मुख्य आशयावर जा
Change page

स्मार्ट कॉन्ट्रॅक्ट संयोज्यता

एक संक्षिप्त परिचय

इथेरियमवर स्मार्ट कॉन्ट्रॅक्ट्स सार्वजनिक असतात आणि त्यांचा खुल्या APIs म्हणून विचार केला जाऊ शकतो. विकेंद्रित ॲप्लिकेशन (dapp) डेव्हलपर होण्यासाठी तुम्हाला तुमचे स्वतःचे स्मार्ट कॉन्ट्रॅक्ट लिहिण्याची गरज नाही, तुम्हाला फक्त त्यांच्याशी संवाद कसा साधायचा हे माहित असणे आवश्यक आहे. उदाहरणार्थ, तुमच्या ॲपमधील सर्व टोकन अदलाबदल लॉजिक हाताळण्यासाठी तुम्ही युनिस्वॅप (opens in a new tab) या विकेंद्रित एक्सचेंजचे विद्यमान स्मार्ट कॉन्ट्रॅक्ट्स वापरू शकता – तुम्हाला शून्यापासून सुरुवात करण्याची गरज नाही. त्यांचे काही v2 (opens in a new tab) आणि v3 (opens in a new tab) कॉन्ट्रॅक्ट्स तपासा.

संयोज्यता म्हणजे काय?

नवीन सिस्टीम किंवा आउटपुट तयार करण्यासाठी भिन्न घटक एकत्र करणे म्हणजे संयोज्यता होय. सॉफ्टवेअर डेव्हलपमेंटमध्ये, संयोज्यता म्हणजे डेव्हलपर नवीन ॲप्लिकेशन्स तयार करण्यासाठी विद्यमान सॉफ्टवेअर घटकांचा पुनर्वापर करू शकतात. संयोज्यता समजून घेण्याचा एक चांगला मार्ग म्हणजे संयोज्य घटकांचा लेगो ब्लॉक्स म्हणून विचार करणे. प्रत्येक लेगो दुसऱ्याशी जोडला जाऊ शकतो, ज्यामुळे तुम्हाला वेगवेगळे लेगो एकत्र करून जटिल रचना तयार करता येतात.

इथेरियममध्ये, प्रत्येक स्मार्ट कॉन्ट्रॅक्ट हा एक प्रकारचा लेगो आहे—तुम्ही तुमच्या प्रोजेक्टसाठी बिल्डिंग ब्लॉक्स म्हणून इतर प्रोजेक्ट्समधील स्मार्ट कॉन्ट्रॅक्ट्स वापरू शकता. याचा अर्थ तुम्हाला आधीच अस्तित्वात असलेल्या गोष्टी पुन्हा शोधण्यात किंवा शून्यापासून तयार करण्यात वेळ घालवावा लागणार नाही.

संयोज्यता कशी कार्य करते?

इथेरियम स्मार्ट कॉन्ट्रॅक्ट्स सार्वजनिक APIs सारखे असतात, त्यामुळे कोणीही कॉन्ट्रॅक्टशी संवाद साधू शकतो किंवा अतिरिक्त कार्यक्षमतेसाठी त्यांना dapps मध्ये समाकलित करू शकतो. स्मार्ट कॉन्ट्रॅक्ट संयोज्यता साधारणपणे तीन तत्त्वांवर कार्य करते: मॉड्यूलरिटी, स्वायत्तता आणि शोधक्षमता:

1. मॉड्यूलरिटी: ही वैयक्तिक घटकांची विशिष्ट कार्य करण्याची क्षमता आहे. इथेरियममध्ये, प्रत्येक स्मार्ट कॉन्ट्रॅक्टचा एक विशिष्ट वापर असतो (जसे युनिस्वॅप उदाहरणात दाखवले आहे).

2. स्वायत्तता: संयोज्य घटक स्वतंत्रपणे कार्य करण्यास सक्षम असले पाहिजेत. इथेरियममधील प्रत्येक स्मार्ट कॉन्ट्रॅक्ट स्वयंचलितपणे कार्यान्वित होते आणि सिस्टीमच्या इतर भागांवर अवलंबून न राहता कार्य करू शकते.

3. शोधक्षमता: जर बाह्य कॉन्ट्रॅक्ट्स सार्वजनिकरित्या उपलब्ध नसतील तर डेव्हलपर त्यांना कॉल करू शकत नाहीत किंवा ॲप्लिकेशन्समध्ये सॉफ्टवेअर लायब्ररी समाकलित करू शकत नाहीत. डिझाइननुसार, स्मार्ट कॉन्ट्रॅक्ट्स ओपन-सोर्स असतात; कोणीही स्मार्ट कॉन्ट्रॅक्टला कॉल करू शकतो किंवा कोडबेस फोर्क करू शकतो.

संयोज्यतेचे फायदे

लहान डेव्हलपमेंट सायकल

dapps तयार करताना डेव्हलपर्सना करावे लागणारे काम संयोज्यता कमी करते. नवल रविकांत यांच्या मते: (opens in a new tab) "ओपन सोर्स म्हणजे प्रत्येक समस्या फक्त एकदाच सोडवावी लागते."

जर एखादे स्मार्ट कॉन्ट्रॅक्ट एखादी समस्या सोडवत असेल, तर इतर डेव्हलपर त्याचा पुनर्वापर करू शकतात, जेणेकरून त्यांना तीच समस्या पुन्हा सोडवावी लागणार नाही. अशा प्रकारे, डेव्हलपर विद्यमान सॉफ्टवेअर लायब्ररी घेऊ शकतात आणि नवीन dapps तयार करण्यासाठी अतिरिक्त कार्यक्षमता जोडू शकतात.

अधिक नावीन्य

संयोज्यता नावीन्य आणि प्रयोगांना प्रोत्साहन देते कारण डेव्हलपर इच्छित परिणाम तयार करण्यासाठी ओपन-सोर्स कोडचा पुनर्वापर, सुधारणा, डुप्लिकेट किंवा समाकलित करण्यास मोकळे असतात. परिणामी, डेव्हलपमेंट टीम्स मूलभूत कार्यक्षमतेवर कमी वेळ घालवतात आणि नवीन वैशिष्ट्यांसह प्रयोग करण्यासाठी अधिक वेळ देऊ शकतात.

उत्तम वापरकर्ता अनुभव

इथेरियम इकोसिस्टीमच्या घटकांमधील आंतरकार्यक्षमता वापरकर्त्याचा अनुभव सुधारते. जेव्हा dapps बाह्य स्मार्ट कॉन्ट्रॅक्ट्स समाकलित करतात तेव्हा वापरकर्ते अधिक कार्यक्षमतेत प्रवेश करू शकतात, त्या तुलनेत जिथे ॲप्लिकेशन्स एकमेकांशी संवाद साधू शकत नाहीत अशा खंडित इकोसिस्टीममध्ये हे शक्य नसते.

आंतरकार्यक्षमतेचे फायदे स्पष्ट करण्यासाठी आम्ही आर्बिट्रेज ट्रेडिंगचे उदाहरण वापरू:

जर एखादे टोकन exchange B पेक्षा exchange A वर जास्त किमतीत ट्रेड करत असेल, तर तुम्ही नफा मिळवण्यासाठी किमतीतील फरकाचा फायदा घेऊ शकता. तथापि, तुम्ही हे तेव्हाच करू शकता जेव्हा तुमच्याकडे व्यवहारासाठी पुरेसे भांडवल असेल (म्हणजेच, exchange B वरून टोकन खरेदी करणे आणि ते exchange A वर विकणे).

अशा परिस्थितीत जिथे तुमच्याकडे ट्रेड कव्हर करण्यासाठी पुरेसा निधी नाही, तिथे फ्लॅश कर्ज आदर्श असू शकते. फ्लॅश कर्जे अत्यंत तांत्रिक असतात, परंतु मूळ कल्पना अशी आहे की तुम्ही (तारणाशिवाय) मालमत्ता उधार घेऊ शकता आणि एकाच व्यवहारामध्ये ती परत करू शकता.

आमच्या सुरुवातीच्या उदाहरणाकडे परत जाताना, एक आर्बिट्रेज ट्रेडर मोठे फ्लॅश कर्ज घेऊ शकतो, exchange B वरून टोकन्स खरेदी करू शकतो, त्यांना exchange A वर विकू शकतो, भांडवल + व्याज परत करू शकतो आणि नफा स्वतःकडे ठेवू शकतो, हे सर्व एकाच व्यवहारामध्ये. या जटिल लॉजिकसाठी एकाधिक कॉन्ट्रॅक्ट्सच्या कॉल्सना एकत्र करणे आवश्यक आहे, जे स्मार्ट कॉन्ट्रॅक्ट्समध्ये आंतरकार्यक्षमता नसल्यास शक्य होणार नाही.

इथेरियममधील संयोज्यतेची उदाहरणे

टोकन अदलाबदल

जर तुम्ही असे dapp तयार केले ज्यामध्ये व्यवहार ETH मध्ये भरले जाणे आवश्यक आहे, तर तुम्ही टोकन अदलाबदल लॉजिक समाकलित करून वापरकर्त्यांना इतर ERC-20 टोकन्समध्ये पैसे देण्याची परवानगी देऊ शकता. कॉन्ट्रॅक्टने कॉल केलेले फंक्शन कार्यान्वित करण्यापूर्वी कोड आपोआप वापरकर्त्याच्या टोकनला ETH मध्ये रूपांतरित करेल.

प्रशासन

DAO साठी सानुकूल प्रशासन सिस्टीम तयार करणे महाग आणि वेळखाऊ असू शकते. त्याऐवजी, प्रशासकीय फ्रेमवर्क त्वरीत तयार करण्यासाठी तुम्ही तुमच्या DAO ला बूटस्ट्रॅप करण्यासाठी Aragon Client (opens in a new tab) सारख्या ओपन-सोर्स प्रशासन टूलकिटचा वापर करू शकता.

ओळख व्यवस्थापन

सानुकूल प्रमाणीकरण सिस्टीम तयार करण्याऐवजी किंवा केंद्रीकृत प्रदात्यांवर अवलंबून राहण्याऐवजी, वापरकर्त्यांसाठी प्रमाणीकरण व्यवस्थापित करण्यासाठी तुम्ही विकेंद्रित ओळख (did) टूल्स समाकलित करू शकता. याचे एक उदाहरण SpruceID (opens in a new tab) आहे, एक ओपन-सोर्स टूलकिट जे "Sign in with Ethereum" कार्यक्षमता ऑफर करते ज्यामुळे वापरकर्ते इथेरियम वॉलेटसह त्यांची ओळख प्रमाणित करू शकतात.

पुढील वाचन

तुम्हाला मदत केलेल्या कम्युनिटी रिसोर्सबद्दल माहिती आहे का? हे पेज संपादित करा आणि ते जोडा!