadiri ulivyowahi na kushiriki zaidi, ndivyo ulivyopata zaidi. Kura (kama vile kumpa jina mhusika mkuu Mirai) zilifanyika kupitia Snapshot.

Ushiriki haukupewa tu tuzo, ulisaidia kuunda hadithi yenyewe.

Moja ya sehemu ninazojivunia zaidi: orodha ya washiriki (credits). Hazikuwa tuli, bali zilisasishwa kwa wakati halisi.

Kulingana na mchango, mashabiki walitambuliwa kama:

• Mtayarishaji Mkuu
• Mtayarishaji
• Mtayarishaji Mshiriki
• Msaidizi wa Uzalishaji (kwa nafasi ya mwisho, lol)

Kila mtayarishaji katika orodha ya washiriki ni ENS au anwani ya mkoba. Mpangilio unasasishwa moja kwa moja, kama leja.

Ni mojawapo ya mara za kwanza Ethereum ilitumiwa sio tu kufadhili filamu, bali kuamua nani anatambuliwa ndani yake. ENS = IMDb mpya.

White Rabbit: Wakati hadithi za Ethereum zinahamisha utamaduni

Tulionyesha White Rabbit kwa mara ya kwanza kwenye jukwaa kuu katika Devcon 2024. Iliteuliwa kwa VMA & Webby, ilionyeshwa kwenye video ya muziki ya Linkin Park (watazamaji 100M+), na Mirai alikuwa kwenye jalada la Vogue Taiwan.

(Dokezo la Mhariri: Baada ya makala haya kuchapishwa, White Rabbit iliendelea kushinda tuzo ya Emmy kwa Ubunifu Bora Katika Utayarishaji wa Vyombo vya Habari Vinavyoibuka - 2025 (opens in a new tab).)

Sio kuhusu kutafuta umaarufu, bali ni kwamba hadithi za Ethereum zinaweza kuhamisha utamaduni.

Tumeachia vipindi 5 vya majaribio (pilots) asili katika aina tofauti, kila kimoja kikiwa na mbunifu tofauti. Zimefadhiliwa na kutayarishwa kwa ushirikiano na sisi.

Ikiwa unapenda kimoja, unaweza kufadhili kipindi kinachofuata na kuwa sehemu ya orodha ya washiriki. Ziko hewani na ni bure kutazama kwenye shibuya.film (opens in a new tab).

Huu ni zaidi ya mkusanyiko wa filamu fupi. Ni uthibitisho wa dhana kwa aina mpya ya mfumo wa ikolojia wa burudani.

Kwa kuchanganya utiririshaji (streaming) na uchangishaji fedha, tunaweza kuwawezesha wabunifu na watazamaji kuunda mustakabali wa usimuliaji wa hadithi.

Kuthibitisha mfumo unafanya kazi

Ikiwa tunataka kutoka kwenye mwangwi wa ndani wa kripto, tunaweza kufanya hivyo kupitia utamaduni.

Lakini maudhui lazima yawe na nguvu ya kutosha kushindana nje ya nafasi hii pia. Uteuzi wa maudhui (curation) ni muhimu!

Ikiwa wengi wetu tutachangia bei ya kahawa, tunaweza kufadhili filamu nzuri mnyororoni.

Pamoja tunaweza kuthibitisha mfumo huu unafanya kazi, ili wabunifu na mashabiki zaidi watake kuja kwenye Web3. Sio kwa sababu wanapaswa, bali kwa sababu ni bora zaidi.